10
1 Musiɓɓe an, faale ɓernde an nden, e ko mi woni toraade Alla fii *Isra'iilayankeeɓe ɓen, ko yo ɓe dande. 2 Kono miɗo seeditanaade ɓe ɗunɗoo: hiɓe himmani fii Alla, kono hinaa tippude e gandal. 3 Ɓay ɓe andaali peewal iwrungal e Alla ngal, e ɓay ɓe ɗaɓɓii no ɓe tabintinira peewal maɓɓe ngal kamɓe tigi, ɓe ronki yankinanaade peewal Alla ngal. 4 Ko fii, ko *Almasiihu on woni timmoode Sariya on fii no kala gomɗinɗo heɓira peewal.
5 Ko ɗun waɗi, Muusaa no windi fii peewal iwrungal e Sariya on ngal, o wi'i: «Kala ɗoftiiɗo ɗee yamirooje, o wuuriray ɗe.»t 10.5 Lew. 18.5 6 Kono e hino ko peewal iwrungal e gomɗinal ngal wi'i kon: «Wota a miijo ka ɓernde maa: ‹ko hombo ƴawata ka kammu?› » (ɗun haray ko tippingol Almasiihu on), 7 «maa: ‹ko hombo tippotoo ka *gaygii ngii alaa kattudi ngin?› » (ɗun haray ko suutugol Almasiihu on e hakkunde mayɓe ɓen). 8 Awa ko honɗun bindi ɗin wi'i? Ko: «Daaluyee on no takko maa, ɗun ko ka nder hunduko maa e ka ɓernde maa.»u 10.6-8 Yaɲ. 30.12-14 On-le ko daaluyee gomɗinal ngal, on mo men woni yottinde 9 wonde: si a qirritorii hunduko maa kon ko Iisaa woni Joomi on, e si a gomɗinii ka ɓernde maa wonde Allaahu on immintinii mo e hakkunde mayɓe ɓen, a dandete. 10 Ko fii ko ɓernde nden gomɗinirtee, ontigi jogoree wa feewuɗo, ko hunduko kon qirritortee, ontigi dandee. 11 Wano bindi ɗin wi'iri non: «Kala gomɗinɗo e makko hersinoytaake.»w 10.11 Isa. 28.16 12 Awa, alaa ko sendindiri Yahuudiyanke e ɓe wonaa Yahuudiyanke, ɓe fow ko Joomiraaɗo gooto ɓe mari, on Alɗanɗo kala jantiiɗo mo. 13 Ko fii: «Onsay kala jantotooɗo innde Joomiraaɗo on dandoyte.»y 10.13 Yul. 3.5
14 Ko honno non ɓe jantoroyta innde on mo ɓe gomɗinaali? E ko honno ɓe gomɗinirta on mo ɓe nanaali fii mun no wowlee? E ko honno ɓe nanirta fii makko no wowlee e ɓaawo waajotooɗo? 15 E ko honno ɓe waajorta si ɓe imminaaka? Ko fii no windii: «Emba teppe yottinooɓe Kibaaru Moƴƴo on no labaa!»ƴ 10.15 Isa. 52.7
16 Kono hinaa fow ɗoftii Kibaaru Moƴƴo on. Ɓay Isaaya wi'uno: «Joomiraaɗo, ko hombo gomɗini waaju amen ngun?»z 10.16 Isa. 53.1 17 Ko ɗun waɗi, gomɗinal ko e nanugol iwata, ko nanetee kon kadi ko e kongol Almasiihu on iwi. 18 Kono mi wi'i: hara ɓe nanaali? Oo'o:
«Hito kammuuli ɗin yahii e leydi ndin fow,
e konguɗi majji ɗin yottoyike haa ka kattudi leydi.» a 10.18 Zab. 19.5
19 Kono mi wi'i: e hara Isra'iilayankeeɓe ɓen faamaali ɗun? Ko Muusaa adii wi'ude wonde Allaahu on daalii:
«Mi nawliniray on ɓe wonaa jamaa tigi,
mi moninira on jamaa mo alaa faamu.»b 10.19 Yaɲ. 32.21
20 Awa Isaaya heɓuno cuucal haa o wi'i wonde Allaahu on daalii:
«Ɓe alaa lan ɗaɓɓude ɓen heɓii lan,
mi feeɲanii ɓe alaano landaade fii an ɓen.»c 10.20 Isa. 65.1
21 Kono e telen-ma Isra'iilayankeeɓe ɓen, o daali:
«Ɲallal ngal fow miɗo fontande juuɗe an ɗen jamaa murtuɗo yeddi.»d 10.21 Isa. 65.2