17
នាវច្រេកលើបឞ្រាសយេឆូ
(មក ៩:២-៨; លក ៩:២៨-៣៦)
1 គែសព្រាវនារឞើសកើយនៃឞ្រាសយេឆូ ជាៈពេត្រោស យាកើ នទ្រែលមាយោហាន អីអ៝សយាកើ ហាវកាលើយោកព្រេស មោអោសលែវឞូអាអេងហាន់។* ១៧:១-៨៖ ២ពេ ១:១៦-១៨* ១៧:១៖ មថ ២៦:៣៧; មក ៥:៣៧ 2 តានៃឆាក់ជាន់ពាង់រាគ៝ល់ឞើសនាប់ខាន់ពាង់។ មុសមាត់ពាង់រីលងាន់តឹមឞានមាអាងនារ អីឞ៝កអាវពាង់ជេងងលាង អាងច្រាតងាន់។* ១៧:២៖ នតម ១:១៦ 3 ខាន់ពាង់ទោមាឆៃឞូនុយ្សនតើយ្សនាវងើយកោរាញឞ្រាសឞើសកាល់អែនើសរាញាអេលីយា នទ្រែលមាកោរាញផូងអីឆ្រាអែល កាល់អែនើសរាញាមោឆេ គុងើយនទ្រែលឞ្រាសយេឆូ តានៃដ៝ង់។ 4 ជេសឆៃលែៈនាវអីនៃ ពេត្រោស លាសមាឞ្រាសយេឆូ ៖ “ហើយកោរាញ ឞ៝ន់គុតាអ្យាអ្វែសងាន់មេ។ លាសមៃអុច អ៝ន់គ៝ប់ជានពែមល៝ម់ចូន ទូមល៝ម់អ៝ន់មាមៃ ទូមល៝ម់អ៝ន់មាមោឆេ ទូមល៝ម់ជឹតអ៝ន់មាអេលីយា ”។ 5 នោកពាង់ហោមងើយ ទោមាឆៃគែសតុកងកុមជុមខាន់ពាង់លែៈរាងោចអាងរាលហោងាន់ តាង់នតែសងើយតាៈឞើសតុកនៃលាស៖ “ពាង់អ្យាក៝នគ៝ប់អីគ៝ប់រ៝ង់ហោងាន់។ ហោងាន់គ៝ប់រាម់ពាង់។ អ្យាត់នាវពាង់ទោ!”* ១៧:៥៖ មថ ៣:១៧; នម ២:៧; នវ ១៨:១៥ 6 ត៝ត់មពោលអ៝សម៝នតាង់កើតអីនៃ ខាន់ពាង់ចោតចុនមុសមាត់អានែសឆូទាទេ ក្លាចហោងាន់។ 7 យើនមាឞ្រាសយេឆូ ហាន់ពាសខាន់ពាង់លាស៖ “ទ៝ក់ហ៝ម់ លើយអោសក្លាច!” 8 ត៝ត់ខាន់ពាង់ងើកអ្វាញ់ ឆៃទូហ្វេឞ្រាសយេឆូ ទើម ឞូនុយ្សអាបាៈអេងមោអោសឆៃ។
9 ជេសរីខាន់ពាង់ជុរតាៈឞើសយោក ឞ្រាសយេឆូ ឞ្វៃខាន់ពាង់កើតនអា៖ “លើយអោសងក៝ចអ៝ន់ឞូគឹតនទើអីខាន់មៃឆៃនៃនើស នហ៝មាក៝ប់ត៝ត់គ៝ប់អីក៝នឞូនុយ្សតាៈឞើសកោរាញឞ្រាសខឹតទ៝ក់រេសប៝ត់”។* ១៧:៩៖ មក ៧:៣៦ 10 ជេសរីខាន់ពាង់អោបឞ្រាសយេឆូ ៖ “លាសនទ្រីម៝សនាវទឹងផូងនើមនតីនាវវៃផូងឞ៝ន់នតីលាសអេលីយា * ១៧:១០៖ ផូង អីឆ្រាអែល ហោមក៝ប់ អេលីយា ព្លឹវាច់តានែសនតូអ្យា យ៝រមានទើអីគែសញចីសតាឆ៝ម់បុតនើមនតើយ្សនាវងើយកោរាញឞ្រាសកាល់អែនើសរាញាមាលាកីតាឆ៝ម់បុតមាលាកី មាល ៤:៥-៦។អ្យាត់មាពាង់វាច់ល៝រតាអ្យា ឞ្រាសក្រីស អីនើមរាក្លាយ្សតាៈឞើសកោរាញឞ្រាសទែញជ្វាល់វាច់ឞើសកើយរ៝?”* ១៧:១០-១១៖ មាល ៤:៥-៦ 11 ឞ្រាសយេឆូ អើសមាខាន់ពាង់៖ “ទីងាន់នាវព្រែលាស។ អេលីយា វាច់ គៃមាកើយនទ្រាប់អ៝ន់អាប់ទឹងលែៈរាងោច។ 12 យើនមាគ៝ប់មឞើសងក៝ចមាខាន់មៃ អេលីយា លែៈព្លឹងាន់ ជេសរីឞូមោអោសគឹតនាល់ពាង់ ហោងាន់ឞូជានជេរមាអោឞាល់ទាសទាង់អុចខាន់ពាង់នើម។ កើតនអាដ៝ង់គ៝ប់អីក៝នឞូនុយ្សតាៈឞើសកោរាញឞ្រាសខាន់ពាង់ជានជេរដ៝ង់”។* ១៧:១២៖ មថ ១១:១៤; ១៤:៣-១១ 13 នោកនៃមពោលអ៝សម៝នគឹតវ៝ត់ ឞ្រាសយេឆូ ងើយមាយោហាន-បាប់តែម ។
ឞ្រាសយេឆូ មព្រើសឞ្រាសអ្យើសតាទូហ្វេក៝នឆែ
(មក ៩:១៤-២៧; លក ៩:៣៧-៤៣)
14 នោកឞ្រាសយេឆូ នទ្រែលមាពែនុយ្សមពោលអ៝សម៝នពាង់ត៝ត់តានតុកឞូនុយ្សផូង គែសទូហ្វេឞូក្លោហាន់ច៝នកោម៝ក់ឞើសនាប់ឞ្រាសយេឆូ រី 15 ជេសរីលាស៖ “អើកោរាញ ទាន់មៃយោៈនអាចក៝នឞូក្លោគ៝ប់អើ! ពាង់ខឹតឞ្រុតមេ តាពាង់រេសរាញាល់ងាន់ អ៝ក់តឹពាង់វៃចោតតាអុញ ចោតតាទាកមរ៝។ 16 គ៝ប់លែៈលែវពាង់អាមពោលអ៝សម៝នមៃ យើនមាខាន់ពាង់ជានមោទើយអោស”។ 17 ឞ្រាសយេឆូ លាសមាទឹងលែៈឞូនុយ្ស៖ “ហើយឞូនុយ្សអ្យើស ឞូនុយ្សមោអ្យាត់នាវកោរាញឞ្រាស! ទាសហោមជ៝ៈអ៝ន់គ៝ប់ញឆ្រោយ្សគុនទ្រែលខាន់អៃមៃ? ទាសហោមជ៝ៈអ៝ន់គ៝ប់ញឆ្រោយ្សនទ្រែលខាន់អៃមៃ? លែវហ៝ម់ពាង់អីនៃអាអ្យា”។ 18 ជេសរីឞ្រាសយេឆូ មឞ្រាមឞ្រាសអ្យើសអីគុតាក៝នឆែរី ឞ្រាសអ្យើសលោសឞើសក៝នឆែរ៝ នតើមឞើសនោកនៃរ៝ក៝នឆែអីនៃឞាស។
19 ជេសរីមពោលអ៝សម៝នហាន់អោបអេងឞ្រាសយេឆូ ៖ “មើមទឹងហេនមោទើយមព្រើសឞ្រាសអ្យើសអ៝ន់លោសហ្យាស?” 20 ឞ្រាសយេឆូ លាសមាខាន់ពាង់៖ “អាចមានាវញឆីងខាន់អៃមៃដេៈអីរ។ គ៝ប់លាសនហេលនានេៈងាន់មាខាន់អៃមៃ លាសខាន់អៃមៃគែសនាវញឆីងដេៈតឹមឞានមាទូនតីលគារ់នតីលទុតជេៈ ខាន់អៃមៃទើយដាៈយោក៖ «ទូហ៝ម់ឞើសនតុកអ្យា ហាន់គុតានតុករី» ពាង់ទូងាន់រ៝ នហ៝មាមោគែសអោសទូនតីលនទើខាន់អៃមៃមោទើយជាន។* ១៧:២០៖ មថ ២១:២១; លក ១៧:៦ 21 [ទឹងឞូទើយមព្រើសអ៝ន់លោសនតីលឞ្រាសអ្យើសអីអ្យា យ៝រមានាវមឞើសឆើម នទ្រែលមាអ៝ត់ឆោងឆា។]”
ឞ្រាសយេឆូ មឞើសងក៝ចឆាក់ពាង់នើមខឹតទ៝ក់រេស
(មក ៩:៣០-៣២; លក ៩:៤៣-៤៥)
22 នោកគុតាឞ្រីកាលីលេ ឞ្រាសយេឆូ លាសមាមពោលអ៝សម៝ន៖ “គ៝ប់អីក៝នឞូនុយ្សតាៈឞើសកោរាញឞ្រាស ឞូមរាញជុនអ៝ន់មាឞូនុយ្ស* ១៧:២២-២៣៖ មថ ១៦:២១; ២០:១៨-១៩ 23 អីងខឹតលើយគ៝ប់ យើនមាត៝ត់ពែនារគ៝ប់ទ៝ក់រេសដ៝ង់”។ មពោលអ៝សម៝នតាង់កើតនៃ ខាន់ពាង់រាង៝តហោងាន់។
ព្រាក់អ៝ន់មាញីសជានឞ្រាសមាកោរាញឞ្រាស
24 នោកឞ្រាសយេឆូ នទ្រែលមាមពោលអ៝សម៝នពាង់ត៝ត់តាប៝នកាពើនិម មពោលឞូនុយ្សអីរាគូមព្រាក់មាអ៝ន់ញីសជានឞ្រាសមាកោរាញឞ្រាសតាប៝នយេរូឆាលឹម † ១៧:២៤៖ «ព្រាក់មាអ៝ន់...ប៝ន យេរូឆាលឹម »តានាវងើយ គ្រែក លាស៖ «ឞារកាក់ព្រាក់»។ ជេងព្រាក់ផូង អីឆ្រាអែល វៃអ៝ន់មាញីសជានឞ្រាសអាប់នាម់។ ខាន់ពាង់ហាន់ម៝ប់ពេត្រោស ជេសរីអោប៖ “អាសនើមនតីខាន់មៃអ៝ន់ព្រាក់មាញីសជានឞ្រាសមាកោរាញឞ្រាសដ៝ង់?”* ១៧:២៤៖ នង ៣០:១៣-១៤ 25 ពេត្រោស អើស៖ “អើ ពាង់អ៝ន់”។ នោកពេត្រោស លាប់តាត្រោមជៃ ឞ្រាសយេឆូ អោបពាង់ល៝រ៖ “អើពេត្រោស តឹងមានាវមៃមឹន កាដាច់តានែសនតូអ្យាឞើសតាៈពាង់ឆ៝ៈព្រាក់មេស? ឆ៝ៈឞើសអ៝សក៝នពាង់នើម មោលាសឞើសឞូអេង?” 26 ពេត្រោស អើស៖ “ឆ៝ៈឞើសឞូអេង”។ ឞ្រាសយេឆូ លាស៖ “លាសនទ្រីក៝នកាដាច់មោខាច់អ៝ន់អោស។ 27 យើនមាគៃមាលើយអ៝ន់ខាន់ពាង់ជីនូយ្ស អ៝ន់មៃហាន់តេៈនទារអាទាកងលៅក្វ៝ង់កាលីលេ មៃងខាកមឞូងកាអីល៝រប៝សនទារ តាត្រោមមឞូងកាអីនៃមៃឆៃគែសទូមល៝ម់ព្រាក់កាក់‡ ១៧:២៧៖ «ព្រាក់កាក់» មោលាស « ឆើតាតើ »។ ព្រាក់កាក់អីនៃគាប់មាឞារហៃមាអ៝ន់ព្រាក់មាញីសជានឞ្រាសមាកោរាញឞ្រាស។មាគាប់ឞារហៃឞ៝ន់ ជេសរីមៃឆ៝ៈព្រាក់អីនៃនទឹអ៝ន់ឞូ ឆើមនទឹអ៝ន់មាគ៝ប់ នអ៝ប់មាមៃនើមដ៝ង់”។
*17:1 ១៧:១-៨៖ ២ពេ ១:១៦-១៨
*17:1 ១៧:១៖ មថ ២៦:៣៧; មក ៥:៣៧
*17:2 ១៧:២៖ នតម ១:១៦
*17:5 ១៧:៥៖ មថ ៣:១៧; នម ២:៧; នវ ១៨:១៥
*17:9 ១៧:៩៖ មក ៧:៣៦
*17:10 ១៧:១០៖ ផូង អីឆ្រាអែល ហោមក៝ប់ អេលីយា ព្លឹវាច់តានែសនតូអ្យា យ៝រមានទើអីគែសញចីសតាឆ៝ម់បុតនើមនតើយ្សនាវងើយកោរាញឞ្រាសកាល់អែនើសរាញាមាលាកីតាឆ៝ម់បុតមាលាកី មាល ៤:៥-៦។
*17:10 ១៧:១០-១១៖ មាល ៤:៥-៦
*17:12 ១៧:១២៖ មថ ១១:១៤; ១៤:៣-១១
*17:20 ១៧:២០៖ មថ ២១:២១; លក ១៧:៦
*17:22 ១៧:២២-២៣៖ មថ ១៦:២១; ២០:១៨-១៩
†17:24 ១៧:២៤៖ «ព្រាក់មាអ៝ន់...ប៝ន យេរូឆាលឹម »តានាវងើយ គ្រែក លាស៖ «ឞារកាក់ព្រាក់»។ ជេងព្រាក់ផូង អីឆ្រាអែល វៃអ៝ន់មាញីសជានឞ្រាសអាប់នាម់។
*17:24 ១៧:២៤៖ នង ៣០:១៣-១៤
‡17:27 ១៧:២៧៖ «ព្រាក់កាក់» មោលាស « ឆើតាតើ »។ ព្រាក់កាក់អីនៃគាប់មាឞារហៃមាអ៝ន់ព្រាក់មាញីសជានឞ្រាសមាកោរាញឞ្រាស។