38
Iawe God Iob sipoasade
1 Tane Iawe God kaibisibisi bedewe Iob sipoasane diene wanase,
2 “E ambi ne insaisana dewasadina bedewe
aiaa ipasiawaia mampe ne waitaraneiana?
3 Naita e apana, imaite wine nainawo enaa;
Ne e waitaraepino sipoanea.
4 E na epe wainiano ne tawo ema dewasane ituna?
Naita e ateitaa tauma dianea.
5 Mida debamawa makawa atenlene rua dewasan, e ateiten ba, dia?
Mida witapa aubene rualen?
6 Tuatua sa bumpa dima osowe eindoe enede?
Tuatua sawano enedia mida eindoden?
7 Walama sawo walama kiporawa uduudu sasantoie,
ita God enseliwa uduudu nuaeu mampe wadaposintoie.
8 Tane walama ipa owa bupa bedewe abaialene nosen,
ita mida owa itunbodeno winede?”