12
Bàu Calêu Padèch Manè Pôi.
1 Ta hì aih èh ìh doi:
“Ôi Chuaq, au manè pôi Ìh;
Ìh khoi nòih ca au,
mahaq can nòih Ìh khoi ngach,
wa Ìh alòng au.
2 Joq 'nàng, Boc Plình, Haq trong đòiq dèch au;
au jah canòm wa ùh crè yùq;
ma jah 'màng aih Chuaq, Boc Plình, Haq padren dêh da au; bàu calêu da au;
Ìh khoi wìa trong đòiq dèch au.”
3 'Màng aih, pì jah bùi manoh gôch diac
ta 'bài diac tamŏc da bìac dèch claih;
4 Ta hì aih èh pì jah doi:
“Manè pôi Chuaq beq;
creo dang hiniq Haq beq.
Anoi 'noh bìac da Haq ta 'bài tamoi 'noiq.
Bahmàng ca wì loq, hiniq Haq đang ca jah padèch!
5 Calêu padèch hiniq Chuaq beq, ma jah 'màng aih Haq khoi broq ca bèn bìac 'ngah 'ngai.
Khòh anoi 'noh bìac cô jàp ta crŏng taneh.
6 Ô mangai jàn Jê-ru-sa-lem, cachech ma dêh wa calêu lem bùi,
ma jah 'màng aih Chuaq Hadròih da Is-ra-ên càn caiq ŏi ta pì.”