120
Kariimet memek nunga ningi baga se Kaem ko saonga ko guranek
(Ilu se temple te nama tarigira ko wur)
1 Aninga ikup ningi Yawe arusam,
se nu agiring iluso.
2 O Yawe, kariimet nuguring kawel karogo wore nuguting te aga sangaru toko,
ale kariimet nungamili guruga patawura
karogo mu nuguting te aga sangaru toko.
3 Nina kariimet nigiring memek mu, nu awuk ninga bitiruk i?
Ale anape bo karogo nengete bitirukko?
4 Nu kager kari ko daga gotek kore buguyam mu te ninga moruk,
ale tuwer giturum kaniwara mu te ninga kaiyokko.
5 Bare ani Meshek kariimet nunga ningi baga maguwu lagasam;
ani Kedar kariimet nunga ningi memek baga lagasam.* Wonong sor ilagala imi Israel ko awar nuam. Nu Kaem ko me ikia alo se nusupuling lagara ko kariimet wore nunga ningi bagakaso.
6 Ani kariimet, lila te bagara ko kiwem mu
me ko kuawara umu nunga ningi tom maiya biya bagerem.
7 Ani mu angamang lila ko kari;
bare tom ani bagara lila mu ko
balukasam, mu nuna kager ko la balukasan.
*120:5: Wonong sor ilagala imi Israel ko awar nuam. Nu Kaem ko me ikia alo se nusupuling lagara ko kariimet wore nunga ningi bagakaso.