131
Yawe koma te nanimi karogo kapara ko munan
(Ilu se temple te nama tarigira ko wur; David ko wur)
1 O Yawe, aitak ani angamang motam kua kaparam,
se aimi patawura ko munan mu abiring tuem;
ani mel bibiya ko ikia me bitawasam,
ale mel duap duap te me loagawasam.
2 Angimik kua lila aram, se kutek maem ale
kuriang mimili kitak tuguma se kuamili sapa ani lagara iwita bagasam.
3 O Israel, nina aitak se tom pempem la Yawe kote la loaga se lagaralko.