113
113-küy •••• Xuda shepqitini körsitish üchün Özini töwen tutidu
1 Hemdusana!
Medhiyilenglar, i Perwerdigarning qulliri,
Perwerdigarning namini medhiyilenglar!
2 Hazirdin bashlap, ebedil’ebedgiche,
Perwerdigarning namigha teshekkür-medhiye qayturulsun!■ Dan. 2:20
3 Kün chiqardin kün patargha,
Perwerdigarning nami medhiyilinishke layiqtur!■ Mal. 1:11
4 Perwerdigar ellerdin yuqiri kötürüldi;
Shan-sheripi ershlerdin yuqiridur.
5 Kimmu Perwerdigar Xudayimizgha teng bolalisun —
Öz makani yuqirida bolsimu,
6 Asmanlargha hem yerge qarash üchün,
Özini töwen qilghuchigha?
7 Namrat kishini U topa-changdin kötüridu;
Qighliqtin yoqsulni yuqirilitidu;■ 1Sam. 2:8; Zeb. 107:41
8 Uni ésilzadiler qatarigha,
Yeni Öz xelqining ésilzadiliri arisigha olturghuzidu;
9 U tughmas ayalni öyge orunlashturup,
Uni oghullarning xushal anisi qilidu.
Hemdusana!