48
Jekopu'a tare Josefe mofavre asomu ke huznante'nea naneke
1 Anama hutegeno, henka'a Josefena asmi'naze, antahinano, negfa'ma kri eri'nea nanekea hu'za Josefe asmi'zageno, Josefe tare ne'mofavre'a Manasene, Efraimi gizni neznavreno vu'ne. 2 Vahe'mo'za Jekopuna ome asmi'za, konkeno negamofo Josefe kagenaku ne-e hu'za hazageno, Israeli'a mraguzatino otino sipa'are mani'ne. 3 Anante Jekopu'a Josefe asmi'ne, tusi'a Hanve'ane Anumzamo Lusi mopare Kenani fore hunamino asomu hunenanteno, 4 amanage huno Agra nasmi'ne, Antahio, Nagra ha'nena fore huhakare hnageno hampriga osugahaze. Nagra kagrira rama'a vahe kami'nena, henka'a ama mopa kagehemofo zamisugeno zamagri mopa mevava hugahie. 5 Menina kagra tare mofavre znante'nane, Kenani mopare mani'nogenka, kmama Isipi mopare mani'nenka, kse znante'nana mofavrea nagrire, Efremike Manasekea nagri mofavre manigaha'e. Rubeni ene Simioni enema manina'ankna hugaha'e. 6 Hanki henkama ksentesana mofavre kagri mofavre manigahie, zamagra nezmafu zanagire makazana refko hu'za erigahaze. 7 Hagi korapara nagra Padaniti neogeno, Resel frige'na nasunku hu'na kantega Kenani mopafi zavi eme ate'noe, afete Efrata me'nege'na, nagra Efrata vu kantega eme asente'noe, (e'i Betrehemie).
8 Anante Israeli'a Josefe ne'mofavre neznageno, ama aza mofavre trene? hu'ne. 9 Josefe nefanku anage huno asmi'ne, zanagra, nagri mofavre'rerene, Anumzamo amafi mani'nogeno nami'ne, Jekopu anage hu'ne, muse huanki znavrenka nagrite egena asomu huznantaneno. 10 Menina Israeli'a ozafareno avurga ke'so'e osu'ne. Josefe'a znavreno urvao higeno, znanukino antako hu'znantene. 11 Israeli'a anage huno Josefena asmi'ne, nagra kagrira kvugosafina onkagegahue hu'na nagesa antahi'noanagi, menina Anumzamo natrege'na kagri ene, mofavre trenka'ane tamagoe.
12 Anante Josefe'a nefa amoteti mofavre'a rarena neznavreno, avugati mopafi kepri hu'ne. 13 Josefe tarega znavreno tmaga azanu Efraimina avreno Israeli aza hoga'a nemino, Manasena aza hoga'anu avreno Israeli aza tmaga'a amigene tvaonte mani'na'e. 14 Manase'a nempu'amo mani'neanagi, Israeli'a tamaga azana, henka ne'mofo Efraimi asenire nenteno hoga azana, nempuamofo asenire anteno, azana anteganti antegma huno znanunte ante'ne. 15 Asomu ke Josefe hunenteno amanage hu'ne,
korapama nenfa Abrahamu ene Aisakike Anumzamofo avure vano huna'a kna huno,
nagrira Anumzamo mani'zaniafi sipisipi kva nehia kna huno kva hunanteno menina amagnare ehanatie.
16 Havi zampinti nza hu'nea ankeromo
asomura hurnantegahie.
Nagri nagimo zanagripi me'nigeno,
nenfa Abrahamukizni Aisakine zanagimo ana zanke hugahie.
Hanki zamagra tusi'a vahetmi erifore hu'za miko mopafi manigahaze.
17 Josefe kegeno nefa aza tamaga Efremi asenire nentegeno muse nosuno, nefa azana Efremi aseniretira erino Manase asenire ante'ne. 18 Josefe'a nefana anage huno asmi'ne, nenfaga e'inahura osuo, amamo kota fore hu'ne. Tamaga kazana asenire anto. 19 Ana hianagi nefa'a i'o nehuno anage hu'ne, ne'nimoka nagra antahinoe, agripintira vahe fore nehinkeno rukazi huno tusi'a vahetami manigahie. Ana hianagi, agri negnapintira nefuna agtereno tusi'a vahetmi fore huno, miko mopafi rukzi huza ra kuma ante'za mani'gahaze. 20 Agra ana kna zupa asomu huneznanteno anage hu'ne,
kagrikura Israeli vahe'mo'za asomu kea anage huza hugahaze, e'ima
Anumzamo Efremine, Manase gizni asomu huznanteneaza hugahie!
Nehuno agra Efremina, Manase avuga avrente'ne! 21 Ana huteno Israeli'a, Josefena anage huno asmi'ne, kma nago, nagra hago friza hue, ana huanagi Anumzamo tmagrane mani'neno tmareno ete tmafahe'i mopare vugahie. 22 Sekemu mopa, kzinknonteti (bainat) ene atireti ene nagra Amori vahe zamahe'na hnare'noa agona mope, negfu'gizmi amu'nompina manisga hunanku, nezmisufintira ante tarese'na kagrira kamigahue.