1 حَمَ نَشَ وَ شُي رَ مِنِ كْي رَ. 2 عِسِرَيِلَكَ بِرِن نُ قَ وْيّن نَ مُنسَ نُن هَرُنَ مَ، عٍ نُ عَ قَلَ، «عَ نُ قِسَ مُشُ شَ قَشَ مِسِرَ، شَ نَ مُ عَ رَ يِ فبٍنفبٍرٍن يِرٍ. 3 مُنقٍ رَ عَلَتَلَ مُشُ رَ سٌقٍ يِ بْشِ مَ، مُشُ شَ قَشَ سَنتِدّفّمَ رَ، مُشُ شَ دِيٍ نُن مُشُ شَ فِنّيٍ شَ سُشُ فٍرٍ كُي. عَ مُ قِسَ مُشُ شَ فبِلٍن مِسِرَ؟» 4 عٍ نَشَ عَ قَلَ عٍ بٌورٍيٍ بّ، «وٌن مَنفّ كٍرٍن تِ وٌن شُن نَ، وٌن شَ فبِلٍن مِسِرَ.»

5 مُنسَ نُن هَرُنَ نَشَ عٍ يَتَفِ رَقٍلٍن بْشِ مَ عِسِرَيِلَكَ بِرِن يَ شْرِ. 6 نُنُ شَ دِ شّمّ يٌسُوٍ نُن يٍقُنٍ شَ دِ شّمّ كَلٍبِ نَشَ عٍ شَ دٌنمَ عِبْو سُننُنيِ كُي. نَ مِشِ قِرِن نُ نَ نَ شّيرَيٍ يَ مَ، نَشٍيٍ سِفَ كَنَان بْشِ رَبّندٍ. 7 عٍ نَشَ قَ يِ مَسٍنيِ تِ حَمَ بّ، «مُشُ بْشِ نَشَن مَتٌشِ، بْشِ قَنيِ قَنيِ نَن عَ رَ. 8 شِحّ نُن كُمِ يِرٍ نَن عَ رَ. شَ عَلَتَلَ نَ وٌن بّ، عَ وٌن نَسٌمَ نّ نَا، عَ نَ بْشِ قِ وٌن مَ. 9 يَندِ، وٌ نَشَ عَلَتَلَ مَتَندِ. وٌ نَشَ فَاشُ نَ بْشِ مِشِيٍ يَ رَ. وٌن نْمَ نّ عٍ رَ. عٍ سَنكٍ يٌ مُ نَ سْنْن، بَرِ مَ عَلَتَلَ نَ وٌن تَن نَن بّ. وٌ نَشَ فَاشُ عٍ يَ رَ.»

10 حَمَ نُ وَ مَ عٍ مَفْنْقٍ، كْنْ عَلَتَلَ شَ نْرّ نَشَ مِنِ هْرْ مْلِنفِرَ عِسِرَيِلَكَ بِرِن يَ شْرِ. 11 عَلَتَلَ نَشَ عَ مَسٍن مُنسَ بّ، «يِ حَمَ بَمَ ﭑ مَبٍرٍقٍ مُن تّمُي؟ مُنقٍ رَ عٍ سِيكّمَ هَلِ ﭑ كَابَنَكٌي رَبَمَ عٍ تَفِ؟ 12 ﭑ شَ وُفَنيِ رَدِن عٍ مَ، ﭑ نٍيٍ قَشَ. نَ تّمُي ﭑ بْنسْي شُنفبٍ سّنبّمَ ندٍ رَكٍلِمَ نّ عِ سَابُي رَ، نَشَن دَنفِ عٍ تَن نَ.»

13 مُنسَ نَشَ عَلَتَلَ يَابِ، «مِسِرَكَيٍ بَرَ عَ كٌلٌن، عَ عِ يِ حَمَ رَ مِنِ عٍ شَ بْشِ رَ عِ سّنبّ نَن نَ. 14 عٍ بَرَ بٍكَيٍ رَكٌلٌن. نٍيٍ بَرَ عَ مّ، عَ عِ تَن عَلَتَلَ نَ عِ شَ حَمَ قْشْ رَ، عَ عِ عِ يّتّ مَسٍنمَ عٍ مَ، عَ عِ نُشُي سَمَ عٍ شُن مَ، عَ عِ حّرّ مَ عٍ يَ رَ نُشُي كُي يَنيِ رَ، نُن تّ كُي كْي رَ. 15 شَ عِ قَ يِ حَمَ بِرِن قَشَ كٍرٍنيِ رَ، بْنسْي نَشٍيٍ عِ شَ قٍ مّشِ، عٍ عَ قَلَمَ نّ، 16 ‹عَلَتَلَ سّنبّ يٌ مُ نُ نْمَ يِ حَمَ رَ سٌدٍ بْشِ مَ، عَ نَشَن لَايِدِشِ عٍ بّ. نَ نَن عَ رَ، عَ عٍ بِرِن سْنتْ فبٍنفبٍرٍنيِ مَ.›»

17 «عِ شَ عِ سّنبّ مَسٍن عٍ بّ، عَلْ عِ تَن يَتِ عَ يِتَشِ كِ نَشّ، عَ قَلَقٍ رَ، 18 ‹ﭑ مُ شْنْمَ مَقُرٍن مَقُرٍن. ﭑ مَ دِحّ نُن قَنيِ فبٌ. ﭑ مِشِيٍ شَ يُنُبِيٍ نُن قٍ حَاشِيٍ شَقَرِ مَ. كْنْ ﭑ مِشِ كٌبِ نُن مِشِ قَنيِ تَفِ رَ سَمَ. ﭑ بٍنبَيٍ شَ يُنُبِ سَرٍ دْشْمَ عٍ شَ دِيٍ شُن مَ هَن بْنسْي سَشَن، شَ نَ مُ نَانِ.› 19 يَندِ، ﭑ بَرَ عِ مَشَندِ، دِحّ عِ شَ حَمَ شَ يُنُبِ مَ عِ شَ هِننّ شَ قٍ رَ، عَلْ عِ عَ رَبَشِ كَبِ عٍ مِنِ مِسِرَ تّمُي نَشّ.»

20 عَلَتَلَ نَشَ عَ يَابِ، «ﭑ بَرَ دِحّ عِ شَ مَشَندِ شَ قٍ رَ. 21 كْنْ، ﭑ بَرَ ﭑ كَلِ، نْندِ نَن عَ رَ عَلْ ﭑ تٌ نَ نَ، عَلْ ﭑ مَ نْرّ نَشَن بْشِ رَقٍمَ، 22 شّمّ نَشَن بِرِن ﭑ مَ نْرّ نُن ﭑ مَ كَابَنَكٌي تٌشِ، ﭑ نَشٍيٍ رَبَ مِسِرَ نُن فبٍنفبٍرٍنيِ مَ، كْنْ عٍ قَ مُرُتَ ﭑ مَ هَن سَنيَ قُ تُلِ شْرْشْي رَ، 23 نٍيٍ سٍسٍ مُ بْشِ تٌمَ، ﭑ نَشَن لَايِدِشِ عٍ بٍنبَيٍ بّ. نَشَن بِرِن مُرُتَشِ ﭑ مَ، عٍ سٍسٍ مُ نَ تٌمَ. 24 كْنْ ﭑ مَ كٌنيِ دِ كَلٍبِ تٌ بِرَ شَشِلِ فبّتّ قْشْ رَ، عَ قَ ﭑ نَبَتُ، ﭑ عَ تَن نَسٌمَ نّ نَ بْشِ مَ، عَ نَشَن نَبّنشِ. عَ بْنسْي كّ سْتْمَ نّ نَا. 25 عَمَلّكِكَيٍ نُن كَنَانكَيٍ تٌ سَبَتِ فُلُنبَ كُي، تِنَ وٌ شَ وٌ مَقِندِ، وٌ شَ فبِلٍن فبٍنفبٍرٍنيِ مَ شُلُنيُمِ بَا مَبِرِ.»

26 عَلَتَلَ نَشَ عَ مَسٍن مُنسَ نُن هَرُنَ بّ، 27 «يِ حَمَ كٌبِ ﭑ مَتَندِ مَ هَن مُن تّمُي؟ ﭑ بَرَ عِسِرَيِلَكَيٍ شُي مّ، عٍ نَشَن قَلَمَ ﭑ بّ، عٍ تِ ﭑ كَنكٍ. 28 عَ قَلَ عٍ بّ، ‹ﭑ بَرَ ﭑ كَلِ، نْندِ نَن عَ رَ، عَلْ ﭑ تٌ نَ نَ، ﭑ عَ رَبَمَ نّ وٌ بّ عَلْ ﭑ عَ مّشِ وٌ دّ عِ كِ نَشّ. 29 وٌ تَن مَتَندِلَيٍ، نَشَن بِرِن كْنتِشِ عِسِرَيِلَ حَمَ يَ مَ، نَشٍيٍ شَ سِمَيَ بَرَ دَنفِ حّ مْشْحّن نَ، وٌ قَشَمَ نّ يِ فبٍنفبٍرٍنيِ مَ. 30 وٌ مُ سٌمَ بْشِ مَ ﭑ نَشَن لَايِدِ وٌ بّ، قٌ يٍقُنٍ شَ دِ شّمّ كَلٍبِ نُن نُنُ شَ دِ شّمّ يٌسُوٍ. 31 وٌ شَ دِيٍ، وٌ نَشٍيٍ مَ عَ عٍ بِرِن قَشَمَ فٍرٍ نَن كُي، ﭑ نٍيٍ تَن نَسٌمَ نّ نَ بْشِ كُي، وٌ مّيشِ نَشَن نَ. 32 وٌ قَشَمَ فبٍنفبٍرٍنيِ نَن مَ، وٌ قُرٍيٍ لُمَ نَ نّ. 33 وٌ شَ دِيٍ قِندِ مَ حّرّتِيٍ نَن نَ حّ تٌنفٌ نَانِ بُن مَ يِ فبٍنفبٍرٍنيِ مَ. عٍ وٌ شَ يُنُبِ سَرٍ شَنِنمَ هَن وٌ بِرِن قَشَ فبٍنفبٍرٍنيِ مَ. 34 وٌ شِ شَسَبِ نَشَن نَبَ نَ بْشِ رَبّندٍ، وٌ نَ حّ شَسَبِ رَبَمَ فبٍنفبٍرٍنيِ مَ وٌ شَ يُنُبِ شَ قٍ رَ. وٌ تٌ شِ تٌنفٌ نَانِ رَبَ نَ بْشِ رَبّندٍ، وٌ قَمَ نّ حّ تٌنفٌ نَانِ رَبَدٍ فبٍنفبٍرٍنيِ مَ، عَلَكٌ وٌ شَ عَ كٌلٌن ﭑ نَ يُنُبِ شْنشِ كِ نَشّ. 35 ﭑ تَن عَلَتَلَ، ﭑ بَرَ فّ وْيّندٍ. ﭑ بَرَ نَ نَتّ تٌنفٌ يِ حَمَ كٌبِ شَ قٍ رَ، نَشَن تِ ﭑ كَنكٍ. عٍ بِرِن قَشَمَ نّ فبٍنفبٍرٍنيِ مَ.›»

36 مُنسَ شَ شّيرَيٍ تٌ فبِلٍن كٍلِقٍ نَ بْشِ رَبّندٍ، عٍ نَشَ قٍ شْرْشْي قَلَ نَ بْشِ شَ قٍ رَ هَن عِسِرَيِلَ حَمَ نَشَ تِ مُنسَ كَنكٍ. 37 نَ كُي، عَلَتَلَ نَشَ عٍ قَشَ كٍرٍن نَ. 38 نَ شّيرَيٍ يَ مَ، يٍقُنٍ شَ دِ شّمّ كَلٍبِ نُن نُنُ شَ دِ شّمّ يٌسُوٍ نَن فبَنسَن مُ قَشَ.

39 مُنسَ تٌ نَ مَسٍنيِ تِ عِسِرَيِلَ حَمَ بّ، عٍ نَشَ سُننُن كِ قَنيِ. 40 عٍ نَشَ كٍلِ سُبَشّ مَ، عٍ شَ تٍ فٍيَ لٌنفٌرِ. عٍ نَشّ، «مُشُ شَ تٍ يِرٍ، عَلَتَلَ دّننَشّ مَسٍنشِ مُشُ بّ. مُشُ بَرَ يُنُبِ رَبَ.» 41 مُنسَ نَشَ عٍ مَشْرِن، «وٌ عَلَتَلَ شَ يَامَرِ نَن مَتَندِقٍ؟ وٌ مُ فٍينِمَ نَ كُي. 42 وٌ نَشَ تٍ دٍ، بَرِ مَ عَلَتَلَ مُ نَ وٌ يَ مَ سْنْن. وٌ نَشَ عَ نِيَ وٌ يَشُييٍ شَ نْ وٌ رَ. 43 عَمَلّكِكَيٍ نُن كَنَانكَيٍ نَ وٌ يَ رَ، عٍ وٌ سْنتْمَ نّ عٍ شَ سَنتِدّفّمَيٍ رَ. وٌ تٌ بَرَ وٌ كٌبٍ سٌ عَلَتَلَ رَ، عَ مُ نَ وٌ قْشْ رَ.»

44 كْنْ عِسِرَيِلَ حَمَ مُ عٍ تُلِ مَتِ مُنسَ رَ. عٍ نَشَ تٍ فٍيَ يِرٍ، كْنْ عَلَتَلَ شَ سَاتّ كَنكِرَ نُن مُنسَ مُ كٍلِ حَمَ شَ يٌنكِندٍ. 45 عَمَلّكِكَيٍ نُن كَنَانكَيٍ نَشٍيٍ نُ سَبَتِشِ نَ فٍيَ يِرٍ، عٍ نَشَ فٌرٌ عِسِرَيِلَكَيٍ شِلِ مَ، عٍ قَ عٍ بْنبْ، عٍ عٍ مَسّفّ هَن هٌرٌ مَ.