1 Le gul-la chee̱ Xránadxu tu da cube lawe' da nune̱' da ca'

Ne̱ chee̱ xel-la' wal-la chee̱', ne xel-la' waca lá'azxa chee̱'

2 Ba nuzén Xránadxu ca dxune̱' dxuselé̱' bénneache.

Ba bzenne̱' bénneache xe̱zr la xu ca' ca naca da xrlátaje chee̱'.

3 Ba nune̱' ca da guche̱be lazre̱' chee̱ benne' Israel ca'

ca naca xel-la' li lazre' chee̱', ne xel-la' nazrí'i zren chee̱'.

Bénneache du gabí'i xe̱zr la xu ba belelé'ene̱' ca naca da be̱n

4 Le gul-la lu xel-la' dxebé lau Xránadxu, le'e zrale du gabí'i

Le güe lá'ana Le̱' nen da gúl-lale, ne lu xel-la' dxebé chee̱le

5 Le gul-la da güe lá'anale Xránadxu.

Le gul-la nen da con zríadi'i na du ca' da quínnele.

6 Le gucuezre luzu da ca' dxulucuezre̱', ne da dxutíl-lale ca',

ne le cuezre xa'a lu xel-la' dxebé lau Xránadxu,

7 Le gun schaga nísadau', ne bea ca' zrale na'.

Le gul-la, le'e, xe̱zr la xu, ne le'e zrale na'.

8 Le capa na'le, le'e xe̱gu ca'.

Le gul-la lu xel-la' dxebé, le'e, xi'a ca', lau Xránadxu

9 lawe' da xide̱' xedajnná bé'ene̱' xe̱zr la xu nigá.

Nna bé'ene̱' benne' zaj zre̱'e̱ du gabí'i xe̱zr la xu lu da xrlátaje,

ne bénneache dute̱ xe̱zr la xu lu da naca li lazre'.