10
Pǝrixtǝ wǝ kiqik oram yazma
1 Andin keyin, ǝrxtin qüxüwatⱪan yǝnǝ bir küqlük pǝrixtini kɵrdüm. U bir parqǝ bulut bilǝn yepinƣan bolup, bexining üstidǝ bir ⱨǝsǝn-ⱨüsǝn bar idi. Qirayi ⱪuyaxⱪa, putliri ot tüwrükkǝ ohxaytti;■ Mat. 17:2; Wǝⱨ. 1:15. 2 ⱪolida bir kiqik eqiⱪliⱪ oram yazma bar idi. U ong putini dengiz üstigǝ, sol putini ⱪuruⱪluⱪⱪa ⱪoyup turup, 3 xirning ⱨɵrkirixigǝ ohxax ⱪattiⱪ awaz bilǝn warⱪiridi. U warⱪiriƣanda, yǝttǝ güldürmama ɵz awazlirini anglitip sɵz ⱪildi.
4 Yǝttǝ güldürmama sɵz ⱪilƣanda, degǝnlirini hatiriliwalmaⱪqi bolup turattim. Biraⱪ asmandin: —
«Yǝttǝ güldürmamining eytⱪanlirini mɵⱨürlǝp, ularni hatirilimǝ» degǝn awazni anglidim.□ «Yǝttǝ güldürmamining eytⱪanlirini mɵⱨürlǝp, ularni hatirilimǝ» — demǝk, bu sɵzlǝrni mǝhpiy tut. ■ Dan. 8:26; 12:4. 5 Dengiz ⱨǝm ⱪuruⱪluⱪning üstidǝ turƣan, mǝn kɵrgǝn u pǝrixtǝ ong ⱪolini asmanƣa kɵtürüp,■ Dan. 12:7. 6 asmanlar ⱨǝm ularda bolƣanlarning ⱨǝmmisini, yǝr-zemin ⱨǝm uningda bolƣanlarning ⱨǝmmisini, dengiz ⱨǝm uningda bolƣan ⱨǝmmisini Yaratⱪuqi, yǝni ǝbǝdil’ǝbǝdgiqǝ ⱨayat Yaxiƣuqi bilǝn ⱪǝsǝm ⱪilip:
— Waⱪit yǝnǝ kǝynigǝ sürülmǝydu;■ Wǝⱨ. 11:15. 7 bǝlki yǝttinqi pǝrixtǝ kanay qelix aldida, yǝni awazi anglinix aldidiki künlǝrdǝ, Hudaning Ɵz ⱪul-hizmǝtkarliri bolƣan pǝyƣǝmbǝrlǝrgǝ hux hǝwirini yǝtküzginidǝk Uning siri tügǝllinip, ǝmǝlgǝ axidu, — dedi.
8 Mǝn asmandin angliƣan awaz manga yǝnǝ sɵzlǝp:
— Berip, dengiz ⱨǝm ⱪuruⱪluⱪning üstidǝ turƣan pǝrixtining ⱪolidiki eqiⱪliⱪ oram yazmini alƣin, dedi.
9 Mǝn berip, pǝrixtining kiqik oram yazmini manga berixini soridim. U manga:
— Buni elip yǝ! Axⱪaziningni zǝrdab ⱪilidu, biraⱪ aƣzing ⱨǝsǝldǝk tatliⱪ bolidu, dedi.□ «...Buni elip yǝ! Axⱪaziningni zǝrdab ⱪilidu, biraⱪ aƣzing ⱨǝsǝldǝk tatliⱪ bolidu» — kɵqmǝ mǝnisi «sanga awwal birhil huxalliⱪ yǝtküzidu, lekin keyin yürikingni eqixturidu» degǝndǝk bolidu. «munasiwǝtlik ayǝtlǝr» — «Əz.» 2:6-3:3. ■ Əz. 3:1.
10 Mǝn xuning bilǝn kiqik oram yazmini pǝrixtining ⱪolidin elip yedim; dǝrwǝⱪǝ aƣzimƣa ⱨǝsǝldǝk tatliⱪ tetidi, lekin yegǝndin keyin axⱪazinim zɵrdab boldi. □ «Mǝn xuning bilǝn kiqik oram yazmini pǝrixtining ⱪolidin elip yedim...» — «oram yazmini yeyix» bizningqǝ Yuⱨanna mǝzmunini yǝtküzüxi kerǝk bolidiƣan, tɵwǝndiki 11-19-bablardiki bexarǝtlǝr bilǝn baƣliⱪ. «Ⱪoxumqǝ sɵz»imizdǝ u toƣruluⱪ tohtilimiz. 11 Xuning bilǝn manga:
— Sǝn kɵp millǝtlǝr, ǝllǝr wǝ ⱨǝr hil tillarda sɵzlixidiƣanlar wǝ padixaⱨlar toƣrisidiki wǝⱨiy-bexarǝtlǝrni yǝnǝ jakarlixing lazim, deyildi.
□10:4 «Yǝttǝ güldürmamining eytⱪanlirini mɵⱨürlǝp, ularni hatirilimǝ» — demǝk, bu sɵzlǝrni mǝhpiy tut.
□10:9 «...Buni elip yǝ! Axⱪaziningni zǝrdab ⱪilidu, biraⱪ aƣzing ⱨǝsǝldǝk tatliⱪ bolidu» — kɵqmǝ mǝnisi «sanga awwal birhil huxalliⱪ yǝtküzidu, lekin keyin yürikingni eqixturidu» degǝndǝk bolidu. «munasiwǝtlik ayǝtlǝr» — «Əz.» 2:6-3:3.
□10:10 «Mǝn xuning bilǝn kiqik oram yazmini pǝrixtining ⱪolidin elip yedim...» — «oram yazmini yeyix» bizningqǝ Yuⱨanna mǝzmunini yǝtküzüxi kerǝk bolidiƣan, tɵwǝndiki 11-19-bablardiki bexarǝtlǝr bilǝn baƣliⱪ. «Ⱪoxumqǝ sɵz»imizdǝ u toƣruluⱪ tohtilimiz.