*1:1 ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰᤁᤡᤴ–ᤃᤪᤡᤁ ᤐᤠ᤺ᤴᤍᤠᤱᤅᤥ ‘ᤗᤥᤃᤥᤛ᤻’ ᤛᤠᤵᤋᤧᤀᤠᤱ ᤐᤳ॥ ᤂᤧᤴ ᤑᤠ᤹ᤀᤡᤴ ᤐᤠ᤺ᤴᤈᤠᤰ ᤐᤥ᤺ᤱ. ᤁᤖ ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤑᤠ᤹ᤀᤡᤴ ᤕᤧᤛᤢ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤵᤔᤠ ᤐᤥ᤺ᤱ॥

*1:9 ᤛᤧᤰᤂᤠᤍᤡᤱ-ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ–ᤂᤧᤴ ᤑᤠ᤹ᤀᤡᤴ ᤕᤧᤛᤢ ᤂᤪᤡᤛ᤻ᤋᤖᤥ॥ ᤂᤢᤏᤧ᤹ ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤧᤰᤂᤠ᤺ᤴ ᤀᤥᤛᤣ᤺ᤴᤍᤠᤱ ᤆᤥ᤺ᤰᤛᤧ ᤋᤩᤧᤒᤠᤖᤥ॥

*1:14 ᤀᤠᤏᤡ᤹ ᤗᤢᤶᤔᤥ ᤘᤕᤧ–ᤃᤪᤡᤁ ᤐᤠ᤺ᤴᤍᤠᤱᤅᤥ “ᤀᤠᤏᤡ᤹ ᤗᤢᤶᤔᤥ ᤁᤢᤛᤠ᤺ᤱᤃᤠᤜᤡᤶᤔᤡᤴ ᤆᤥᤃᤢᤀᤠᤱ ᤁᤧᤘᤠ᤹ᤒᤠ ᤐᤥ᤺ᤰᤂᤧᤖᤥ॥” ᤁᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤕᤧ᤺ᤱᤄᤠᤍᤧᤴᤏᤥ ᤗᤠᤶᤍᤡ᤺ᤰ ᤔᤧᤈᤥᤃᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤡᤱᤘᤠ᤹ᤑᤢ ᤛᤠ᤺ᤱᤃᤠᤜᤡᤶᤔᤥ ᤕᤢᤅᤧᤒᤠᤴ ᤏᤡᤱᤘᤠ᤹ ᤛᤢᤶ ᤐᤥ᤺ᤱᤗᤥ॥

*1:20 ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤴ ᥊᥆᥆ ᤋᤱᤒᤣ ᤀᤣᤃᤠᤱ ᤌᤡᤰᤛᤡᤃᤣ᤺ᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤘᤕᤧᤒᤠᤸᤗᤧ ᤆᤥᤃᤢᤸᤗᤧ ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤂᤪᤡᤛ᤻ᤋᤒᤡᤗᤠ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤀᤡ᤺ᤳᤋᤢᤖᤥ॥

*1:21 ᤀᤣᤗᤡᤕᤠ᤺ᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤘᤕᤧ॥ ᤂᤢᤏᤧ᤹ ᤕᤖᤡᤰ ᤋᤱᤒᤣ ᤋᤃᤡ ᤁᤴ ᤀᤡᤰᤛᤠ ᤂᤠᤶᤒᤣ᤺ᤰᤔᤥ ᤘᤕᤧ॥ ᤕᤜᤢᤍᤡᤜᤠ᤹ᤖᤧ ᤀᤣᤗᤡᤕᤠ᤺ᤴ ᤕᤠᤶᤔᤥ ᤂᤪᤡᤛ᤻ᤋᤖᤧ ᤁᤢᤗᤠᤶᤔᤡᤴ ᤕᤠᤖᤡᤵ ᤆᤥ᤺ᤰᤛᤧ ᤕᤢ᤺ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢ॥ ᤕᤜᤢᤍᤡᤜᤠ᤹ᤖᤧ ᤂᤪᤡᤛ᤻ᤋᤖᤧ ᤁᤢᤍᤠ᤺ᤔᤠ ᤗᤠᤶ ᤕᤠᤖᤡᤵ ᤁᤧᤈᤥ᤺ᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤴ ᤔᤧᤜᤠᤱᤄᤢᤖ ᤔᤧᤘᤕᤧᤖᤥ (ᤛᤠᤶᤕᤥᤌᤡᤶ ᤀᤡᤱᤈᤠ᤺ᤱ ᥇᥎.᥇᥋-᥇᥏)॥

*1:23 ᤕᤛᤤᤕᤠ ᥊᥆.᥉॥ ᤕᤛᤤᤕᤠ᤺ᤴ ᤕᤖᤡᤰ ᤋᤱᤒᤣ ᤋᤃᤡ ᤂᤪᤡᤛ᤻ᤋᤖᤧ ᤁᤢᤍᤠ᤺ᤔᤠᤸᤗᤧ ᤁᤢᤕᤠ᤺ᤶᤒᤣᤀᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤘᤕᤧᤖᤥ॥

*1:25 ᤂᤧᤴ ᤕᤧᤶᤔᤥ ᤘᤣ᤹ ᤛᤢᤘᤠᤱᤒᤠ ᤔᤏᤠᤜᤠ᤹ ᤕᤜᤢᤍᤡ ᤛᤠᤶᤕᤥᤀᤥ ᤋᤠ᤺ᤵᤐᤠᤛᤡᤖᤧ ᤗᤠᤃᤡ ᤒᤵᤋᤡᤛ᤻ᤔᤠ ᤐᤥ᤺ᤱᤔᤠ ᤌᤡᤶ ᤘᤕᤧ. ᤁᤖ ᤕᤢᤜᤢᤴᤏᤠᤖᤧ ᤕᤜᤢᤍᤡᤜᤠ᤹ᤀᤠᤱ ᤗᤠᤕᤥᤗᤠᤶ ᤏᤢ᤺ᤰᤂᤧᤶᤔᤧ᤹ ᤑᤠ᤹ᤀᤠᤱ ᤒᤵᤋᤡᤛ᤻ᤔᤠ ᤐᤡᤖᤢᤛᤡᤖ ᤘᤕᤧᤖᤥ॥

*1:27 ᤃᤪᤡᤁ ᤐᤠ᤺ᤴᤍᤠᤱᤅᤥ “ᤁᤢᤗᤠᤱᤛᤢ᤺ᤵ ᤏᤠᤶᤔᤡᤴ ᤑᤠ᤺ᤱᤔᤠ ᤔᤧᤗᤠ᤹ᤀᤠᤴ” ᤐᤥ᤺ᤱᤗᤥ॥

*1:29 ᤕᤜᤢᤍᤡ ᤛᤠᤶᤕᤥᤀᤥ ᤕᤜᤢᤍᤡᤜᤠ᤹ᤖᤧ ᤗᤠᤕᤥ-ᤗᤠᤛᤥ᤺ᤳᤗᤠᤶᤒᤠ ᤗᤧᤵᤔᤡ ᤂᤥ᤺ᤔᤠ ᤔᤧᤸᤗᤢᤰᤛᤠ᤺ᤴ ᤛᤡᤍᤢᤱᤈᤓᤠ ᤆᤥ᤺ᤰᤔᤠ ᤁᤧᤒᤥ᤺ᤱᤒᤠ ᤌᤡᤶ ᤘᤕᤧᤖᤥ॥ ᤜᤧᤰᤁᤣ᤺ᤸᤗᤧ ᤕᤢᤜᤢᤴᤏᤠᤖᤧ ᤕᤧᤛᤢ᤺ᤴ ᤛᤡᤍᤢᤱᤈᤓᤠ ᤁᤧᤒᤥ᤺ᤱᤒᤠ ᤁᤢᤀᤡᤛᤡ᤺ᤰᤐᤠ ᤔᤧᤸᤗᤢᤰᤛᤠ ᤑᤠ᤹ᤀᤠᤱ ᤏᤡ᤺ᤛᤢᤀᤠᤱ ᤘᤕᤧᤖᤥ॥

*1:33 ᤕᤧᤛᤢ᤺ᤴ ᤛᤡ᤺ᤔᤧᤴᤗᤠᤶ ᤕᤠᤶᤔᤥ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤒᤠ ᤅᤠᤃᤡᤵ ᤕᤧᤴ (᥋᥆) ᤀᤣᤃᤠᤱ ᤁᤴ ᤔᤠᤱᤏᤡᤱᤘᤠ᤹ᤐᤠ᤺ᤴᤏᤡᤴ ᤁᤧᤖᤧᤒᤠᤖᤥ॥ ᤂᤧᤴ ᤕᤧᤶᤔᤥ ᤕᤧᤛᤢᤖᤧ ᤛᤣᤛᤣᤔᤠᤱᤅᤡᤴ ᤁᤢᤜᤢ᤹ᤛᤠᤶᤒᤠᤜᤠ᤹ᤀᤥ ᤘᤠ᤹ᤖ ᤑᤠ᤹ᤀᤠᤱ ᤐᤠᤱᤄᤢ ᤕᤢ᤺ᤛᤢᤖᤥ॥

*1:34 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤛ᤻ᤛᤠ᤺ ᤀᤡᤃᤪ ᤏᤡᤱᤘᤠ᤹ᤑᤢᤛᤠ᤺ ᤕᤧᤛᤢᤖᤧ ᤘᤣ᤹ ᤁᤢᤔᤡᤱ ᤘᤕᤧᤖᤥ॥

*1:42 ᤀᤖᤠᤔᤡᤁ ᤐᤠ᤺ᤴᤍᤠᤱᤅᤥ ᤁᤧᤑᤠᤛ ᤏᤢ ᤃᤪᤡᤁ ᤐᤠ᤺ᤴᤍᤠᤱᤅᤥ ᤐᤋᤪᤢᤛ. ᤂᤧᤴ ᤏᤧᤵᤔᤠᤱᤗᤧ ᤁᤢᤒᤣ᤺ᤱᤃ ᤗᤢᤱᤕᤠᤰᤐᤣ ᤐᤥ᤺ᤱᤗᤥ॥

*1:46 ᤏᤠᤛᤖᤋᤧᤴ ᤆᤢᤰᤛᤠ ᤐᤠᤱᤓᤣ᤹ ᤘᤕᤧ. ᤜᤧᤰᤁᤩᤠᤱ ᤛᤠᤶᤕᤥᤛᤠᤵᤗᤠᤀᤥ ᤂᤧᤶᤔᤩᤠᤰ ᤔᤧᤴᤇᤠᤵᤐᤣ ᤘᤕᤧᤖᤥ॥ ᤕᤖᤡᤰᤋᤱᤒᤠ ᤔᤏᤠᤜᤠ᤹ᤖᤧ ᤂᤪᤡᤛ᤻ᤋᤧᤴ ᤕᤖᤢᤛᤗᤧᤔ ᤁᤢᤀᤡᤛᤡ᤺ᤰᤐᤠ ᤁᤧᤕᤧᤰᤐᤠ ᤋᤧᤴᤏᤥᤗᤠᤶ ᤋᤠ᤺ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢᤀᤠᤱ ᤘᤕᤧ॥

*1:51 ᤔᤧᤴᤇᤠᤶᤛᤠ᤺–ᤁᤱᤃ ᤕᤧᤛᤢᤖᤧ ᤘᤣ᤹ ᤁᤢᤔᤡᤱ ᤘᤕᤧ॥ ᤁᤴ ᤔᤡᤱᤅᤡᤴ ᤍᤠᤏᤡᤀᤣᤗ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤸᤗᤧ ᤛᤠᤵᤋᤢᤒᤠ ᤛᤠᤵᤗᤠᤗᤠᤶ ᤋᤩᤧᤒᤠᤖᤥ (ᤍᤠᤏᤡᤀᤣᤗ ᥍.᥇᥉-᥇᥊)॥ ᤁᤱᤃ ᤀᤡᤱᤃᤠ᤹ ᤂᤪᤡᤛ᤻ᤋᤀᤠᤖᤥ ᤑᤠ᤹ᤀᤠᤱ ᤐᤠ᤺ᤳᤋᤢᤒᤠᤖᤥ. ᤁᤖ ᤁᤴ ᤔᤡᤱᤅᤡᤴ ᤀᤠᤒᤠᤅᤣ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧᤖᤰ ᤁᤢᤛᤡᤱ ᤔᤧᤏᤡ᤺ᤳᤋᤢ ᤜᤧᤰᤁᤩᤠᤱ ᤁᤢᤏᤡᤱᤔᤡᤜᤠ᤹ᤖᤧ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤗᤥ॥