အဖြေပေးသောဆုတောင်းချက်သည် ဘုရားသခင်ထံတောင်းလျှောက်သောဆု တောင်းခြင်းအဖြေဖြစ်သည်ဟု လူများစွာတို့ကယုံကြည်ကြသည်။ ဆုတောင်းခြင်းတစ်ခုကို မပေးခဲ့လျှင် ၄င်းသည် “အဖြေမရသောဆုတောင်းခြင်း”ဖြစ်သည်ဟု နားလည်ခဲ့ကြသည်။ သို့သော်ထိုသို့နားလည်မှုသည် ဆုတောင်းခြင်းအပေါ်အမြင်မှားခြင်းဖြစ်သည်။ ဘုရားသခင်က သူ့ထံရောက်ရှိလာသောဆုတောင်းသံများကို နားညောင်းအဖြေပေးခဲ့သည်။ တခါတရံ ဘုရာသခင်က “မပေးဘူး” (သို့) “စောင့်ပါ” ဟုပြောတတ်သည်။ ကျွန်ုပ်တို့သည် ဘုရားသခင်၏အလိုတော်နှင့်အညီဆုတောင်းမှသာဘုရားသခင်ကအဖြေပေးမည်ဟု ကတိပေး ခဲ့သည်။ “ငါတို့သည် ဘုရားသခင့်အထံတော် ၌ ရဲရင့်ခြင်းအကြောင်းဟူမူကား၊ ငါတို့သည်အလိုတော်နှင့်အညီ တစုံတခုသောဆုကိုတောင်းလျှင် ဘုရားသခင်သည်နားတော်မူ၏။ ဆုတောင်းသမျှသောစကားတို့ကို နားထောင်တော်မူ သည်ကို ငါတို့သိလျှင်၊ အထံတော်၌တောင်းသောဆုတို့ကိုရမည်ဟုသိကြ၏။” (၁ယောဟန် ၅း၁၄-၁၅)။
ဘုရားသခင်၏အလိုတော်နှင့်အညီဆုတောင်းခြင်းသည် မည်သည့်အရာကိုဆိုလို သနည်း။ ဘုရားသခင်၏အလိုတော်နှင့်ဆုတောင်းခြင်းသည် သမ္မာကျမ်းစာထဲတွင်ဖော်ပြထား သောဘုရားသခင်၏အလိုတော်အတိုင်း ဘုရားသခင်ကိုဂုဏ်ပြုသော၊ သူ၏ဘုန်းတော်ထင်ရှား စေသောဆုတောင်းခြင်းမျိုးဖြစ်သည်။ ကျွန်ုပ်တို့သည် ဘုရားသခင်၏ဘုန်းတော်ကိုမထင်ရှား စေသောဆုတောင်းခြင်း (သို့) ကျွန်ုပ်တို့အသက်တာအတွက် ဘုရားသခင်၏အလိုတော်နှင့်မ ညီသောဆုတောင်းမျိုးဖြင့်ဆုတောင်းလျှင် ဘုရားသခင်က ကျွန်ုပ်တို့ဆုတောင်းသံကိုနား ညောင်းမည်မဟုတ်ပေ။ ကျွန်ုပ်တို့သည် ဘုရားသခင်၏အလိုတော်ကို မည်ကဲ့သို့သိရှိနိုင် ကြ မည်နည်း။ ကျွန်ုပ်တို့သည် ဥာဏ်ပညာအတွက်ဆုတောင်းသောအခါ ဘုရားသခင်ကညာဏ် ပညာကိုပေးထားမည်ဟု ဂတိတော်ရှိသည်။ယာကုပ် ၁း၅ ထဲတွင် “သင်တို့တွင် တစုံတယောက်သောသူသည် ပညာကိုလိုလျှင်၊ ကဲ့ရဲ့ပြစ်တင်ခြင်းကိုပြုတော်မမူဘဲ၊ ခပ်သိမ်း သောသူတို့အား စေတနာစိတ်နှင့်ပေးသနားတော်မူသောဘုရားသခင်ကိုတောင်စေ”ဟုကြွေး ကြော်ထားပါသည်။ ၁သက် ၅း၁၂-၂၄ ထဲတွင် ကျွန်ုပ်တို့အတွက် ဘုရားသခင်၏အလိုတော် များကို ဖော်ပြထားပါသည်။ ကျွန်ုပ်တို့သည် နှုတ်ကပတ်တော်ကို သိရှိလေလေ၊ အဘယ်အရာ များကိုတောင်းလျှောက်မည်ကိုသိရှိလေလေဖြစ်သွားပါလိမ့်မည် (ယောဟန် ၁၅း၇)။ ဆုတောင်းခြင်းအတွက် ကျွန်ုပ်တို့ သိရှိလေလေ ကျွန်ုပ်တို့တောင်းဆိုမှုအပေါ် ဘုရားသခင်က “ဟုတ်ကဲ့”ဟု ပြောကအဖြေပေးလေလေဖြစ်ပါသည်။
။အဖွဲ့လိုက် စုပေါင်းဆုတောင်းခြင်းသည် အသင်းတော်၏ရှင်သန်ခြင်းတွင် အရေးကြီး သောအစိတ်အပိုင်းတစ်ခုဖြစ်သည်။ဆုတောင်းခြင်းသည် ကိုးကွယ်ခြင်းနှင့်ဒွန်တွဲသည်။ ကောင်းသောခံယူချက်ဖြစ်သည်။ တလုံးတ၀ဖြစ်စေသည်။ မိတ်သာဟာရဖွဲ့စေသည်။ ကနဦးယုံကြည်သူများသည် တမန်တော်များ၊ မုန့်ဖဲ့ခြင်း နှင့်အတူတကွဆုတောင်းခြင်း များ၏ခံယူချက်သင်ယူနိုင်ရန် ပုံမှန်တွေ့ဆုံခဲ့ကြသည် (တမန် ၂း၄၂)။ ယုံကြည်သူများ အတူတကွဆုတောင်းသောအချိန်တွင် များစွာအကျိုးတက်ရောက်မှုရှိသည်။ ကျွန်ုပ်တို့သည် ယုံကြည်ခြင်း၌စိတ်တလုံးတ၀ရှိသည်နည်းတူ အဖွဲ့လိုက်စုပေါင်းဆုတောင်းခြင်းက အသိအ မှတ်ပြုစေကာစည်းလုံးမှုဖြစ်စေသည်။ ကျွန်ုပ်တို့သည် ကျွန်ုပ်တို့၏ကယ်တင်ရှင်အရှင်သခင် ကိုချီးမွမ်းပြီး၊ အခြားသောနေရာများတွင်မတွေ့ရသော မိတ်သာဟာရ၌ အတူတကွစိတ်တ လုံးတ၀စုရုးသည့်နည်းတူ အအယုံကြည်သူများအယောက်စီတိုင်း၌ ကိန်းဝပ်သော တူညီသောသန့်ရှင်းသောဝိညာဉ်တော်သည် ကျွန်ုပ်တို့၏နှလုံးသားထဲတွင် ပျော်ရွှင်မှုများပေးခဲ့သည်။
အထီးကျန်ဘ၀ခံစားနေရသောသူများနှင့် ၀န်ပိုးဝန်ထုတ်ထမ်းကာဘ၀ရုန်းကန်သော သူများက ကျေးဇူးတော်ပလ္လင်တော်နားတွင် အခြားသူများပြုသောဆုတောင်းသံကိုသူတို့ကြား သောအခါ သူတို့သည် အလွန်အမင်းစိတ်နှစ်သိမ့်မှုရရှိကြမည်ဖြစ်သည်။ ကျွန်ုပ်တို့သည်အခြား သူများအတွက်ဆုတောင်းပေးသည့်နည်းတူ သူတပါးအပါ် ချစ်ခြင်းမေတ္တာရှိစေပြီးအခြား သူများအတွက်စဉ်းစားပေးတတ်သောညာဉ်ဖြစ်ထွန်းစေသည်။ ထိုနည်းတူ၊ အဖွဲ့လိုက်စုပေါင်း ဆုတောင်းခြင်းသည် ပါဝင်သောသူများ၏နှလုံးသားထဲတွင်ရှိသောအရာများထင်ရှားစေသည်။ ကျွန်ုပ်တို့သည် နှိမ့်ချခြင်း (ယာကုပ် ၄း၁၀)၊ သမ္မာတရား (ဆာလံ ၁၄၅း၁၈)၊ နာခံခြင်း (၁ယော ၃း၂၁-၂၂)၊ ကျေးဇူးတော်ချီးမွမ်းခြင်း( ဖိလိပ္ပိ ၄း၆)နှင့် ရဲရင့်မှု (ဟေဗြဲ ၄း၁၆) တို့ဖြင့် ဘုရားသခင်ထံသို့သွားရမည်ဖြစ်သည်။ ၀မ်းနည်းစရာတစ်ခုမှာ အဖွဲ့လိုက်စုပေါင်းဆု တောင်းခြင်းသည် စင်မြင့်ပေါ်မှဘုရားသခင်ထံ သို့မရောက်သောဆုတောင်းခြင်း၊ ကြားနာသောသူများအတွက်သာဆုတောင်းခြင်းမျိုးဖြစ်နိုင်သည်။ ရှင်မဿဲ ၅း၆-၈ ထဲတွင် သခင်ယေရှုက ဤကဲ့သို့သောအပြုအမှုများအသုံးမပြုရန်သတိပေးထားခဲ့သည်။ ကျွန်ုပ်တို့သည် ဆုတောင်းသောအခါ အခြားသူများမြင်သာသောနေရာ၊ ကျယ်လောင်သော အသံနှင့် မတရားသောအမှုအရာစိတ်ထားများဖြင့်ဆုမတောင်းရပေ။ သို့သော် မတရားသော အပြုအမူများအသုံးပြုခြင်းအားဖြင့် စုံစမ်းနှောင့်ယှက်ခြင်းဖြစ်စေနိုင်သောအရာများရှောင်ရှား နိုင်ရန် ကျွန်ုပ်တို့၏အခန်းထဲတွင် တိတ်ဆိတ်စွာဆုတောင်းရမည်ဖြစ်သည်။
ဘုရားသခင်၏လက်တော်များလှုပ်ရှားခြင်းတွင် တစ်ဦးတည်းဆုတောင်းခြင်းထက် လူအများ ပူးပေါင်းဆုတောင်းခြင်းက “ပို၍တန်ခိုး”ရှိသည်ဟု သမ္မာကျမ်းစာထဲတွင် ဖော်ပြထားခြင်းမရှိ ပေ။ ထို့ပြင် ခရစ်ယာန်များစွာတို့သည် ဆုတောင်းခြင်းကို “ဘုရားသခင်ထံမှကောင်းချီးခံစား ခြင်း”ဖြစ်သည်ဟု ယူဆတတ်ကြသည်။ အဖွဲ့လိုက်ဆုတောင်းခြင်းသည်လည်း ကျွန်ုပ်တို့ လို ချင်သောအရာများ ထပ်ခါတလဲလဲတင်ပြခြင်းဖြစ်သည်ဟုလည်းယုံကြည်ကြသည်။ သို့သော် သမ္မာကျမ်းစာထဲတွင်ဖော်ပြထားသောဆုတောင်းခြင်းသည် သန့်ရှင်းသော၊ပြည့်စုံသော၊ ဖြောင့် မတ်သောကျွန်ုပ်တို့ဘုရားသခင်ရှိသောနေရာတွင် သူနှင့်ရင်းနှီးစွာစကားပြောရန်အတွက် စိတ် နှလုံးအကြွင်းမဲ့သူရှိသောနေရာသို့တိုးဝင်ချဉ်းကပ်ခြင်းဖြစ်သည်။ သူဖန်ဆင်းထားသောသူများ တောင်းလျှောက်သောစကားသံများကိုနားညောင်းအဖြေပေးခြင်းသည် ကြွယ်ဝခြင်း (ဆာလံ ၂၇း၎၊ ၆၃း၁-၈)၊ အပြစ်နောင်တရခြင်း (ဆာလံ ၅၁၊ လုကာ ၁၈း၉-၁၄)၊ ကျေးဇူးတင်စကား ပြောခြင်း (ဖိလိပ္ပိ ၄း၆၊ ကောလောသဲ ၁း၁၂) နှင့် အခြားသူများအတွက် ရိုးသားဖြူစင်စွာ ကိုယ်စားပြု ဆုတောင်းခြင်းများ (၂သက် ၁း၁၁၊ ၂း၁၆) ဖြစ်စေတတ်သည်။
ထိုကြောင့်ဆုတောင်းခြင်းသည် ဘုရားသခင်၏အကြံအစည်တော်များအကောင်အထည်ဖော် ရန် သူနှင့်အတူပူးပေါင်းလုပ်ဆောင်ခြင်းဖြစ်သည်။ ကျွန်ုပ်တို့လိုအင်ဆန္ဒတစ်ခုတည်းပေးရန် တောင်းဆိုခြင်းမဟုတ်ပေ။ ကျွန်ုပ်တို့၏အခြေအနေကို သိရှိပြီး၊ “မိတ်ဆွေမတောင်းလျှောက်မီ သိရှိသောဘုရားသခင်” (မဿဲ ၆း၈)ထံ ကျွန်ုပ်တို့၏လိုအပ်မှုများပုံအပ်သောအခါ ကျွန်ုပ်တို့၏ ဆုတောင်းခြင်းများသည် အမြင့်ဆုံးသောနေရာသို့ရောက်ရှိပါလိမ့်မည်။ ထိုကြောင့် ဘုရားသခင်၏အလိုတော်နှင့်အညီဆုတောင်းခြင်းကို လူတစ်ယောက်ကတောင်းသည်ဖြစ်စေ၊ အယောက်တစ်ထောင်ကတောင်းသည်ဖြစ်စေ ဘုရားသခင်ကအမြဲတမ်းနားညောင်းသည်။
လူအများအဖွဲ့လိုက်ဆုတောင်းခြင်းသည် ဘုရားသခင်၏လက်တော်ပို၍လှုပ်ရှားစေ သည်ဟုမှားယွင်းစွာအဓိပ္ပါယ်ပြန်ဆိုခြင်း( ရှင်မဿဲ ၁၈း၁၉-၂၀)ကို မှားယွင်းစွာခံယူခြင်းဖြစ် သည်။ “တဖန်ငါဆိုသည်ကား၊ မြေကြီးအပေါ်မှာသင်တို့တွင် နှစ်ယောက်တို့သည် သဘော ချင်းတူ၍ဆုတောင်းလျှင်၊ တောင်းသမျှသောဆုတို့ကိုကောင်းကင်ဘုံ၌ရှိတော်မူသော ခမည်း တော်သည် ပေးတော်မူလတံ့။ အကြောင်းမူကား၊ အကြင်အရပ်၌လူနှစ်ဦးသုံးဦးတို့သည် ငါ ၏နာမကိုထောက်၍စည်းဝေးကြ၏။ထိုအရပ်၌သူတို့အလယ်မှာ ငါရှိသည်ဟုမိန့်တော်မူ၏။” ဤ ကျမ်းပိုဒ်များသည် အပြစ်ပြုသူများပါဝင်သောအသင်းတော်စည်းမျဉ်းစည်းကမ်းကိစ္စများတွင် လိုက်နာရမည့်အစီအစဉ်များကို ရည်ညွှန်းဖော်ပြလိုခြင်းဖြစ်သည်။ သူတို့သည် တစ်စုံတစ်ခုကို စိတ်သဘောထားညီညွတ်စွာတောင်းလျှောက်လျှင် သူတို့သည်အပြစ်ဘယ်လောက်ဘဲရှိရှိ၊ ဘယ်လောက်ဘဲအအ၊ အသင်းတော်စည်းကမ်းချက်များကိုဘယ်လောက်ဘဲချိုးဖောက်ချိုး ဖောက် ဘုရားသခင်က သူတို့၏ဆုတောင်းချက်များချပေးမည်ဟုဂတိတော်ဖြစ်ကြောင်း ၄င်းတို့ကိုအနက်ဖွင့်ရမည်ဖြစ်သည်။ သို့သော် အထူးသဖြင့်ဘုရားသခင်၏အုပ်စိုးမှုဖြစ်သောအ ခြားကျမ်းပိုဒ်များတွင် ထိုသို့သောဆုတောင်းခြင်းမျိုးကိုတားမြစ်ထားသည်။
၎င်းအပြင်၊ “နှစ်ဦးသုံးဦးတို့စုရုံး”ဆုတောင်းခြင်းပြုသောအခါ အံ့သြဖွယ်နိမိတ်လက္ခဏာများ ဖြစ်ထွန်းသည်ဟုယုံကြည်ခြင်းက ကျွန်ုပ်တို့ဆုတောင်းခြင်းသည် သမ္မာကျမ်းစာဖော်ပြချက်နှင့် မညီညွတ်သည်ကို ချက်ချင်းဖော်ပြထားသည်။ သခင်ယေရှုသည် နှစ်ဦးသုံးဦးတို့အတူတကွစု ရုံးသောနေရာတွင် ရှိသည်။ ထိုနည်းတူ၊ သူသည် အခြားသောသူများနှင့်မိုင်ပေါင်း ထောင်ကျော်ဝေးလံသောနေရာတွင်ရှိသော လူတစ်နှင့်နှင့်လည်းအတူရှိသည်။ အဖွဲ့လိုက်စုပေါင်းဆုတောင်းခြင်းသည် စည်းလုံးမှုကိုဖြစ်စေသောကြောင့်အရေးကြီးသည် (ယောဟန် ၁၇း၂၂-၂၃)။ ၄င်းသည် ယုံကြည်သူများအချင်းချင်း ခွန်အားပေးနိုင်သောသော့ချက်လည်းဖြစ်သည်။ (၁သက် ၅း၁၁)။ အချင်းချင်းမေတ္တာတိုးပွါးစေ ပြီးကောင်းသောအရာများပြုလုပ်စေသည် (ဟောဗြဲ ၁၀း၂၄)။
ပဌနာတော်သည် တပည့်တော်များအပေါ်သခင်ယေရှုသွန်သင်သောဆုတောင်း ခြင်းဖြစ်သည်။ မဿဲ ၆း၉-၁၃နှင့်လုကာ ၁၁း၂-၄ထဲတွင်တွေ့ရသည်။ မဿဲ ၆း၉-၁၃ ထဲတွင် “သင်တို့ဆုတောင်းရမည်မှာ ဤသို့ဖြစ်သည်။ ‘ကောင်းကင်ဘုံ၌ရှိတော်မူသော ကျွန်ုပ်တို့၏ အဘ၊ ကိုယ်တော်၏နာမတော်အားရိုသေလေးမြတ်ခြင်းရှိပါစေသော။ နိုင်ငံတော်တည် ထောင်ပါစေသော။ အလိုတော်သည် ကောင်းကင်ဘုံ၌ပြည့်စုံသ ကဲ့သို့မြေကြီးပေါ်မှာပြည့်စုံပါစေသော။ အသက်မွေးလောက်သောအစာကို အကျွန်ုပ်တို့အားယနေ့ပေးသနားတော်မူ ပါ။ သူတပါးသည်အကျွန်ုပ်တို့ကိုပြစ်မှား သောအပြစ်များကို အကျွန်ုပ်တို့သည်လွတ်သကဲ့သို့ အကျွန်ုပ်တို့၏အပြစ်များ ကိုလွှတ်တော်မူပါ။ အပြစ်သွေးဆောင်ရာသို့မလိုက်မပါစေဘဲ မကောင်းသောအမှုအရာ မှလည်းကယ်နှုတ်တော်မူပါ။’“ ပဌနာတော်ဆုတောင်းခြင်းကို ကျွန်ုပ်တို့သည် ၄င်းစကားလုံးအတိုင်း တိတိကျကျတောင်းလျှောက်ရမည်ဟု မှားယွင်းစွာ ခံယူတတ်ကြသည်။ အချို့သောသူများက ပဌနာတော်ဆုတောင်းခြင်းကို အလွန်ကောင်း သောနိယာမတစ်ခုအဖြစ်ထင်မှတ်ကြသည်။ ထိုစကားလုံးများသည် တန်ခိုးရှိပြီး ဘုရားသခင်ကိုလွှမ်းမိုးစေနိုင်သည်ဟု ယုံကြည်ကြသည်။
သမ္မာကျမ်းစာက ထိုသို့မဖော်ပြထားပေ။ ဘုရားသခင်သည်ကျွန်ုပ်တို့နှလုံးသားထဲ တွင်ရှိသောစကားလုံးများထက် ကျွန်ုပ်တို့ဆုတောင်းသောအခါ ကျွန်ုပ်တို့၏နှလုံးသားများ ကိုပို၍စိတ်ဝင်စားသည်။ “သင်တို့ဆုတောင်းသောအခါ ဆိတ်ညံရာအခန်းသို့ဝင်၍ တံခါးကို ပိတ်ပြီးမှ၊ မထင်ရှားသောအရပ်၌ရှိတော်မူသောသင်၏အဘကိုဆုတောင်းလော့။ မထင်ရှား သောအရာကိုမြင်တော်မူသော သင်၏အဘသည် အကျိုးကိုထင်ရှားစွာပေးတော်မူလတံ့။ သင်တို့သည် ဆုတောင်းသောအခါ သာသနာပလူတို့နည်းတူ အချည်းနှီးသောစကားဖြင့် အထပ်ထပ်မမြွက်ကြနှင့်။ ထိုသူတို့သည်များစွာသောစကားအားဖြင့် မိမိအလိုပြည့်စုံမည် ဟုထင်မှတ်ကြ၏” (မဿဲ ၆း၆-၇)။ ဆုတောင်းသောအခါ ဘုရားသခင်ထံ ကျွန်ုပ်တို့၏နှလုံး သားများဖွင့်ပြောရမည်ဖြစ်သည်။ (ဖိလိပ္ပိ ၄း၆-၇) ဘုရားသခင်ထံ အလွတ်ကျက်ထားသော အရာများရွတ်ဆိုခြင်းမျိုးမဟုတ်ပေ။
ပဌနာတော်သည် ဥပမာ၊ နည်းစနစ်၊ ဆုတောင်းနည်းအဖြစ်နားလည်ရမည်ဖြစ် သည်။ ၄င်းထဲတွင် ကျွန်ုပ်တို့ဆုတောင်းသောအခါပါဝင်ရမည့်“အချက်အလက်များ” ပါဝင် ထားသည်။ “ကောင်းကင်ဘုံ၌ရှိတော်မူသောကျွန်ုပ်တို့၏အဘ”သည် ဆုတောင်းသောအခါ ခမည်းတော်ဘုရားသခင်ခံတောင်းလျှောက်ရမည်ကိုပြသသည်။ “နာမတော်အားရိုသေ လေးမြတ်ခြင်းရှိပါစေသော”က ဘုရားသခင်ကိုကိုးကွယ်ရန် နှင့်သူဖြစ်သည့်အတိုင်းချီးမွမ်း ရန်ဖြစ်သည်ကိုဖော်ပြထားပါသည်။ “နိုင်ငံတော်တည်ထောင်ပါစေသော။အလိုတော်သည် ကောင်းကင်ဘုံ၌ပြည့်စုံသကဲ့သို့မြေကြီးပေါ်မှာလည်းပြည့်စုံပါစေသော”စကားစုသည် ကျွန်ုပ်တို့အသက်တာအတွက်ဖြစ်စေ၊ လောကအရာများအတွက်ဖြစ်စေ ဘုရားသခင်၏ အကြံအစည်တော်အတိုင်းဆုတောင်းရမည်ကို ဖော်ပြခြင်းဖြစ်သည်။ ကျွန်ုပ်တို့၏အကြံအ စည်အတိုင်းဆုမတောင်းသင့်ပေ။ ကျွန်ုပ်တို့၏ဆန္ဒပြည့်စုံရန်အတွက် မဟုတ်ဘဲဘုရားသ ခင်၏အလိုတော်ပြည့်စုံရန်အတွက် ဆုတောင်းရမည်ဖြစ်သည်။ ကျွန်ုပ် တို့လိုအပ်သော အရာများ တောင်းလျှောက်နိုင်ရန်အတွက် “အသက်မွေးလောက်သောအ စာကို အကျွန်ုပ်အားယနေ့ပေးသနားတော်မူပါ”ဟုဆုတောင်းရမည်ဖြစ်သည်။ “သူတစ်ပါး သည်ကျွန်ုပ်တို့ကိုပြစ်မှားသောအပြစ်များကိုအကျွန်ုပ်သည်ခွင့်လွှတ်သကဲ့သို့အကျွန်ုပ်အပြစ် ကိုခွင့်လွှတ်တော်မူပါ”ဟုတောင်းခြင်းသည် ဘုရားသခင်ထံကျွန်ုပ်အပြစ်များဝန်ချတောင်း ပန်ရန်နှင့် အပြစ်တရားကိုစွန့်ပစ်ရန်ဖော်ပြလိုခြင်းဖ်ြသည်။ ၄င်းအပြင် ဘုရားသခင်က ကျွန်ုပ်တို့ကိုခွင့်လွှတ်သည့်နည်းတူ ကျွန်ုပ်တို့သည်လည်းအခြားသူများကိုခွင့်လွှတ်ရမည် ဖြစ်သည်။ “အပြစ်သွေးဆောင်ရာသို့မလိုက်မပါစေဘဲမကောင်းသောအမှုအရာမှလည်း ကယ်နှုတ်တော်မူပါ”ဆုတောင်းခြင်းသည် အပြစ်တရားအပေါ်အောင်မြင်ခြင်းရရှိရန် တောင်းဆိုးခြင်းဖြစ်ပြီး နတ်ဆိုးဝိညာဉ်ဆိုးများ၏တိုက်ခိုက်မှုမှ ကာကွယ်ရန်တောင်း လျှောက်ခြင်းဖြစ်သည်။
ထိုကြောင့် ပဌနာတော်ကို အလွတ်ကျက်ကာ ဘုရားသခင်ထံရွတ်ရန်အတွက်မ ဟုတ်ပေ။ ကျွန်ုပ်တို့သည်မည်ကဲ့သို့ဆုတောင်းရမည်ကိုလမ်းပြပေးသောဥပမာဖြစ်သည်။ ပဌနာတော်ကိုအလွတ်ကျက်ခြင်း၌မှားယွင်းမှုရှိသလား။ မရှိပေ။ ပဌနာတော်အားဖြင့် ဘုရားသခင်ထံတော်သို့ဆုတောင်းလျှင် မှားယွင်းခြင်းရှိမည်လား။မရှိပေ။ သို့သော် မိတ်ဆွေစိတ်ထဲတွင်ရှိသောစကားလုံးများသည် တကယ်အစစ်အမှန်ဖြစ်ဖို့လိုအပ်သည်။ မှတ်သားစရာတစ်ခုသည် ဘုရားသခင်သည် လှပသောစကားလုံးများမြွက်ဆိုကာဆု တောင်းခြင်းထက် သူနှင့်ဆက်သွယ်ခြင်း၊ ကျွန်ုပ်တို့နှလုံးသားထဲတွင်ရှိသောအရာများ မြွက်ဆိုခြင်းကို ပို၍စိတ်ဝင်စားခြင်းဖြစ်သည်။ ဖိလိပ္ပိ ၄း၆-၇ ထဲတွင် “အဘယ်အမှုကိုမျှ စိုး ရိမ်ခြင်းမရှိဘဲ အရာရာ၌ကျေးဇူးတော်ကိုချီးမွမ်းခြင်းနှင့်တကွ ဆုတောင်းပဌနာပြုသောအား ဖြင့် သင်တို့တောင်းပန်လိုသောအရာတို့ကို ဘုရားသခင်အားကြားလျှောက်ကြလော့။ ထိုသို့ပြုလျှင် အဘယ်သူမျှကြံ၍မမှီနိုင်သော ဘုရားသင်၏ငြိမ်သက်ခြင်းသည် ယေရှုခရစ် အားဖြင့်သင်တို့၏စိတ်နှလုံးတို့ကို စောင်မလိမ့်မည်”ဟုဖော်ပြထားပါသည်။
ယေဟန် ၁၄း၁၃-၁၄ ထဲတွင် သခင်ယေရှုနာမအားဖြင့်ဆုတောင်းရန် ဖော်ပြထားပါသည်။ “သင်တို့သည်ငါ၏နာမကိုအမှီပြုလျက် ဆုတောင်းသမျှအတိုင်း ငါပြု မည်။ အကြောင်းမူကား၊ ခမည်းတော်သည်သားတော်အားဖြင့်၊ ဘုန်းထင်ရှားတော်မူခြင်း ရှိမည်အကြောင်းတည်း။ သင်တို့သည် ငါ၏နာမကိုအမှီပြု၍ တစုံတခုသောဆုကိုတောင်း လျှင်တောင်းသည့်အတိုင်းငါပြုမည်။” အချို့သောသူများက ဆုတောင်းသောအခါ “သခင်ယေရှုနာမတော်အားဖြင့်”ဟုပြောလျှင် ကျွန်ုပ်တို့တောင်းသမျှဘုရားသခင်က ပေးမည်ဟု လွှဲမှားစွာအသုံးချတတ်ကြသည်။ ထိုသို့ယူဆခြင်းသည် “သခင်ယေရှု၏ နာမ တော်ကို” အံ့သြဖွယ်တစ်ခုအဖြစ်ခံယူခြင်းဖြစ်သည်။ ၄င်းသည် သမ္မာကျမ်းစာ ဖော်ပြချက်နှင့်ညီညွှတ်မှုမရှိပေ။
သခင်ယေရှု၏နာမတော်အားဖြင့်ဆုတောင်းခြင်းအဓိပ္ပါယ်သည် ကျွန်ုပ်တို့သည် သားတော်သခင်ယေရှု၏နာမတော်အားဖြင့်ဘုရားသခင်ထံလာသောကြောင့် ကျွန်ုပ်တို့ ဆုတောင်းခြင်းကိုဘုရားသခင်ကအဖြေပေးရန် သခင်ယေရှုအမိန့်တော်အားဖြင့်တောင်း လျှောက်ခြင်းဖြစ်သည်။ သခင်ယေရှု၏နာမအားဖြင့်ဆုတောင်းခြင်းသည် ဘုရားသခင်၏ အလိုတော်အတိုင်းဆုတောင်းခြင်းအဓိပ္ပါယ်ရသည်။ “ငါတို့သည် ဘုရားသခင့်အထံတော် ၌ ရဲရင့်ခြင်းအကြောင်းဟူမူကား၊ ငါတို့သည်အလိုတော်နှင့်အညီ တစုံတခုသောဆုကိုတောင်း လျှင် ဘုရားသခင်သည်နားတော်မူ၏။ ဆုတောင်းသမျှသောစကားတို့ကို နားထောင်တော်မူ သည်ကို ငါတို့သိလျှင်၊ အထံတော်၌တောင်းသောဆုတို့ကိုရမည်ဟုသိကြ၏။” (၁ယောဟန် ၅း၁၄-၁၅)။ သခင်ယေရှု၏နာမတော်အားဖြင့်ဆုတောင်းခြင်းသည် သခင်ယေရှုကို ဂုဏ်ပြုသော၊ သူ၏ဘုန်းတော်ထင်ရှားစေသောဆုတောင်းခြင်းမျိုးဖြစ်သည်။
ဆုတောင်းခြင်းအဆုံးတွင် “သခင်ယေရှုနာမတော်အားဖြင့်” ဆုတောင်းခြင်းဟု ပြော ခြင်းသည် အလွန်ကောင်းသော နိယာမတစ်ခုမဟုတ်ပေ။ ကျွန်ုပ်တို့သည်ဘုရားသခင်၏ ဘုန်းတော်ထင်ရှားဖို့ရန်မဟုတ်၊ သူ၏အလိုတော်အတိုင်းလည်းမဟုတ်ဘဲဆုတောင်းပြီး၊ “သခင်ယေရှု၏နာမတော်”ဟုပြောခြင်းသည်အဓိပ္ပါယ်မရှိပေ။ သခင်ယေရှုနာမတော်အား ဖြင့်မှန်ကန်စွာဆုတောင်းခြင်းနှင့်သူ၏ဘုန်းတော်အတွက်ဆုတောင်းခြင်းသည်အလွန်အ ရေးကြီးသည်။ ဆုတောင်းခြင်းအဆုံးတွင် အခြားသောစကားလုံးများထည့်သွင်းရန်မလို အပ်ပေ။ ဆုတောင်းသောအခါ ကျွန်ုပ်တို့မြွက်ဆိုသောစကားလုံးသည် အရေးမကြီးပေ။ ကျွန်ုပ်တို့၏ရည်ရွယ်ချက်သည်ပို၍အရေးကြီးသည်။ ဘုရားသခင်၏အလိုတော်နှင့်ဆု တောင်းခြင်းသည် သခင်ယေရှုနာမတော်အားဖြင့်ဆုတောင်းခြင်း၏အနှစ်သာရဖြစ်သည်။
လုကာ ၁၈း၇-၉ ထဲတွင် ဆုတောင်းသောအခါ စိတ်ရှည်ခြင်းရှိခြင်း၏အရေးပါမှုပုံဥပ မာကို သခင်ယေရှုကပြောခဲ့သည်။ မုဆိုးမတစ်ဦးသည် တရားမျှတမှုမရှိသောတရားသူကြီးထံ သူမ၏အမှုကိုတရားစီရင်ပေးရန်တောင်းဆိုသည့်အကြောင်းကို သခသင်ယေရှုကပြောသည်။ သူမ၏မရပ်စတမ်းတောင်းဆိုမှုကြောင့် သူမကို လိုက်လျော့ပေးခဲ့သည်။ သခင်ယေရှုပြောကြား လိုသောအချက်သည် တရားမျှတမှုမရှိသောတရားသူကြီးတောင်မှ မရပ်မနားတောင်းဆိုသော လူတစ်ဦး၏အမှုကိုစီရင်ပေးရင် ကျွန်ုပ်တို့ကို “သူရွေးကောက်သောသူများ”(အခန်းငယ် ၇) ချစ်တော်မူသော ဘုရားသခင်သည် ကျွန်ုပ်တို့တောင်းဆိုသောအရာများကိုပိုပြီး လိုက်လျော့ မည်မဟုတ်လော။ ကျွန်ုပ်တို့ဆုတောင်းသံကိုနားမညောင်းဘဲနေမည်လော။ ဤပုံပြင်ထဲတွင် မကြာခဏတောင်းလျှောက်ခြင်းသည် မှားယွင်းခြင်းရှိသည်ဟု မဖော်ပြထားပေ။ ကျွန်ုပ်တို့ အားပေးဖို့ရန် ဘုရားသခင်မှာတာဝန်ရှိသည်။ ဘုရားသခင်သူရွေးကောက်ထားသောသူများကို ဒဏ်ခံရန်၊ မှားကြောင်းသက်သေထူရန်၊ သူတို့ပြုသောအမှားများပြုပြင်ပေးရန်၊ တရားသောအ မှုပြုရန်၊ သူတို့၏ရန်သူများမှသူတို့ကိုကယ်တင်ရန် ဘုရားသခင်က ကတိပေးခဲ့သည်။ ဘုရားသခင်ဤသို့ပြုရခြင်းအကြောင်းမှာ သူ၏တရားမျှတမှု၊ သန့်ရှင်းမှုနှင့်အပြစ်တရားကို မုန်း တီးမှုများကြောင့်ဖြစ်သည်။ ဘုရားသခင်သည် အဖြေပေးရာတွင် သူ၏ကတိတော်များနှင့်ကို စောင့်ထိန်းပြီး၊ သူ၏တန်ခိုးကိုလည်းပြသသည်။
လုကာ ၁၁း၅-၁၂ ထဲတွင် သခင်ယေရှုက ဆုတောင်းခြင်းနှင့်ပတ်သက်ပြီးအခြားသော ဥပမာတစ်ခုကိုပေးခဲ့သည်။ ထိုဥပမာသည် တရားမျှတမှုမရှိသောတရားသူကြီးပုံပြင်နှင့်ဆင် တူသည်။သခင်ယေရှုပြောကြားချက်မှာ လူတစ်ယောက်သည် သူ့သူငယ်ချင်းတစ်ယောက် ၏လိုအပ်မှုများကို အဆင်မပြေသည့်ကြားထဲမှာဖြည့်ဆည်းပေးနိုင်လျှင် ဘုရားသခင်သည် စိတ်ရှည်လက်ရှည်တောင်းလျှောက်သောသူများကိုပို၍ကောင်းချီးပေးမည့်အကြောင်းဖြစ် သည်။ ဤနေရာတွင်ကျွန်ုပ်တို့သည် မရပ်မနားတောင်းသမျှဘုရားသခင်ကချပေးမည်ဟူ သောဂတိတော်ကိုမဆိုလိုပေ။ ဘုရားသခင်၏သားသမီးများအပေါ်ဘုရားသခင်ကတိတော် သည် ကျွန်ုပ်တို့လိုချင်သောအရာများပေးအပ်ရန်အတွက်မဟုတ်ဘဲ ကျွန်ုပ်တို့လိုအပ်မှုများ ဖြည့်ဆည်းပေးရန်အတွက်ဖြစ်သည်။ ဘုရားသခင်သည် ကျွန်ုပ်တို့လိုအပ်မှုများကို ကျွန်ုပ်တို့ထက်ပိုသိသည်။ တူညီသောဂတိတော်ကို မဿဲ ၇း၇-၁၁ နှင့်လုကာ ၁၁း၁၃ ထဲတွင် တွေ့ရှိနိုင်သည်။ ထိုနေရာတွင် “ကောင်းသောဆုကျေးဇူး”သည် သန့်ရှင်းသောဝိညာဉ်တော် ဖြစ်သည်ဟုဖော်ပြထားပါသည်။
ဤကျမ်းပိုဒ်နှစ်ခုတို့သည် ဆုတောင်းရန်နှင့်မရပ်မနားတောင်းလျှောက်ရန်အတွက် တိုက်တွန်းထားပါသည်။ တူညီသောအချက်ကို မကြာခဏတောင်းလျှောက်ခြင်း၌မှားယွင်း မှုမရှိပေ။ မိတ်ဆွေဆုတောင်းငြခ်းသည် ဘုရားသခင်၏အလိုတော်နှင့်ညီညွတ်ရန် (၁ယော ၅း၎-၁၅)လိုအပ်သည်။ မိတ်ဆွေတောင်းလျှောက်သောအရာများဘုရားပေးသည့်အထိတောင်း ရမည်ဖြစ်သည်။ မိတ်ဆွေနှလုံးသားဆန္ဒများကိုဖယ်ထုတ်ရမည်ဖြစ်သည်။ တခါတရံ ကျွန်ုပ်တို့ တောင်းလျှောက်သောအရာများပေးအပ်ရန် ဘုရားသခင်၏အချိန်မရောက်သေးသောကြောင့် ဘုရားသခင်က ကျွန်ုပ်တို့အားအဖြေရရှိသည့်အထိစောင့်ခိုင်းထားခြင်းဖြစ်သည်။ တခါတရံ ကျွန်ုပ်တို့သည် ဘုရားသခင်၏အလိုတော်နှင့်မညီညွတ်ပေ။ ထိုအချိန်တွင်ဘုရားသခင်က “မလိုဘူး”ဟုပြောခြင်းဖြစ်သည်။ ဆုတောင်းခြင်းသည် မိတ်ဆွေလိုအပ်သောအရာများကို ဘုရားသခင်ထံတောင်းလျှောက်ခြင်းဖြစ်သည်။ ဘုရားသခင်က ကျွန်ုပ်တို့နှလုံးသားထဲတွင် သူ၏အလိုတော်များကိုဖွင့်ဟမည်ဖြစ်သည်။ မိတ်ဆွေတောင်းလျှောက်သော အရာများမရမချင်းဘုရားသခင်ထံဆက်လက်ဆုတောင်းပါ။ ဆက်လက်တံခါးခေါက်လိုက်ပါ။ ဘုရားသခင်၏အလိုတော်နှင့်အညီဆုတောင်းတတ်ရန် အတွက် လည်းဘုရားသခင် ထံတောင်းလျှောက်လိုက်ပါ။
ခရစ်ယာန်များအတွက်ဆုတောင်းခြင်းသည် အသက်ရှူခြင်းဖြစ်သည်။ ဆုတောင်း ခြင်းသည် မတောင်းခြင်းထက်ပိုလွယ်သည်။ ကျွန်ုပ်တို့သည် အလွန်ကြီးမားသောအရာများ အတွက်ဆုတောင်းကြသည်။ ဆုတောင်းခြင်းသည် ဘုရားသခင်ကိုအစေခံခြင်းပုံစံ (လုကာ ၂း၃၆-၃၈)နှင့်သူ့ကိုနာခံခြင်းပုံစံဖြစ်သည်။ ဘုရားသခင်ကဆုတောင်းရန်ပညတ်ထားသော ကြောင့် ကျွန်ုပ်တို့ဆုတောင်းခြင်းဖြစ်သည်(ဖိလိပ္ပိ ၄း၆-၇)။ ဆုတောင်းခြင်းသည် သခင်ယေရှုနှင့်ကနဦးယုံကြည်သူများချပေးထားသော နမူနာတစ်ခုဖြစ်သည် (မာကု ၁း၃၅၊ တမန် ၁း၁၄၊ ၂း၄၂၊ ၃း၁၊ ၄း၂၃-၃၁၊ ၆း၎၊ ၁၃း၁၃)။ သခင်ယေရှုကိုယ်တိုင်က ဆုတောင်းခြင်းသည် အလွန်ကောင်းသည်ဟုထင်မှတ်ခဲ့လျှင် ကျွန်ုပ်တို့သည်လည်း ထင်မှတ်ရမည်ဖြစ်သည်။ သခင်ယေရှုသည် ခမည်းတော်ဘုရား၏အလိုတော်အတိုင်း ဆုတောင်းလျှင် ကျွန်ုပ်တို့သည်လည်းပို၍တောင်းသင့်သည်မဟုတ်လော။
ဆုတောင်းခြင်းအတွက်အခြားယူဆချက်တစ်ခုသည် ဘုရားသခင်က အခြေအနေများစွာကိုဖြေရှင်းပေးလိုသောခါ ဆုတောင်းခြင်းအားဖြင့်ဖြေရှင်းပေးသည်ဟု အကြံရှိသောကြောင့်ဖြစ်သည်။ ကျွန်ုပ်တို့သည် အရေးကြီးသောဆုံးဖြတ်ချက်ချသောအချိန် တွင်ဖြစ်စေ (လုကာ ၆း၁၂-၁၃)၊ နတ်ဆိုးများကိုအောင်မြင်လိုအသောအချိန်တွင်ဖြစ်စေ (မဿဲ ၁၇း၁၄-၂၁)၊ ၀ိညာဉ်ရိတ်သိမ်းပွဲအတွက် အမှုတော်ဆောင်များစုရုံးနေသောအခါ တွင်ဖြစ်စေ (လုကာ ၁၀း၂)၊ စုံစမ်းနှောက်ယှက်ခြင်းကိုအောင်မြင်ရန် ခွန်အားလိုအပ်နေ သောအခါတွင်ဖြစ်စေ (မဿဲ ၂၆း၄၁)၊ အခြားသူများကိုခွန်အားပေးရန် ၀ိညာဉ်ခွန်အားလို အပ်သောအခါတွင်ဖြစ်စေ(ဧဖက် ၆း၁၈-၁၉) ဆုတောင်းတတ်ကြသည်။
ကျွန်ုပ်တို့သည် ဘုရားသခင်ထံ ကျွန်ုပ်တို့တောင်းဆိုသောဆုတောင်းချက်များကို ဘုရားသခင်ထံတော်သို့ပို့ဆောင်ခြင်းဖြစ်သည်။ ကျွန်ုပ်တို့ဆုတောင်းချက်များအားလုံး ဘုရားသခင်ကအဖြေမပေးသော်လည်း (မဿဲ ၆း၆၊ ရောမ ၈း၂၆-၂၇) သူက ကျွန်ုပ်တို့ဆုတောင်းချက် များကိုအချည်းနှီးမဖြစ်စေရဟုကတိတော်ရှိသည်။ ကျွန်ုပ်တို့သည် ဘုရားသခင်၏အလိုတော်နှင့်အညီဆုတောင်းလျှင် ဘုရားသခင်က ကျွန်ုပ်တို့တောင်းဆို သောအရာများချပေးမည်ဟု ကတိပြုထားပါသည်။ (၁ယော ၅း၁၄-၁၅)။ တခါတရံ ကျွန်ုပ်တို့ကောင်းမှုအတွက်နှင့်သူသိသောအရာများအတွက်ကြောင့် ကျွန်ုပ်တို့ဆု တောင်းချက်ကို ဘုရားသခင်က နှေးကွေးစွာအဖြေပေးတတ်သည်။ ဤအခြေအနေတွင် ကျွန်ုပ်တို့သည် မရပ်မနားဆုတောင်းရန်လိုအပ်သည် (မဿဲ ၇း၇၊ လုကာ ၁၈း၁-၈)။ ဆုတောင်းခြင်းသည် လောကတွင်ကျွန်ုပ်တို့လိုအပ်သောအရာများဘုရားသခင်ထံမှရရှိ ရန်အတွက်မဟုတ်ဘဲ ဘုရားသခင်၏အလိုတော်သည် မြေကြီးပေါ်တွင် ပြည့်စုံစေရန်အ တွက်သာဖြစ်သည်။ ဘုရားသခင်၏ညာဏ်ပညာတော်သည် ကျွန်ုပ်ထက်အဆမတန် ထက်မြက်သည်။
ကျွန်ုပ်တို့သည် ဘုရားသခင်၏အလိုတော်ကို တိတိကျကျမသိသောအခြေအနေမျိုး တွင် ဆုတောင်းခြင်းသည် ဘုရားသခင်၏အလိုတော်ကိုသိရှိရန်အတွက်ဖြစ်သည်။ ရှမရိအမျိုးသမီးသည် သူမ၏သမီးနတ်ဆိုးစွဲခြင်းအတွက် ခရစ်တော်ထံဆုမတောင်းလျှင် သူမ၏သမီးသည် ကျန်းမာခြင်းရမည်မဟုတ်ပေ (မာကု ၇း၂၆-၃၀)။ ယေရိခေါ်မြို့ပြင်တွင် ရှိသောမျက်စိကန်းသောလူတစ်ဦးသည်ခရစ်တော်ကိုမခေါ်ခဲ့လျှင် သူသည် မျက်စိမြင်နိုင် မည်မဟုတ်ပေ (လုကာ ၁၈း၃-၄၃)။ ကျွန်ုပ်တို့သည် ကျွန်ုပ်တို့မတောင်းလျှောက်သော အရာများကိုတောင်ရရှိကြသည်ဟု ဘုရားသခင်ကပြောခဲ့သည်(ယာကုပ် ၄း၂)။ တဘက်တွင် ဆုတောင်းခြင်းသည် လူတွေနှင့်သတင်းကောင်းဝေငှခြင်းနှင့်တူပါသည်။ ကျွန်ုပ်တို့သည် ကယ်တင်ခြင်းသတင်းကောင်းမဝေငှလျှင် မည်သူတွေကကယ်တင်ခြင်း ယုံကြည်မည်ကိုမသိခဲ့ကြပေ။ ထိုနည်းတူ၊ ကျွန်ုပ်တို့သည်ဆုမတောင်းလျှင် ဆုတောင်းချက် မည်မျှအဖြေပေးမည်ကို ကျွန်ုပ်တို့မသိနိုင်ကြပေ။
ဆုတောင်းခြင်း၌နားနည်းခြင်းသည် ဘုရားသခင်၏နှုတ်ကပတ်တော်ယုံကြည်ခြင်း နှင့်ကိုးစားခြင်း၌အားနည်းခြင်းကိုပြသသည်။ ကျွန်ုပ်တို့သည် ဘုရားသခင်ကိုယုံကြည် ကြောင်းဆုတောင်းခြင်းအားဖြင့်ထင်ရှားစေပါသည်။ ဘုရားသခင်သည်သူ၏ကတိတော် အတိုင်းအမှုပြုပြီး၊ ကျွန်ုပ်တို့တောင်းလျှောက်နိုင်သောအရာ၊ မျှော်လင့်ချက်များထက် ဘုရားသခင်က ကျွန်ုပ်တို့အသက်တာတွင် ကောင်းချီးကြွယ်ဝစွာပေးမည်ဖြစ်သည် (ဧဖက် ၃း၂၀)။ ဆုတောင်းခြင်းသည် အခြားသောသူများအသက်တာတွင် ဘုရားသခင်ပြုသောအ မှုများတွေ့မြင်စေသောအရာတစ်ခုဖြစ်သည်။ ကျွန်ုပ်တို့သည် ဆုတောင်းခြင်းအားဖြင့် ဘုရားသခင်၏တန်ခိုးတော် “ထုတ်လွင့်”သောအခါ စာတန်နှင့်သူ၏ရဲဘော်ရဲဘက်များ ရှုံးနှိမ့်ခဲ့ကြခြင်းဖြစ်သည်။ ကျွန်ုပ်တို့သည်နတ်ဆိုးများပေါ်တွင်အနိုင်ယူနိုင်ရန်တန်ခိုးမရှိ ကြပေ။ ထိုကြောင့် ဘုရားသခင်သည် ကျွန်ုပ်တို့အားသူ၏ပလ္လင်တော်ရှေ့တွင် မြင်တွေ့ကြ ပါစေ။ အကြောင်းမှာ ကျွန်ုပ်တို့သည် ကောင်းကင်နိုင်ငံတော်နှင့်ကျွန်ုပ်တို့နှင့်အတူဆု တောင်းနေသော ယဇ်ပုရောဟိတ်ကြီးရှိသောကြောင့်ဖြစ်သည် (ဟေဗြဲ ၄း၁၅-၁၆)။ အရပ် မနားစိတ်အားထက်သန်စွာဖြင့်ဆုတောင်းသောဖြောင့်မတ်သူများကိုအဖြေရရှိကြလိမ့်မည်ဟူသော ဂတိတော် ကျွန်ုပ်တို့မှာရှိသည်။(ယာကုပ် ၅း၁၆-၁၈) ကျွန်ုပ်တို့သည် ဆုတောင်းခြင်းအားဖြင့် ဘုရားသခင်ထံတော်သို့ယုံကြည်ခြင်းအပြည့်အ၀ဖြင့်ချဉ်းကပ် သည့်နည်းတူ ဘုရားသခင်သည် ကျွန်ုပ်တို့အသက်တာများအားဖြင့် ဘုန်းကြီးခြင်း ရှိပါစေသော။