78
Koht oh Sapwellime Aramas akan h TITLE NI MAHSEN EN IPRU: En Asap koul.
1 Nei aramas akan, kumwail rong ei padahk,
oh rong mwahu dahme I pahn nda.
2 I pahn koasoiahda karasaras kaselel kei
oh kawehwehda soahng rir kei en ahnsou samwalahr ako, Mad. 13.35.
3 soangen ire kei me kitail rongehr oh eseier,
soahng kei me atail pahpa ako koasoiaiongkitailehr.
4 Kitail sohte pahn ekihsang neitail seri kan;
kitail pahn kawehwehiong dih en mwuhr
duwen manaman en KAUN-O oh wiepen nin lime lapalap akan
oh soahng kapwuriamwei kan me e ketin wiadahr.
5 E ketikihong sapwellime aramas en Israel kosonned akan
oh kosonned kei ong kadaudok en Seikop.
E ketin kaweidki atail pahpa kahlap oko
re en padahkihong nair seri kan sapwellime kosonned akan,
6 pwe dih en mwuhr en wehwehki
oh uhd padahkihong nair seri kan.
7 Ih duwen met ar pahn pil likihala Koht
oh sohte manokehla dahme e ketin wiahda
ahpw re pahn kin kapwaiada sapwellime kosonned akan ahnsou koaros.
8 Re sohte pahn duwehte ar pahpa kahlap ako
me kahngohdi oh sapeik,
me ar likih Koht sohte mwahn kehlail
oh re sohte kin loalopwoatohng.
9 Mehn Epraim kan me weuwa nair kesik ketieu oh arep kan,
re tangdoaui ni rahn en mahweno.
10 Re sohte kapwaiada ar inou ong Koht;
re sohte men kapwaiada sapwellime kosonned akan.
11 Re manokehla dahme e ketin wiadahro,
manaman ko me e ketin wiahda mwohn masarail ko.
12 Nindokon ar pahpa kahlap ako uduhdiahl, Koht ketin wiahda manaman kei
nan wasa patapat en Soan, nan wehin Isip. Eks. 7.8—12.32. Kupw. 16.1—19.22.
13 E ketin pwalangpeseng sehdo ni pali riau oh kahluwairail nan ngalangal;
oh ketin kawuhdi pali riau en sehdo rasehng dihd riau. Eks. 14.21-22.
14 Ni rahn e ketin kahluwa irail pahn mwetehn depwek ehu
oh pwohng ehu pwon sang ni marain en kisiniei. Eks. 13.21-22.
15 E ketin pwalangpeseng paip nan sapwtehn
oh ketikihong irail pihl sang loale. Eks. 17.1-7; Nemp. 20.2-13.
16 E kupwurehda pihl en kusieisang nan paipo
oh ketin kakusei pihl rasehng pillap pwoat.
17 Ahpw re usehlahte ar wiewia dihpiong Koht,
oh kahngohdiong Wasa Lapalahpie nan sapwtehno.
18 Re kasongosonge Koht ni ar nsenki
pekipeki kisin tungoal me re anahne. Eks. 16.2-15; Nemp. 11.4-23, 31-35.
19 Re aklapalap patohwan ong Koht, ketihtihki,
“Pala Koht kak kaunopada atail tungoal nan sapwtehnet?
20 Mehlel me e ketin poakih paipo,
pihl ahpw kusieisang loale;
ahpw ia duwe, e kak ketin katungoalehkin kitail pilawa
oh ketikihong sapwellime kan uduk pwe re en tungoale?”
21 Koht eri ketin engiengda ni eh ketin karongehda;
e ahpw ketin kauwohng kisiniei sapwellime aramas ako,
oh sapwellime engieng ahpw laudla,
22 pwehki ar sohte likih
oh sohte kamehlele me e pahn ketin komourirailla.
23 E ahpw ketin mahsendalahng pahnlahng
oh ketin ruwese pwe wenihmwen lahng kan en ritida;
24 e ahpw ketin kamwerehdi wahn pilawa sang nanleng,
ni e ketin kadaridi mana pwe re en tungoale. Kupw. 16.20-29; Sohn 6.31.
25 Irail eri tungoale kisin tungoal en tohnleng kan,
oh Koht ketikihong irail uwen me re anahne.
26 E pil ketin mweidala pwe angin palimese en ipirseli wasa,
oh sapwellime manaman en kamwekidada angin palieir;
27 e ahpw ketin kadaridiong sapwellime aramas akan pelin menpihr ehu,
me tohtohsang piken ni oahroar kan;
28 re ahpw pwupwudiong nan werengen impwal ko
oh kapilpene wasa re koukousoan ie.
29 Aramas ako eri tungoale oh medkihla;
Koht ketikihong irail dahme irail anahne.
30 Ahpw ni ar saikinte itarki dahme re anahne
oh nindokon ar tungutungoal,
31 Koht ketin engiengda pahrail
oh kemehla nair ohl kehlail ko,
me pwulopwul kaselel ko en Israel.
32 Mehnda ma e ketin wiahda mepwukat,
ahpw aramas akan uselahte wiewia dihp;
mehnda ma re uduhdiahl sapwellime manaman akan,
ahpw re sohte mwahn kin likih.
33 Ih eri ketin kasohrehla ar mour rasehng esingek ehu
oh mwadang lupukala ar mour kan ni paisuwed.
34 Ni eh ketin kemehla ekei irail,
luhwe ko kin sohpeiong;
re koluhla oh ngidingidki ar kapakapohng.
35 Re kin tamanda me Koht iei soundoareparail,
duwen Wasa Lapalap eh kin ketin sewese irail.
36 Ahpw ar koasoi kan koaros kin likamw;
sohte mehkot me re kin nda kin mehlel.
37 Re sohte kin loalopwoatohng;
re sohte kin loalopwoatohng ar inou ong ih. Wie. 8.21.
38 Ahpw Koht me inenen kalahngan ong sapwellime aramas akan.
E ketin mahkikihong irail diparail kan
oh sohte ketin kamwomwirailla.
Pak tohto e ketin koledi sapwellime engieng
oh pein katokehdi engieng en nan kupwure.
39 E ketin tamataman me irail ahneki luwet en aramas,
rasehng kisinieng me kin ipidohte oh sohrala.
40 Ia uwen tohtohn ar kin kahngohdiong nan sapwtehn;
ia uwen tohtohn ar kansensuwedihada!
41 Re pwurupwurehngete kasongosonge Koht
oh katoutouwihala nan kupwuren Koht Sarawien Israel.
42 Re manokehla sapwellime manaman lapalap
oh rahn me e ketin kapitirailla sang ar imwintihti kan
43 oh ketin wiahda sapwellime wiewia kan oh manaman lapalap akan
nan wasa patapat en Soan nan wehin Isip.
44 E ketin wekidohng ni nta pillap akan,
mehn Isip kan ahpw sohla kak nimpil. Eks. 7.17-21.
45 E ketin kadarpeseng loahng pwehn kaloke irail,
oh kairu pwehn kauwehla sapwarail. Eks.8.20-24; b Eks. 8.1-6.
46 E ketin kamwarakpeseng loukust pwehn kangala wahnsapwarail kan
oh kamwomwala poadokapw en sapwarail kan. Eks. 10.12-15.
47 E ketin kemehkihla keteu aihs takai i KETEU AIHS TAKAI: Tehk nan kawehwehpen lepin mahsen kan. arail mwetin wain kan
oh arail tuhke en pik kan. Eks. 9.22-25.
48 E ketin kemehkihla nair kou kan melimel en keteu aihs takai
oh nair pelinmen teikan lioal.
49 E kupwurehda paisuwed laud en lelohng irail
ni e ketin kauwohng irail engieng mwuledek,
me rasehng meninkeder en mehla.
50 E sohte ketin katokehdi sapwellime engieng
de komourirailla,
ahpw e ketin kemehkinirailla soumwahu lusulus.
51 E ketin kemehla pwutak mesenih
en peneinei koaros en Isip. Eks. 12.29.
52 E ahpw ketin kahluwa sapwellime ko rasehng silepen sihpw men
oh ketin kaukauweid irail nan sapwtehno. Eks. 13.17-22.
53 E ketin kahluwa irail ni meleilei oh onepek, oh re sohte kin masak mehkot;
a arail imwintihti ko e ketin kakihrala nansed. Eks. 14.26-28.
54 E ahpw ketikidohng irail nan sapweiso sahpw sarawio,
pohn nahna me pein ih ketin kalowehdi. Eks. 15.17; Sos. 3.14-17.
55 E ketin kausasang tohn sahpwo nindokon sapwellime ko ar mwekimwekid kohla;
e ketin nehkpeseng sapwarailo ong kadaudok en Israel ko
oh imwarail kan e ketikihong sapwellime aramas akan. Sos. 11.16-23.
56 Re ahpw kahngohdiong Koht Wasa Lapalap,
oh kasongosonge.
Re sohte kapwaiada sapwellime kosonned akan, S.K 2.11-15.
57 ahpw re kahngohdiong oh soaloalopwoat duwehte ar pahpa kahlap ako,
re rasehngala arep me pireklahr.
58 Re kahngiangihkidahr ar wasahn kaudok en aramas rotorot kan,
iangahki neirail dikedik en eni kan.
59 Koht ketin engiengda ni eh mahsanihada soahng wet,
iei me e ketin soingkihla douluhl sapwellime aramas akan.
60 E ketiketla sang nan mwoale nan Sailo, j SAILO: En mehn Israel kan ar wasahn kaudok me keieu kesempwal mwohn mwehin Nanmwarki Depit.
wasa e ketiket ie rehtail mahso. Sos. 18.1; Ser. 7.12-14; 26.6.
61 E ketin mweidala pwe Kohpwahn Inowo en lohdiong pahn atail imwintihti kan,
kohpwao me wia kilel en sapwellime manaman oh lingan. 1 Sam. 4.4-22.
62 E ketin engiengda pahn sapwellime aramas ako
oh ketin mweidala pwe re en kamakamala pahn arail imwintihti ko.
63 Mwahnakapw akan kin mehla nan mahwen,
eri peinakapw akan sohte kin diar me re en pwoudiki.
64 Samworo kan kin mehkihla mehla eikek,
oh ar liohdi kan sohte mweimweiong re en mwahieikin irail.
65 Ni imwilah, Kaun-o ahpw ketida duwehte e ketin ohpala wasa;
e duwehte ohl kommwad emen me ket pahn litopw en wain.
66 E ketin katangapeseng sapwellime imwintihti kan
re ahpw sarohdi oh namenekla kowahlap.
67 Ahpw e ketin soikala kadaudok en Sosep kan;
e sohte ketin pilada kadaudok en Epraim.
68 Pwe kadaudok en Suda me e ketin pilada
oh Nahna Saion me e kin ketin poakohng mehlel.
69 Wasao me e ketin kauwada ie Tehnpese
duwehte mwoale me mi nanleng;
e ketin katengehdi duwehte sampah
pwehn tengeteng kohkohlahte.
70 E ketin pilada sapwellime ladu Depit;
e ketikihsang nan sapwen sihpw kan, 1 Sam. 16.11-12; 2 Sam. 7.8; 1 Kron. 17.7.
71 wasa me Depit kin apwahpwalih ie nah pelin sihpw,
oh ketin kasapwiladahng en wiahla nanmwarkien Israel,
pwehn wiahla silepen sapwellimen Koht aramas akan.
72 Depit eri patohwan apwahpwalih irail ni keneinei mehlel
oh kin kakaun irail ni koahiek unsek.
h^ TITLE NI MAHSEN EN IPRU: En Asap koul.
78:2: Mad. 13.35.
78:12: Eks. 7.8—12.32.
78:12: Kupw. 16.1—19.22.
78:13: Eks. 14.21-22.
78:14: Eks. 13.21-22.
78:15: Eks. 17.1-7; Nemp. 20.2-13.
78:18: Eks. 16.2-15; Nemp. 11.4-23, 31-35.
78:24: Kupw. 16.20-29; Sohn 6.31.
78:37: Wie. 8.21.
78:44: Eks. 7.17-21.
78:45: Eks.8.20-24; b Eks. 8.1-6.
78:46: Eks. 10.12-15.
i78:47: KETEU AIHS TAKAI: Tehk nan kawehwehpen lepin mahsen kan.
78:47: Eks. 9.22-25.
78:51: Eks. 12.29.
78:52: Eks. 13.17-22.
78:53: Eks. 14.26-28.
78:54: Eks. 15.17; Sos. 3.14-17.
78:55: Sos. 11.16-23.
78:56: S.K 2.11-15.
j78:60: SAILO: En mehn Israel kan ar wasahn kaudok me keieu kesempwal mwohn mwehin Nanmwarki Depit.
78:60: Sos. 18.1; Ser. 7.12-14; 26.6.
78:61: 1 Sam. 4.4-22.
78:70: 1 Sam. 16.11-12; 2 Sam. 7.8; 1 Kron. 17.7.