وٌ يَشُييٍ وٌ هَرِفٍ عِتَشُنمَ نّ عٍ بٌورٍ مَ وٌ يَ شْرِ.

2 ﭑ سِ بِرِن مَلَنمَ نّ دَرِ سَلَمُ فٍرٍ شِلِ مَ.

عٍ سٌمَ نّ تَا كُي، عٍ بَنشِ كَنَ، عٍ دُتُن فِنّيٍ مَ.

عٍ حَمَ سّيتِ شَنِنمَ نّ كٌنيِيَ كُي،

عٍ بٌورٍ سّيتِ لُ تَا كُي.

3 عَلَتَلَ كٍلِمَ نّ عَ سَ نَ سِيٍ فٍرٍ عَ فٍرٍ كِ مَ.

4 نَ لْشْي عَلَ تِمَ نّ عٌلِوِ فٍيَ قَرِ،

نَشَن نَ دَرِ سَلَمُ يَ رَ سٌفٍتٍدٍ مَبِرِ.

عٌلِوِ فٍيَ عِبْو مَ نّ عَ تَفِ،

كٍلِقٍ سٌفٍتٍدٍ هَن سٌفٍفٌرٌدٍ.

فُلُنبَ لُمَ نّ فٍيَ قِرِن تَفِ،

كٍرٍن نَ كْولَ مَ، كٍرٍن نَ يِرٍقَنيِ مَ.

5 نَ تّمُي وٌ وٌ فِمَ نّ فُلُنبَ كُي

ﭑ مَ فٍيَيٍ تَفِ هَن عَسٍلِ.

وٌ وٌ فِمَ نّ عَلْ وٌ وٌ فِشِ بْشِ شَ سّرّنيِ يَ رَ كِ نَشّ،

يُدَيَ مَنفّ يُسِيَ شَ وَشَتِ.

نَ تّمُي ﭑ مَرِفِ عَلَتَلَ قَمَ نّ،

عَ نُن عَ شَ سّنِيّنتْييٍ رَ.

6 نَ لْشْي، نَءِيَلَنيِ مُ لُمَ دُنِحَ مَ،

يَنبَسٍيٍ شُنُمَ نّ.

7 يَنيِ نُن كْي مُ نَ نَ لْشْي.

عَلَتَلَ نَن نَ لْشْي مْولِ كٌلٌن.

كْنْ نُنمَرٍ تّمُي نَءِيَلَنمَ نّ.

8 نَ لْشْي، كِسِ يٍ مِنِمَ نّ دَرِ سَلَمُ،

سّيتِ تٍ سٌفٍتٍدٍ بَا مَبِرِ،

سّيتِ فٌرٌ سٌفٍفٌرٌدٍ بَا مَبِرِ.

عَ مِنِمَ نّ سٌفٍ قُرٍ نُن حّمّ تّمُي.

9 عَلَتَلَ نَن قِندِ مَ دُنِحَ بِرِن مَنفّ رَ.

نَ لْشْي، عَلَتَلَ نَن كٍرٍن قَمَ بَتُدٍ،

عَ شِلِ نَن فبَنسَن قَلَمَ.

10 دَرِ سَلَمُ بْشِ رَبِلِنيِ بِرِن

قِندِ مَ نّ مّرّ رَ،

كٍلِقٍ فٍبَ، سَ دْشْ رِ مْن نَ،

دَرِ سَلَمُ يِرٍقَنيِ مَ.

دَرِ سَلَمُ شَ قٍ عِتٍمَ نّ، عَ شَ نْي قَ يٍنسٍن يّ

كٍلِقٍ بُنيَمِن نَادّ مَ، سَ دْشْ نَادّ سِنفٍ رَ،

هَن تُنشُي نَادّ، هَن شَنَنّلِ كٌورٍ بَنشِ،

هَن مَنفّ شَ وّنِ يَءِلَندٍ.

11 مِشِيٍ سَبَتِمَ نّ تَا كُي،

عٍ مُ هَلَكِمَ سْنْن.

دَرِ سَلَمُ لُمَ نّ بْحّسَ كُي.

12 عَلَتَلَ قَمَ نّ قُرٍ حَاشِ سِندٍ سِيٍ مَ

نَشٍيٍ دَرِ سَلَمُ فٍرٍشِ.

عٍ قَتٍ كِرِ بِرِن بْرْ مَ نّ بٍينُ عٍ شَ قَشَ.

عٍ يَيٍ بْرْ مَ نّ عٍ يَ يِلِ كُي،

عٍ نّنيِ بْرْ مَ نّ عٍ دّ كُي.

13 نَ لْشْي، عَلَتَلَ مِشِيٍ يَ عِسٌمَ نّ،

عٍ عٍ بٌورٍ سُشُ، عٍ عٍ بٌورٍ بْنبْ.

14 يُدَيَكَيٍ فٍرٍ تِمَ نّ دَرِ سَلَمُ.

عٍ نَاقُلِ بَمَ نّ سِيٍ يِ رَ نَشٍيٍ نَ عٍ رَبِلِنيِ،

شّيمَ، فبٍتِ، نُن دُفِ فبٍفبٍ.

15 نَ قُرٍ حَاشِ مْولِ ندٍ قَن سِنمَ نّ شُرُ سٍ بِرِن مَ؛

سٌييٍ، سٌقَلٍيٍ، حْشْمّيٍ.

16 دَرِ سَلَمُ يَشُي نَشٍيٍ مُ قَشَشِ نَ كُي،

نٍيٍ لُمَ نّ تٍ رَ حّ بِرِن مَنفّ عَلَتَلَ بَتُدٍ،

عٍ شَ بَفٍ تِ سَلِ رَبَ نَ.

17 شَ دُنِحَ شَبِلّ ندٍ تٌندِ سِفَدٍ دَرِ سَلَمُ

مَنفّ عَلَتَلَ بَتُدٍ،

تُنّ مُ سِنمَ عٍ شَ بْشِ مَ.

18 شَ مِسِرَ شَبِلّ ندٍ تٌندِ سِفَدٍ،

تُنّ مُ فٌرٌ مَ مّننِ.

عَلَتَلَ شَ قُرٍ حَاشِ نَن نَ كِ،

عَ نَشَن نَفٌرٌ سِيٍ مَ،

نَشٍيٍ تٌندِشِ سِفَدٍ بَفٍ تِ سَلِ رَبَدٍ.

19 عَلَتَلَ مِسِرَ نُن سِ بِرِن حَشَنكَتَمَ نَ كِ نّ،

نَشٍيٍ تٌندِ سِفَدٍ بَفٍ تِ سَلِ رَبَدٍ.

20 نَ لْشْي، بِرِن قِندِ مَ عَلَتَلَ فبٍ نَن نَ.

عَ قَمَ نّ سّبّدٍ تْلْنيِيٍ مَ نَشٍيٍ فبَكُشِ سٌييٍ رَ،

«عَلَتَلَ فبٍ.»

تُندٍ نَشٍيٍ سُبٍ فبَنسَن حِنمَ

عَلَتَلَ شَ هْرْ مْبَنشِ كُي،

نٍيٍ سّنِيّنمَ نّ عَلْ يِرَبَسٍيٍ

نَشٍيٍ رَوَلِمَ سّرّشّبَدٍ سّيتِ مَ.

21 تُندٍ بِرِن نَشٍيٍ نَ دَرِ سَلَمُ نُن يُدَيَ،

نٍيٍ بِرِن سّنِيّنمَ نّ،

نٍيٍ بِرِن قِندِ مَ نّ مَنفّ عَلَتَلَ فبٍ رَ.

مِشِ بِرِن نَشٍيٍ قَمَ سّرّشّ بَدٍ،

نٍيٍ قَمَ نّ تُندٍ ندٍيٍ رَ عَلَكٌ عٍ شَ كُرِ سٌ.

نَ لْشْي، كَنَان كَاقِرِ يٌ مُ سٌمَ

مَنفّ عَلَتَلَ شَ بَنشِ كُي.