Ⅰ ཨཏཨེཝ ཧེ པྲིཡཏམཱཿ, ཨེཏཱདྲྀཤཱིཿ པྲཏིཛྙཱཿ པྲཱཔྟཻརསྨཱབྷིཿ ཤརཱིརཱཏྨནོཿ སཪྻྭམཱལིནྱམ྄ ཨཔམྲྀཛྱེཤྭརསྱ བྷཀྟྱཱ པཝིཏྲཱཙཱརཿ སཱདྷྱཏཱཾ།

Ⅱ ཡཱུཡམ྄ ཨསྨཱན྄ གྲྀཧླཱིཏ། ཨསྨཱབྷིཿ ཀསྱཱཔྱནྱཱཡོ ན ཀྲྀཏཿ ཀོ྅པི ན ཝཉྩིཏཿ།

Ⅲ ཡུཥྨཱན྄ དོཥིཎཿ ཀརྟྟམཧཾ ཝཱཀྱམེཏད྄ ཝདཱམཱིཏི ནཧི ཡུཥྨཱབྷིཿ སཧ ཛཱིཝནཱཡ མརཎཱཡ ཝཱ ཝཡཾ ཡུཥྨཱན྄ སྭཱནྟཿཀརཎཻ རྡྷཱརཡཱམ ཨིཏི པཱུཪྻྭཾ མཡོཀྟཾ།

Ⅳ ཡུཥྨཱན྄ པྲཏི མམ མཧེཏྶཱཧོ ཛཱཡཏེ ཡུཥྨཱན྄ ཨདྷྱཧཾ བཧུ ཤླཱགྷེ ཙ ཏེན སཪྻྭཀླེཤསམཡེ྅ཧཾ སཱནྟྭནཡཱ པཱུརྞོ ཧརྵེཎ པྲཕུལླིཏཤྩ བྷཝཱམི།

Ⅴ ཨསྨཱསུ མཱཀིདནིཡཱདེཤམ྄ ཨཱགཏེཥྭསྨཱཀཾ ཤརཱིརསྱ ཀཱཙིདཔི ཤཱནྟི རྣཱབྷཝཏ྄ ཀིནྟུ སཪྻྭཏོ བཧི ཪྻིརོདྷེནཱནྟཤྩ བྷཱིཏྱཱ ཝཡམ྄ ཨཔཱིཌྱཱམཧི།

Ⅵ ཀིནྟུ ནམྲཱཎཱཾ སཱནྟྭཡིཏཱ ཡ ཨཱིཤྭརཿ ས ཏཱིཏསྱཱགམནེནཱསྨཱན྄ ཨསཱནྟྭཡཏ྄།

Ⅶ ཀེཝལཾ ཏསྱཱགམནེན ཏནྣཧི ཀིནྟུ ཡུཥྨཏྟོ ཛཱཏཡཱ ཏསྱ སཱནྟྭནཡཱཔི, ཡཏོ྅སྨཱསུ ཡུཥྨཱཀཾ ཧཱརྡྡཝིལཱཔཱསཀྟཏྭེཥྭསྨཱཀཾ སམཱིཔེ ཝརྞིཏེཥུ མམ མཧཱནནྡོ ཛཱཏཿ།

Ⅷ ཨཧཾ པཏྲེཎ ཡུཥྨཱན྄ ཤོཀཡུཀྟཱན྄ ཀྲྀཏཝཱན྄ ཨིཏྱསྨཱད྄ ཨནྭཏཔྱེ ཀིནྟྭདྷུནཱ ནཱནུཏཔྱེ། ཏེན པཏྲེཎ ཡཱུཡཾ ཀྵཎམཱཏྲཾ ཤོཀཡུཀྟཱིབྷཱུཏཱ ཨིཏི མཡཱ དྲྀཤྱཏེ།

Ⅸ ཨིཏྱསྨིན྄ ཡུཥྨཱཀཾ ཤོཀེནཱཧཾ ཧྲྀཥྱཱམི ཏནྣཧི ཀིནྟུ མནཿཔརིཝརྟྟནཱཡ ཡུཥྨཱཀཾ ཤོཀོ྅བྷཝད྄ ཨིཏྱནེན ཧྲྀཥྱཱམི ཡཏོ྅སྨཏྟོ ཡུཥྨཱཀཾ ཀཱཔི ཧཱནི ཪྻནྣ བྷཝེཏ྄ ཏདརྠཾ ཡུཥྨཱཀམ྄ ཨཱིཤྭརཱིཡཿ ཤོेཀོ ཛཱཏཿ།

Ⅹ ས ཨཱིཤྭརཱིཡཿ ཤོཀཿ པརིཏྲཱཎཛནཀཾ ནིརནུཏཱཔཾ མནཿཔརིཝརྟྟནཾ སཱདྷཡཏི ཀིནྟུ སཱཾསཱརིཀཿ ཤོཀོ མྲྀཏྱུཾ སཱདྷཡཏི།

Ⅺ པཤྱཏ ཏེནེཤྭརཱིཡེཎ ཤོཀེན ཡུཥྨཱཀཾ ཀིཾ ན སཱདྷིཏཾ? ཡཏྣོ དོཥཔྲཀྵཱལནམ྄ ཨསནྟུཥྚཏྭཾ ཧཱརྡྡམ྄ ཨཱསཀྟཏྭཾ ཕལདཱནཉྩཻཏཱནི སཪྻྭཱཎི། ཏསྨིན྄ ཀརྨྨཎི ཡཱུཡཾ ནིརྨྨལཱ ཨིཏི པྲམཱཎཾ སཪྻྭེཎ པྲཀཱརེཎ ཡུཥྨཱབྷི རྡཏྟཾ།

Ⅻ ཡེནཱཔརཱདྡྷཾ ཏསྱ ཀྲྀཏེ ཀིཾཝཱ ཡསྱཱཔརཱདྡྷཾ ཏསྱ ཀྲྀཏེ མཡཱ པཏྲམ྄ ཨལེཁི ཏནྣཧི ཀིནྟུ ཡུཥྨཱནདྷྱསྨཱཀཾ ཡཏྣོ ཡད྄ ཨཱིཤྭརསྱ སཱཀྵཱད྄ ཡུཥྨཏྶམཱིཔེ པྲཀཱཤེཏ ཏདརྠམེཝ།

ⅩⅢ ཨུཀྟཀཱརཎཱད྄ ཝཡཾ སཱནྟྭནཱཾ པྲཱཔྟཱཿ; ཏཱཉྩ སཱནྟྭནཱཾ ཝིནཱཝརོ མཧཱཧླཱདསྟཱིཏསྱཱཧླཱདཱདསྨཱབྷི རླབྡྷཿ, ཡཏསྟསྱཱཏྨཱ སཪྻྭཻ ཪྻུཥྨཱབྷིསྟྲྀཔྟཿ།

ⅩⅣ པཱུཪྻྭཾ ཏསྱ སམཱིཔེ྅ཧཾ ཡུཥྨཱབྷིཪྻད྄ ཨཤླཱགྷེ ཏེན ནཱལཛྫེ ཀིནྟུ ཝཡཾ ཡདྭད྄ ཡུཥྨཱན྄ པྲཏི སཏྱབྷཱཝེན སཀལམ྄ ཨབྷཱཥཱམཧི ཏདྭཏ྄ ཏཱིཏསྱ སམཱིཔེ྅སྨཱཀཾ ཤླཱགྷནམཔི སཏྱཾ ཛཱཏཾ།

ⅩⅤ ཡཱུཡཾ ཀཱིདྲྀཀ྄ ཏསྱཱཛྙཱ ཨཔཱལཡཏ བྷཡཀམྤཱབྷྱཱཾ ཏཾ གྲྀཧཱིཏཝནྟཤྩཻཏསྱ སྨརཎཱད྄ ཡུཥྨཱསུ ཏསྱ སྣེཧོ བཱཧུལྱེན ཝརྟྟཏེ།

ⅩⅥ ཡུཥྨཱསྭཧཾ སཪྻྭམཱཤཾསེ, ཨིཏྱསྨིན྄ མམཱཧླཱདོ ཛཱཡཏེ།