1 Adamu naga nofipinti fore hu'naza naneke amanahu hu'ne. Anumzamo'ma vahe'ma trohu'neana, Agra'agna huno trohu'ne. 2 Agra vene, a'ene tro huznante'ne. Ana nehuno asomu huzmanteno, vahere huno hu'ne. 3 Adamu'a 130ti'a zgegfu manino agra avugosagna ne'mofavre ksenteno, agi'a Seti'e hu'ne. 4 Ananteti ne' mofara hakare'a kse zamanteteno 800ti'a zgegfu agatereno mani'ne. 5 Ana maka zgegfu Adamu mani'neana 930ti'a zgegfu maniteno fri'ne.

6 Hagi Setima 105fu'a zgegfu maniteno ne' mofavre anteno agi'a Enosi'e huno antemi'ne. 7 Seti'a Enosi ksenteteno ananteti ne'mofa hakare kse zamanteno 807ni'a zgegfu mani'ne. 8 Ana maka zgegfu'a 912fu'a zgegfu maniteno Seti'a fri'ne.

9 Enosi 90ti'a zgegfu maniteno ne' mofavre ksenteno agi'a Kenani'e huno antemi'ne. 10 Kenanima ksenteteno'a Enosi'a 815ni'a zgegfu manineno hakare ne'mofa kse zamante'ne. 11 Enosi'a 905fu'a zgegfu maniteno fri'ne.

12 Kenani'a 70ti'a zgegfu maniteno ne' mofavre ksenteno Mahalari'e huno agi'a antemi'ne. 13 Mahalari ksenteteno Kenani'a 840ti'a zgegfu manino, ne'mofa hakare'a kse zamante'ne. 14 Kenani'a 910ni'a zgegfu maniteno fri'ne.

15 Mahalari'a 65fu'a zgegfu maniteno ne' mofavre anteno agi'a Jareti'e huno antemi'ne. 16 Jaretima ksenteteno, Mahalari'a 830ti'a zgegfu manino mago'a ne'mofara ksezmante'ne. 17 Hanki Mahalari'a 895fu'a zgegfu maniteno fri'ne.

18 Jareti'a 162tu'a zgegfu maniteno ne' anteno agi'a Enoku'e huno antemi'ne. 19 Enoku'ma ksenteteno Jareti'a 800ti'a zgegfu mani'neno ne' mofara ksezmante'ne. 20 Jareti'a' 962tu'a zgegfu maniteno fri'ne.

21 Enoku'a 65fu'a zgegfu maniteno ne' mofavre Metusera ksente'ne. 22 Ananteti Metuserama ksenteteno'a Enoku'a 300ti'a zgegfufina knare huno Anumzane tragoteno mani'neno ne' mofara kse zamante'ne. 23 Hagi ana maka 365fu'a zgegfu Enoku'a mani'ne. 24 Enoku Anumzane tragoteno mani'negu, Anumzamo avre'ne. 25 Metusera'a 187ni'a zgegfu maniteno ne'mofavre Lemeki ksente'ne. 26 Lemekima ksenteteno'a, Metusera'a mago'ane 782tu'a zgegfu nemnino ne'mofara hakare kse zamante'ne. 27 Hagi Metuserama manino'ma e'nea kna'a, 969ni'a zgegfu huteno fri'ne.

28 Lemeki'a 182tu'a zgegfu nehuno ne' mofavre ksente'ne. 29 Lemeki'a agi'a Noa'e huno antemi'ne. Ra Anumzamo mopamofo tusi hunte'negeta tusi'a eri'za erita nevunkeno tagri taza hanigu ana mofavre agi'a mani fruhu nere nehuno, zamagra kefina Noa'e huno antemi'ne. 30 Hanki Noama ksenteteno'a Lemeki'a 595fu'a zgegfu maniteno mago'ane ne' mofara ksezmante'ne. 31 Lemeki'a ana maka kna'a, 777ni'a zgegfu maniteno fri'ne.

32 Noa'a 500ti'a zgegfu maniteno ne'mofavre tagufa zamanteno zamagi'a Semi'e, Hamu'e, Jafeti'e huno zamante'ne.