12
Anumzamo Abramu asmigeno ru kaziga vu'nea naneke
1 Ra Anumzamo Abramu asmi'ne, Mopakane, vaheka'ane negfa vahe'enena atrenka Nagra kaveri hanua mopare umanio.
2 Nagra kagripinti vahera kazeri ra hanugenka ra kuma tro hugahane. Nagra asomu hunegantena, kagi'a eri ra neha'nena, kagriteti hakare vahe'mo'za asomu erigahaze.
3 Kagri'ma asomu hugantesimofona Nagra asomu huntegahue. Hianagi aza'o kagrima kazeri haviza hnimofona, Nagra azeri haviza hugahue. Maka mopafi naga'mo'za kagriteti asomu erigahaze.
4 Anumzamo ke asmiaza huno Abramu'a Harani kuma atreno nevigeno Loti'a agrane vu'ne. Abramu'a 75fu'a zgegfu nehuno Haranitira otino vu'ne. 5 Abramu'a nenaro Saraima, ngana'amofo mofavre agi'a Loti'ma, eri'za vahe'ane, nezmavreno mafka afufenoma'ane enerino Harani atre'za Kenani mopare vu'za, Kenani uhanati'naze. 6 Hanki Abramu'a Kenani mopa amu'nompi rugitgino eva eva huno Sekemu ra oak zafa me'nere More kumate ehnati'ne. Hanki ana knafina Kenani vahe'mo'za anampina mani'nageno, ehanati'ne.
7 Ra Anumzamo Abramunte eno amanage huno asmi'ne, ama maka mopa nagaka'a zamigahue, higeno Abramu'a Ra Anumzante kre sramna vunaku ita tro hu'ne. 8 Ananteti atreno agonarega vuno Betel kumara agtereno, Ai zge hanati kaziga megeno Betel kuma zge fre kaziga menegeno amu'nompi seri no ome gi'ne. Hanko no kiteno Ra Anumzanku nentahino have ita tro huno Ra Anumzante agihanta vzino mono hunte'ne. 9 Hagi Abramu'a mago'ene manitere hume vuno vuno Negevi uhanati'ne.
10 Ana knafina kave omnegeno agate'za fore higeno Abramu'a Isipi moparega vu'ne, na'ankure tusi'a agate kna fore higeno'e. 11 Isipima vu kofta nehuno nenaro Sarainku amanage huno asmi'ne. Kagema antoana kagra knare soe a' mani'nanankiza, 12 Isipi vahe'mo'za kagesu'za Agri nenaro'e hu'za nahe fri'za kagrira a' kavre antegahaze. 13 E'ina hu'negu, nensaro mani'ne hunka huge'za onahe'za natre'sage'na mani'neno.
14 Abramu anage huno nehuno Isipi uhanatige'za, Isipi vahe'mo'za Saraina knare a' ke'naze. 15 Fero eri'za vahe'mo'za Saraina kete'za husga hunte'za Fero asmi'naze, nehu'za ana ara avre'za Fero nompi ome ante'naze. 16 Fero'a knare huno Abramu kegva hunte'ne, Saraima muse huntea kazigati, nehuno Abramuna sipisipima, bulimakaoma, donkima, eri'za vahera vene a'ene, a' donkine kemorine huno ami'ne.
17 Ana hianagi Ra Anumzamo tusi'a krizga atregeno Feronte ene, noma'afima nemniza vahete'ene e'ne, na'ankure Abramu nenaro Sarainteku e'inahura huzmante'ne. 18 Fero'a ke higeno Abramu'a egeno asmi'ne, na'a ama 'zana hunante'nane? Nahigenka Sarai a'ni'a mani'ne hunka onasmi'nane? 19 Nahigenka nensaro'e hankena ara avre'noe? Ama'ne negnaro'a! Ko avrenka vuo. 20 Fero'a hanve'ane ke vahe'a huzmanteno, Abramuna kegva hu'nenkeno nenaro'ene mika afu fenoznia enerine ama mopa atrene vi'o.