Sam Kratrtqki-esz'-nzpnu-esz' (110)
King Kxetu Kc Tqngi Nardr Pris Ne Yawe
Nabz ne Devet.
King Kxetu
1 Yawe rpibzle mz King kc tqngi Kxetu rnge kx, “Wxbu mrlc tqmatq-esz'ngr mz nrlarnge kxrtc,
Navz nakrlz-zpwxbzle mzli kc nangi-batr-ngrbo mz enqmi rmqng nzmetx-krbzlr bam.” ✡ Matiu 22:44; 26:64; Mak 12:36; 14:62; Luk 20:42-43; 22:69; Aposol 2:34-35; 1 Korint 15:25; Efiszs 1:20, 22; Kolosia 3:1; Hibru 1:3, 13; 8:1; 10:12; 12:2
2 Murde Yawe sa nangi-batr-kzpzle nzetunepxkr zmatq ngrm mz nzvzpx-krme Jerusalem,
Mz nzaovxio-krm enqmi lcng.
3 X mzli lcde, drtq leplz nemqng sa navq zlwz nzprtr-krbzlr mz ami nem,
Murde namailzq nidr mz zmatq ngrm kc tqluli, tqtr.
X obla nemqng sa navzmqng naprtr-kzpzng bam mz nzaxplr-mou-krdr ami nem.
Na-apubzlr badr mi kc tqvzom mz nzrka-krbzle nzlungr kxmrna mz nabr.
Nardr Pris
4 X Yawe esalz-ngrde drtqde x trnatekqtrleu drtwrde.
Rpile kx, “Nim King nenge, nangini-alo-kzp pris mz nzvz-nqblq-krde nzwzkr Melkesidek.” ✡ Hibru 5:6; 7:17, 21
5 X Yawe sa natubz mz nibrm,
Mz nzmilxtxo-krde king kxnzkqlung mz zngya ngr drtwrde.
6 X sa na-ayrplapxle lr mrkzbleng mz nznibqti-krde nidr amrlx.
X sa na-aovxio-atwrnr-ngrde king rdrng mz nrlc tulvzo.
7 X nim, King rnge, mz nzvz-krm lc, nzxplr-kato-krm sa namatqnepx kz.
X sa na-aovxio-atwrnr-ngrn nrlc.
✡Sam Kratrtqki-esz'-nzpnu-esz' (110):1 Matiu 22:44; 26:64; Mak 12:36; 14:62; Luk 20:42-43; 22:69; Aposol 2:34-35; 1 Korint 15:25; Efiszs 1:20, 22; Kolosia 3:1; Hibru 1:3, 13; 8:1; 10:12; 12:2
✡Sam Kratrtqki-esz'-nzpnu-esz' (110):4 Hibru 5:6; 7:17, 21