Ⅰ ཏསྱ ཧཏྱཱཀརཎཾ ཤཽལོཔི སམམནྱཏ། ཏསྨིན྄ སམཡེ ཡིརཱུཤཱལམྣགརསྠཱཾ མཎྜལཱིཾ པྲཏི མཧཱཏཱཌནཱཡཱཾ ཛཱཏཱཡཱཾ པྲེརིཏལོཀཱན྄ ཧིཏྭཱ སཪྻྭེ྅པརེ ཡིཧཱུདཱཤོམིརོཎདེཤཡོ རྣཱནཱསྠཱནེ ཝིཀཱིརྞཱཿ སནྟོ གཏཱཿ།

Ⅱ ཨནྱཙྩ བྷཀྟལོཀཱསྟཾ སྟིཕཱནཾ ཤྨཤཱནེ སྠཱཔཡིཏྭཱ བཧུ ཝྱལཔན྄།

Ⅲ ཀིནྟུ ཤཽལོ གྲྀཧེ གྲྀཧེ བྷྲམིཏྭཱ སྟྲིཡཿ པུརུཥཱཾཤྩ དྷྲྀཏྭཱ ཀཱརཱཡཱཾ བདྡྷྭཱ མཎྜལྱཱ མཧོཏྤཱཏཾ ཀྲྀཏཝཱན྄།

Ⅳ ཨནྱཙྩ ཡེ ཝིཀཱིརྞཱ ཨབྷཝན྄ ཏེ སཪྻྭཏྲ བྷྲམིཏྭཱ སུསཾཝཱདཾ པྲཱཙཱརཡན྄།

Ⅴ ཏདཱ ཕིལིཔཿ ཤོམིརོཎྣགརཾ གཏྭཱ ཁྲཱིཥྚཱཁྱཱནཾ པྲཱཙཱརཡཏ྄;

Ⅵ ཏཏོ྅ཤུཙི-བྷྲྀཏགྲསྟལོཀེབྷྱོ བྷཱུཏཱཤྩཱིཏྐྲྀཏྱཱགཙྪན྄ ཏཐཱ བཧཝཿ པཀྵཱགྷཱཏིནཿ ཁཉྫཱ ལོཀཱཤྩ སྭསྠཱ ཨབྷཝན྄།

Ⅶ ཏསྨཱཏ྄ ལཱཀཱ ཨཱིདྲྀཤཾ ཏསྱཱཤྩཪྻྱཾ ཀརྨྨ ཝིལོཀྱ ནིཤམྱ ཙ སཪྻྭ ཨེཀཙིཏྟཱིབྷཱུཡ ཏེནོཀྟཱཁྱཱནེ མནཱཾསི ནྱདདྷུཿ།

Ⅷ ཏསྨིནྣགརེ མཧཱནནྡཤྩཱབྷཝཏ྄།

Ⅸ ཏཏཿ པཱུཪྻྭཾ ཏསྨིནྣགརེ ཤིམོནྣཱམཱ ཀཤྩིཛྫནོ བཧྭཱི རྨཱཡཱཀྲིཡཱཿ ཀྲྀཏྭཱ སྭཾ ཀཉྩན མཧཱཔུརུཥཾ པྲོཙྱ ཤོམིརོཎཱིཡཱནཱཾ མོཧཾ ཛནཡཱམཱས།

Ⅹ ཏསྨཱཏ྄ ས མཱནུཥ ཨཱིཤྭརསྱ མཧཱཤཀྟིསྭརཱུཔ ཨིཏྱུཀྟྭཱ བཱལཝྲྀདྡྷཝནིཏཱཿ སཪྻྭེ ལཱཀཱསྟསྨིན྄ མནཱཾསི ནྱདདྷུཿ།

Ⅺ ས བཧུཀཱལཱན྄ མཱཡཱཝིཀྲིཡཡཱ སཪྻྭཱན྄ ཨཏཱིཝ མོཧཡཱཉྩཀཱར, ཏསྨཱཏ྄ ཏེ ཏཾ མེནིརེ།

Ⅻ ཀིནྟྭཱིཤྭརསྱ རཱཛྱསྱ ཡཱིཤུཁྲཱིཥྚསྱ ནཱམྣཤྩཱཁྱཱནཔྲཙཱརིཎཿ ཕིལིཔསྱ ཀཐཱཡཱཾ ཝིཤྭསྱ ཏེཥཱཾ སྟྲཱིཔུརུཥོབྷཡལོཀཱ མཛྫིཏཱ ཨབྷཝན྄།

ⅩⅢ ཤེཥེ ས ཤིམོནཔི སྭཡཾ པྲཏྱཻཏ྄ ཏཏོ མཛྫིཏཿ སན྄ ཕིལིཔེན ཀྲྀཏཱམ྄ ཨཱཤྩཪྻྱཀྲིཡཱཾ ལཀྵཎཉྩ ཝིལོཀྱཱསམྦྷཝཾ མནྱམཱནསྟེན སཧ སྠིཏཝཱན྄།

ⅩⅣ ཨིཏྠཾ ཤོམིརོཎྡེཤཱིཡལོཀཱ ཨཱིཤྭརསྱ ཀཐཱམ྄ ཨགྲྀཧླན྄ ཨིཏི ཝཱརྟྟཱཾ ཡིརཱུཤཱལམྣགརསྠཔྲེརིཏཱཿ པྲཱཔྱ པིཏརཾ ཡོཧནཉྩ ཏེཥཱཾ ནིཀཊེ པྲེཥིཏཝནྟཿ།

ⅩⅤ ཏཏསྟཽ ཏཏ྄ སྠཱནམ྄ ཨུཔསྠཱཡ ལོཀཱ ཡཐཱ པཝིཏྲམ྄ ཨཱཏྨཱནཾ པྲཱཔྣུཝནྟི ཏདརྠཾ པྲཱརྠཡེཏཱཾ།

ⅩⅥ ཡཏསྟེ པུརཱ ཀེཝལཔྲབྷུཡཱིཤོ རྣཱམྣཱ མཛྫིཏམཱཏྲཱ ཨབྷཝན྄, ན ཏུ ཏེཥཱཾ མདྷྱེ ཀམཔི པྲཏི པཝིཏྲསྱཱཏྨན ཨཱཝིརྦྷཱཝོ ཛཱཏཿ།

ⅩⅦ ཀིནྟུ པྲེརིཏཱབྷྱཱཾ ཏེཥཱཾ གཱཏྲེཥུ ཀརེཥྭརྤིཏེཥུ སཏྶུ ཏེ པཝིཏྲམ྄ ཨཱཏྨཱནམ྄ པྲཱཔྣུཝན྄།

ⅩⅧ ཨིཏྠཾ ལོཀཱནཱཾ གཱཏྲེཥུ པྲེརིཏཡོཿ ཀརཱརྤཎེན ཏཱན྄ པཝིཏྲམ྄ ཨཱཏྨཱནཾ པྲཱཔྟཱན྄ དྲྀཥྚྭཱ ས ཤིམོན྄ ཏཡོཿ སམཱིཔེ མུདྲཱ ཨཱནཱིཡ ཀཐིཏཝཱན྄;

ⅩⅨ ཨཧཾ ཡསྱ གཱཏྲེ ཧསྟམ྄ ཨརྤཡིཥྱཱམི ཏསྱཱཔི ཡཐེཏྠཾ པཝིཏྲཱཏྨཔྲཱཔྟི རྦྷཝཏི ཏཱདྲྀཤཱིཾ ཤཀྟིཾ མཧྱཾ དཏྟཾ།

ⅩⅩ ཀིནྟུ པིཏརསྟཾ པྲཏྱཝདཏ྄ ཏཝ མུདྲཱསྟྭཡཱ ཝིནཤྱནྟུ ཡཏ ཨཱིཤྭརསྱ དཱནཾ མུདྲཱབྷིཿ ཀྲཱིཡཏེ ཏྭམིཏྠཾ བུདྡྷཝཱན྄;

ⅩⅪ ཨཱིཤྭརཱཡ ཏཱཝནྟཿཀརཎཾ སརལཾ ནཧི, ཏསྨཱད྄ ཨཏྲ ཏཝཱཾཤོ྅དྷིཀཱརཤྩ ཀོཔི ནཱསྟི།

ⅩⅫ ཨཏ ཨེཏཏྤཱཔཧེཏོཿ ཁེདཱནྭིཏཿ སན྄ ཀེནཱཔི པྲཀཱརེཎ ཏཝ མནས ཨེཏསྱཱཿ ཀུཀལྤནཱཡཱཿ ཀྵམཱ བྷཝཏི, ཨེཏདརྠམ྄ ཨཱིཤྭརེ པྲཱརྠནཱཾ ཀུརུ;

ⅩⅩⅢ ཡཏསྟྭཾ ཏིཀྟཔིཏྟེ པཱཔསྱ བནྡྷནེ ཙ ཡདསི ཏནྨཡཱ བུདྡྷམ྄།

ⅩⅩⅣ ཏདཱ ཤིམོན྄ ཨཀཐཡཏ྄ ཏརྷི ཡུཝཱབྷྱཱམུདིཏཱ ཀཐཱ མཡི ཡཐཱ ན ཕལཏི ཏདརྠཾ ཡུཝཱཾ མནྣིམིཏྟཾ པྲབྷཽ པྲཱརྠནཱཾ ཀུརུཏཾ།

ⅩⅩⅤ ཨནེན པྲཀཱརེཎ ཏཽ སཱཀྵྱཾ དཏྟྭཱ པྲབྷོཿ ཀཐཱཾ པྲཙཱརཡནྟཽ ཤོམིརོཎཱིཡཱནཱམ྄ ཨནེཀགྲཱམེཥུ སུསཾཝཱདཉྩ པྲཙཱརཡནྟཽ ཡིརཱུཤཱལམྣགརཾ པརཱཝྲྀཏྱ གཏཽ།

ⅩⅩⅥ ཏཏཿ པརམ྄ ཨཱིཤྭརསྱ དཱུཏཿ ཕིལིཔམ྄ ཨིཏྱཱདིཤཏ྄, ཏྭམུཏྠཱཡ དཀྵིཎསྱཱཾ དིཤི ཡོ མཱརྒོ པྲཱནྟརསྱ མདྷྱེན ཡིརཱུཤཱལམོ ྅སཱནགརཾ ཡཱཏི ཏཾ མཱརྒཾ གཙྪ།

ⅩⅩⅦ ཏཏཿ ས ཨུཏྠཱཡ གཏཝཱན྄; ཏདཱ ཀནྡཱཀཱིནཱམྣཿ ཀཱུཤློཀཱནཱཾ རཱཛྙྱཱཿ སཪྻྭསམྤཏྟེརདྷཱིཤཿ ཀཱུཤདེཤཱིཡ ཨེཀཿ ཥཎྜོ བྷཛནཱརྠཾ ཡིརཱུཤཱལམྣགརམ྄ ཨཱགཏྱ

ⅩⅩⅧ པུནརཔི རཐམཱརུཧྱ ཡིཤཡིཡནཱམྣོ བྷཝིཥྱདྭཱདིནོ གྲནྠཾ པཋན྄ པྲཏྱཱགཙྪཏི།

ⅩⅩⅨ ཨེཏསྨིན྄ སམཡེ ཨཱཏྨཱ ཕིལིཔམ྄ ཨཝདཏ྄, ཏྭམ྄ རཐསྱ སམཱིཔཾ གཏྭཱ ཏེན སཱརྡྡྷཾ མིལ།

ⅩⅩⅩ ཏསྨཱཏ྄ ས དྷཱཝན྄ ཏསྱ སནྣིདྷཱཝུཔསྠཱཡ ཏེན པཋྱམཱནཾ ཡིཤཡིཡཐཝིཥྱདྭཱདིནོ ཝཱཀྱཾ ཤྲུཏྭཱ པྲྀཥྚཝཱན྄ ཡཏ྄ པཋསི ཏཏ྄ ཀིཾ བུདྷྱསེ?

ⅩⅩⅪ ཏཏཿ ས ཀཐིཏཝཱན྄ ཀེནཙིནྣ བོདྷིཏོཧཾ ཀཐཾ བུདྷྱེཡ? ཏཏཿ ས ཕིལིཔཾ རཐམཱརོཌྷུཾ སྭེན སཱརྡྡྷམ྄ ཨུཔཝེཥྚུཉྩ ནྱཝེདཡཏ྄།

ⅩⅩⅫ ས ཤཱསྟྲསྱེཏདྭཱཀྱཾ པཋིཏཝཱན྄ ཡཐཱ, སམཱནཱིཡཏ གྷཱཏཱཡ ས ཡཐཱ མེཥཤཱཝཀཿ། ལོམཙྪེདཀསཱཀྵཱཙྩ མེཥཤྩ ནཱིརཝོ ཡཐཱ། ཨཱབདྷྱ ཝདནཾ སྭཱིཡཾ ཏཐཱ ས སམཏིཥྛཏ།

ⅩⅩⅩⅢ ཨནྱཱཡེན ཝིཙཱརེཎ ས ཨུཙྪིནྣོ ྅བྷཝཏ྄ ཏདཱ། ཏཏྐཱལཱིནམནུཥྱཱན྄ ཀོ ཛནོ ཝརྞཡིཏུཾ ཀྵམཿ། ཡཏོ ཛཱིཝནྣྲྀཎཱཾ དེཤཱཏ྄ ས ཨུཙྪིནྣོ ྅བྷཝཏ྄ དྷྲུཝཾ།

ⅩⅩⅩⅣ ཨནནྟརཾ ས ཕིལིཔམ྄ ཨཝདཏ྄ ནིཝེདཡཱམི, བྷཝིཥྱདྭཱདཱི ཡཱམིམཱཾ ཀཐཱཾ ཀཐཡཱམཱས ས ཀིཾ སྭསྨིན྄ ཝཱ ཀསྨིཾཤྩིད྄ ཨནྱསྨིན྄?

ⅩⅩⅩⅤ ཏཏཿ ཕིལིཔསྟཏྤྲཀརཎམ྄ ཨཱརབྷྱ ཡཱིཤོརུཔཱཁྱཱནཾ ཏསྱཱགྲེ པྲཱསྟཽཏ྄།

ⅩⅩⅩⅥ ཨིཏྠཾ མཱརྒེཎ གཙྪནྟཽ ཛལཱཤཡསྱ སམཱིཔ ཨུཔསྠིཏཽ; ཏདཱ ཀླཱིབོ྅ཝཱདཱིཏ྄ པཤྱཱཏྲ སྠཱནེ ཛལམཱསྟེ མམ མཛྫནེ ཀཱ བཱདྷཱ?

ⅩⅩⅩⅦ ཏཏཿ ཕིལིཔ ཨུཏྟརཾ ཝྱཱཧརཏ྄ སྭཱནྟཿཀརཎེན སཱཀཾ ཡདི པྲཏྱེཥི ཏརྷི བཱདྷཱ ནཱསྟི། ཏཏཿ ས ཀཐིཏཝཱན྄ ཡཱིཤུཁྲཱིཥྚ ཨཱིཤྭརསྱ པུཏྲ ཨིཏྱཧཾ པྲཏྱེམི།

ⅩⅩⅩⅧ ཏདཱ རཐཾ སྠགིཏཾ ཀརྟྟུམ྄ ཨཱདིཥྚེ ཕིལིཔཀླཱིབཽ དྭཽ ཛལམ྄ ཨཝཱརུཧཏཱཾ; ཏདཱ ཕིལིཔསྟམ྄ མཛྫཡཱམཱས།

ⅩⅩⅩⅨ ཏཏྤཤྩཱཏ྄ ཛལམདྷྱཱད྄ ཨུཏྠིཏཡོཿ སཏོཿ པརམེཤྭརསྱཱཏྨཱ ཕིལིཔཾ ཧྲྀཏྭཱ ནཱིཏཝཱན྄, ཏསྨཱཏ྄ ཀླཱིབཿ པུནསྟཾ ན དྲྀཥྚཝཱན྄ ཏཐཱཔི ཧྲྀཥྚཙིཏྟཿ སན྄ སྭམཱརྒེཎ གཏཝཱན྄།

ⅩⅬ ཕིལིཔཤྩཱསྡོདྣགརམ྄ ཨུཔསྠཱཡ ཏསྨཱཏ྄ ཀཻསརིཡཱནགར ཨུཔསྠིཏིཀཱལཔཪྻྱནཏཾ སཪྻྭསྨིནྣགརེ སུསཾཝཱདཾ པྲཙཱརཡན྄ གཏཝཱན྄།