6
عٍسَيِ قِندِقٍ عَلَ شَ شّيرَ رَ
1 مَنفّ عٌسِيَسِ قَشَ حّ نَشَن نَ، ﭑ نَشَ ﭑ مَرِفِ عَلَ تٌ عَ شَ كِبَنيِ عِتٍشِ كُي. عَ شَ نْرّ نُ فبٌ، عَ شَ دٌنمَ شُنفبٍ نُ عِتَلَشِ عَ شَ هْرْ مْلِنفِرَ كُي. 2 مَلٍكّيٍ نُ نَ عَ شُن مَ. فَبُتٍنيِ سٍننِ نُ نَ كَنكَن بّ؛ فَبُتٍنيِ قِرِن نُ عٍ يَتَفِ مَكٌتٌشِ، قِرِن نُ عٍ سَنيِيٍ مَكٌتٌشِ، قِرِن نَن نُ عَ نِيَمَ عٍ شَ حّرّ كٌورٍ مَ. 3 عٍ نُ قَ عَ قَلَ عٍ بٌورٍ بّ عٍ شُي عِتٍشِ رَ،
عَلَتَلَ سّنبّمَ سّنِيّن هَن!
عَ شَ نْرّ دُنِحَ بِرِن لِمَ نّ!
4 عٍ شُي نُ هْرْ مْبَنشِ نَادّيٍ رَ سّرّنمَ، بَنشِ قَ رَقٍ تُورِ رَ.
5 نَ كُي ﭑ نَشَ فبٍلٍفبٍلٍ، «حَشَنكَتّ نَ ﭑ بّ، بَرِ مَ ﭑ قِندِشِ عَدَ مَدِ سّنِيّنتَرٍ نَن نَ، نَشَن سَبَتِشِ حَمَ سّنِيّنتَرٍ يَ مَ. ﭑ يَيٍ نَ ﭑ مَرِفِ عَلَ سّنبّمَ تٌ، ﭑ قَشَمَ نّ!»
6 نَ تّمُي نَ مَلٍكّ كٍرٍن نَشَ تُفَن، عَ قَ ﭑ يِرٍ، تّ وٌلٍ كٍرٍن نَ عَ يِ رَ عَ نُ بَرَ نَشَن تٌنفٌ سّرّشّبَدٍ كُي. 7 عَ نَشَ عَ دْشْ ﭑ دّ رَ عَ قَ عَ قَلَ، «يِ تٌ بَرَ دِن عِ دّ رَ، عِ شَ تِنشِنتَرٍيَ بَرَ بَ، عِ شَ يُنُبِ بَرَ شَقَرِ.»
8 ﭑ نَشَ ﭑ مَرِفِ شُي مّ عَ مَسٍن نَ، «ﭑ نَ ﭑ ندٍ شّيمَ؟ ندٍ سِفَمَ شّيرَ عِبَدٍ مُشُ بّ؟» ﭑ نَشَ عَ يَابِ، «ﭑ تَن نَن يَ. عِ شَ ﭑ تَن شّي.» 9 عَوَ، عَ نَشَ عَ قَلَ ﭑ بّ،
«سَ عَ قَلَ يِ حَمَ بّ،
‹وٌ وٌ تُلِ مَتِمَ ﭑ نَ، كْنْ وٌ مُ قَهَامُي سْتْ؟
وٌ قٍ مَتٌمَ، كْنْ وٌ مُ عَ كُي كٌلٌن؟›
10 عِ شَ يِ حَمَ شَشِلِ رَشْرْشْ،
عِ شَ عٍ تُلِ دّ سّ، عِ شَ عٍ يَ رَفَلِ.
عٍ يَ نُ نْمَ تٌ تِدٍ،
عٍ تُلِ نُ نْمَ قٍ مّدٍ،
عٍ شَشِلِ نُ نْمَ قَهَامُي سْتْدٍ،
عٍ قَ تُوبِ، عٍ كِسِ.»
11 ﭑ نَشَ عَ مَشْرِن، «ﭑ مَرِفِ، نَ بُمَ هَن تّمُي مُندُن؟» عَ نَشَ ﭑ يَابِ،
«هَن عٍ شَ تَايٍ نَ فّ كَنَدٍ،
مِشِيٍ شَ حْن نَا، عٍ شَ بَنشِ شَ بِرَ، عٍ شَ شّيٍ شَ فَن.
12 هَن عَلَتَلَ نَ فّ حَمَ شَنِندٍ يِرٍ مَكُيٍ،
عٍ شَ بْشِ قَ رَبّحِن.
13 هَلِ مِشِ ندٍيٍ قَ كِسِ نَا،
فبَلٌي مَن قَمَ نّ دِندٍ نَا رَ.»
«كْنْ وُرِ بِلِ شُنفبٍ نَ سّفّ،
عَ سَنكٍ سّنِيّنشِ لُمَ نّ بْشِ بُن مَ.»