زبُور 12
موسیقی کے ہدایت کار کے لئے شمنیت کے سُر پر داؤد کا نغمہ
1 اے خدا وند ! میری حفاظت کر ،کیوں کہ وفادار شاگرد اب نہیں رہے۔
بنی آدم کی زمین میں اب کو ئی امانت دار باقی نہیں رہا۔
2 لوگ اپنے ہی ہمسایہ سے بولتے ہیں۔
ہر کو ئی اپنے پڑوسیوں سے جھو ٹ بول کر چاپلوسی کیا کر تا ہے۔
3 اے خدا وند !تو اُن ہونٹوں کو سِی دے جو جھو ٹ بولتے ہیں۔
اے خدا وند !اُن زبانوں کو کاٹ جو اپنے ہی بارے میں بڑھا چڑھا کر بولتے ہیں۔
4 وہ کہتے ہیں ، “ہم اپنی زبان سے جیتیں گے۔
ہمارے ہونٹ ہمارے ہی ہیں۔ ہمارا مالک کون ہے ؟”
5 لیکن خداوند کہتا ہے ،
“بدکاروں نے غریب لوگوں سے اشیاء چرُا لی ہیں۔
بے بسوں سے انہوں نے اشیاء لے لیں۔
لیکن میں اب اٹھونگا ،اور اُن ضرورت مند لوگوں کی حفاظت کرونگا۔”
6 خدا وند کا کلام آ گ میں پگھلائی ہو ئی چاندی کی مانند پاک ہے۔
وہ کلام اُس چاندی کی طرح پاک ہے ،
جسے پگھلا پگھلا کر سات بار پاک کیا گیا ہے۔
7 اے خداوند ! بے بسوں کی فکر کر۔
اُن کی حفاظت اب اور ہمیشہ کر۔
8 وہ بُرے لوگ خُود کو اہم ظا ہر کر تے ہیں
لیکن حقیقت میں وہ نقلی زیور کی مانند ہیں جو بہت قیمتی نظر آتے ہیں لیکن اصل میں وہ بہت سستے قسم کے ہو تے ہیں۔