22
នាវងើយនតឹតតានាវតឹមនអាប់
(លក ១៤:១៦-២៤)
1 ឞ្រាសយេឆូ ងើយនតឹតមាខាន់ពាង់ទូតឹជឹត៖ 2 “តានាវកោរាញឞ្រាសម៝ត់អ្វាញ់តឹមឞានមាទូហ្វេកាដាច់នទ្រាប់នាវញេតឆោងក្វ៝ង់មានអាប់ក៝ននទាម់ពាង់នើម។* ២២:២៖ នតម ១៩:៧, ៩ 3 ជេសរីពាង់ដាៈផូងទឹកពាង់ហាន់ក្វាល់ឞូនុយ្សអីលែៈពាង់ជាៈលាប់ញេតឆោងឆាតឹមនអាប់អីនៃ យើនមាខាន់ពាង់មោអុចអោសវាច់។ 4 ពាង់ដាៈតៃផូងទឹកអាអេងជឹតហាន់ លាសមាផូងទឹកអីនៃ៖ «អ៝ន់ខាន់មៃមឞើសមាឞូនុយ្សអីលែៈជេសជាៈ៖ «គ៝ប់លែៈជេសនទ្រាប់ផ្យៅព្យាង់ត្រាវ គ៝ប់លែៈមឞាងនទ្រោក នទ្រែលមាមពោមពា(ឆ្យុម)អីគ៝ប់ពេត លាសនទ្រីហាន់ញេតឆោងហ៝ម់!»»* ២២:៤៖ អេឆា ២៥:៦ 5 យើនមាឞូមោអោសគែសទោសតោរ អាបាៈលោសអាមីរ អាបាៈហាន់តាច់ទ្រាប់ 6 អាបាៈជឹតញុបលើសផូងទឹកពាង់ នហ៝មាងខឹតលើយខាន់ពាង់។* ២២:៦៖ មថ ២១:៣៥-៣៦ 7 កាដាច់ជីនូយ្សហោងាន់ ជេសរីដាៈផូងតាហែនហាន់ងខឹតលើយផូងអីងខឹតទឹកពាង់នៃ នហ៝មាឆូប៝នខាន់ពាង់លែៈផ្យៅ។* ២២:៧៖ មថ ២១:៤១; ២៤:២ 8 ជេសរីពាង់លាសមាផូងទឹកពាង់៖ «នាវញេតឆោងតឹមនអាប់ឞ៝ន់នទ្រាប់លែៈជេសផ្យៅ យើនមាទឹងលែៈផូងអីនៃមោគែសអោសទីលាប់តានតុកអ្យា។ 9 លាសនទ្រីខាន់មៃហាន់ហ៝ម់រ៝ៈមែងត្រ៝ង ជាៈទឹងលែៈឞូនុយ្សអីខាន់មៃម៝ប់អ៝ន់ខាន់ពាង់លាប់ញេតឆោងឆានទ្រែលតាអ្យាទាទេ»។* ២២:៩៖ មថ ២៨:១៨-២០ 10 ជេសរីផូងទឹកពាង់ហាន់រ៝ៈត្រ៝ង ជាៈទឹងលែៈឞូនុយ្សអីខាន់ពាង់ម៝ប់ នអ៝ប់មាឞូនុយ្សអ្វែសឞូនុយ្សអ្យើស គែសឞេងជៃ(រោង) តឹមនអាប់រីងាន់។ 11 នោកកាដាច់លាប់តាត្រោមជៃតឹមនអាប់អ្វាញ់ឞូនាច់គុឆោងឆាតានៃ ពាង់ឆៃគែសទូហ្វេឞូក្លោញឆ៝សងគូតមោអោសតឹមទីមានាវញេតឆោងតឹមនអាប់។* ២២:១១៖ អេផ ៤:២៤; នតម ១៩:៨ 12 ពាង់លាសមាឞូក្លោអីនៃ៖ «អើជាង់! មើមមៃលាប់តានតុកអ្យាញឆ៝សងគូតមោតឹមទីដាសនាវញេតឆោងតឹមនអាប់?» ឞូក្លោអីនៃជ៝យនាវមាអើសមោហោមអោសឞ្លាវ។ 13 កាដាច់លាសមាផូងកើលជានការមាពាង់៖ «ញុបក៝ត់ជ៝ង់តីពាង់ មអារ់ពាង់ឞើសទីសតានតុកង៝ តានតុកនៃគែសនាវញហ្យាង់ញុម នទ្រែលមារាច្យាត់ឆេក»។* ២២:១៣៖ មថ ៨:១២ 14 ឞូនុយ្សកោរាញឞ្រាសក្វាល់អ៝ក់ងាន់ យើនមាដេៈទើមពាង់កើយ្ស”។
មានាវអ៝ន់ព្រាក់មាឞ្រីទាក
(មក ១២:១៣-១៧; លក ២០:២០-២៦)
15 នោកនៃផូងផារីឆី ហាន់តឹមញច្រាៈឞាល់ ជ៝យញុបនាវតីសតានាវឞ្រាសយេឆូ ងើយ។ 16 ជេសរីខាន់ពាង់ដាៈមពោលអ៝សម៝នខាន់ពាង់ នទ្រែលមាមពោលអីតឹងកោរាញម៝ត់អ្វាញ់ហេរោត-អ៝ន់តីពាស ហាន់អាឞ្រាសយេឆូ ។ ត៝ត់តានៃខាន់ពាង់អោប៖ “ហើយនើមនតី! ហេនគឹតមៃឞូនុយ្សឆ៝ង់ងាន់ មៃនតីនាវកោរាញឞ្រាសអ៝ន់តឹមទីងាន់ មៃមោអោសក្លាចមាឞូនុយ្ស មោអោសកើយ្សឞូនុយ្ស។* ២២:១៦៖ មក ៣:៦ 17 លាសនទ្រីទាន់មៃមឞើសអ៝ន់ហេន មើមនាវមៃមឹន? ទីដ៝ង់តឹងនាវវៃឞ៝ន់អ៝ន់ព្រាក់អីកោរាញកាដាច់តាប៝នក្វ៝ង់រោម ដាៈឞ៝ន់អ៝ន់មាពាង់នៃមោលាសមោ?” 18 ឞ្រាសយេឆូ លែៈគឹតនាវមឹនអ្យើសតាខាន់ពាង់ នទ្រីពាង់លាស៖ “អើផូងជានអ្យាត់នាវកោរាញឞ្រាសទើម! ម៝សនាវខាន់មៃអុចអោបរាល៝ងមាគ៝ប់កើតនៃមេស? 19 ញហើនតីលព្រាក់អីឞូអ៝ន់មាកោរាញកាដាច់រី អ៝ន់គ៝ប់អ្វាញ់!” ជេសរីខាន់ពាង់ឆ៝ៈព្រាក់ទូមល៝ម់ព្រាក់កាក់នតីលអីនៃ* ២២:១៩៖ «ទូមល៝ម់ព្រាក់កាក់នតីលអីនៃ» មោលាស «ទូ ដេនារី »។នទឹអ៝ន់ឞ្រាសយេឆូ ។ 20 ឞ្រាសយេឆូ អោបខាន់ពាង់៖ “នទ្រីតាកាលើព្រាក់កាក់អ្យាឞូម៝សរូប? ឞូម៝សរាញា?” 21 ខាន់ពាង់អើស៖ “រូប នទ្រែលមារាញាកោរាញកាដាច់តាប៝នរោម !” ឞ្រាសយេឆូ លាសមាខាន់ពាង់៖ “លាសនទ្រី នទើកោរាញកាដាច់តាប៝នរោម មព្លឹអ៝ន់មាពាង់ នទើកោរាញឞ្រាសមព្លឹអ៝ន់† ២២:២១៖ នទើអ៝ន់មាកោរាញឞ្រាសជេងនទើតឹមឞានមា៖ អ៝ន់កោរាញឞ្រាសម៝ត់អ្វាញ់មានាវរេស នាវញឆីង នាវយើកមឞាស នាវអ្យាត់ នាវលាសអ្វែស នាវរានេមាកោរាញឞ្រាស នាវរ៝ង់មាឞូ។មាកោរាញឞ្រាសនើម”។* ២២:២១៖ រម ១៣:៧ 22 ត៝ត់តាង់នាវឞ្រាសយេឆូ អើសកើតនៃ ខាន់ពាង់នទ្រ៝ត់ហីសរាហ៝ល់ងាន់ ជេសរីទូលោសឞើសឞ្រាសយេឆូ នៃ។
នាវឞូនុយ្សខឹតទ៝ក់រេសតៃ
(មក ១២:១៨-២៧; លក ២០:២៧-៤០)
23 នោកនារនៃគែសផូងឆាដោឆី ហាន់អាឞ្រាសយេឆូ ផូងអីនៃមោអ្យាត់អោសលាសឞូនុយ្សខឹតទ៝ក់រេស ខាន់ពាង់អោបឞ្រាសយេឆូ ៖* ២២:២៣៖ ការ ២៣:៦-៨ 24 “ហើយនើមនតី មោឆេ កាល់អែនើសលែៈញចីសជេសតាឆ៝ម់បុតអ៝ន់មាឞ៝ន់ផូងអីឆ្រាអែល លាសកើតនអា៖ «លាសឞូក្លោឆ៝ៈអូរ ជេសរីពាង់ខឹត លាសពាង់មោគែសក៝ន ដាៈអីអ៝សនោពាង់រីនត្រ៝ៈឆ៝ៈអូរពាង់ ជេសរីកើបក៝នខាន់ពាង់ជេងក៝នមាពាង់អីលែៈខឹតនៃ»។* ២២:២៤៖ នវ ២៥:៥-៦ 25 នតឹតលាសតាផូងហេនគែសអ៝សនោពើសនុយ្ស អីនោឞោកទាកឆ៝ៈអូរ ជេសរីខឹតមោអោសគែសក៝ន អីអូរនៃអ៝ន់អីអ៝សពាង់ត្រ៝ៈឆ៝ៈ។ 26 អ៝សត៝ល់ង្វាយ អ៝សត៝ល់ឞារ នហ៝មាត៝ត់អីអ៝សមពុត ខាន់ពាង់នអាប់ដាសឞូអូរអីនៃទាទេ តីសមាទឹងលែៈខាន់ពាង់នៃខឹតមោគែសក៝នទាទេ។ 27 ងគ្លែៈទុតងគ្លែៈទេលឞូអូរអីនៃខឹតដ៝ង់។ 28 លាសនទ្រីតានារឞូនុយ្សខឹតទ៝ក់រេសតៃ ឞូអូរអីនៃឞ្រែម៝សអូរ? យ៝រលាសទឹងលែៈពើសនុយ្សខាន់ពាង់លែៈឆ៝ៈពាង់ទាទេ”។ 29 ឞ្រាសយេឆូ លាសមាខាន់ពាង់៖ “ខាន់មៃលែៈវ៝ត់តីសជេស យ៝រលាសខាន់មៃមោគឹតអោសតានាវកោរាញឞ្រាសងើយ នអ៝ប់មានាវទើយកោរាញឞ្រាស។ 30 នោកឞូនុយ្សលែៈខឹត ជេសរីទ៝ក់រេសតៃ ខាន់ពាង់មោហោមអោសឆ៝ៈអូរឆ៝ៈឆាយជឹត។ ខាន់ពាង់ជេងតឹមឞានមាតោងពារ់កោរាញឞ្រាសគុតាប៝នអ្វែសកាលើ។* ២២:៣០៖ ១កោ ១៥:៣៥-៤៤ 31-32 ល៝ង់មានាវឞូនុយ្សខឹតទ៝ក់រេសតៃ លែៈកោរាញឞ្រាសមឞើសមាខាន់មៃតានាវពាង់ងើយ ពាង់លាសកើតនអា៖ «គ៝ប់ជេងឞ្រាសអាឞ្រាហាម់ យើកមឞាស ជេងឞ្រាសអីឆាក់ យើកមឞាស ជេងឞ្រាសយាកោប យើកមឞាស»† ២២:៣១-៣២៖ នង ៣:៦។ អាសខាន់មៃគែសរ៝ៈអ្វាញ់ដ៝ង់បាស? នោកកោរាញឞ្រាសងើយនាវអីនៃពែនុយ្សខាន់ពាង់អីនៃលែៈខឹតអ៝ក់នាម់ជេស យើនមាឞើសនាវកោរាញឞ្រាសងើយអីនៃគឹតនាល់ខាន់ពាង់ហោមរេសមាកោរាញឞ្រាស។ កោរាញឞ្រាសមោអោសទីឞ្រាសមាឞូនុយ្សខឹត ពាង់ឞ្រាសមាឞូនុយ្សរេស”។ 33 ផូងប៝នលានតាង់នាវពាង់នតុមនតីកើតនៃ ខាន់ពាង់គែសនាវនទ្រ៝ត់ហីសរាហ៝ល់ហោងាន់តាឆាក់ខាន់ពាង់រី។
នាវវៃខ្លៃរាលាវឞូ
(មក ១២:២៨-៣៤; លក ១០:២៥-២៨)
34 នោកផូងផារីឆី គឹតឞ្រាសយេឆូ ទើយដាសផូងឆាដោឆី ខាន់ពាង់រាគូមឞាល់។ 35 ជេសរីតាផូងខាន់ពាង់គែសទូហ្វេឞូនុយ្សគែសនាវមឹនគឹតឞ្លាវមពែសមានាវវៃផូងអីឆ្រាអែល អោបរាល៝ងឞ្រាសយេឆូ ៖ 36 “អើនើមនតី! តានាវវៃឞ៝ន់ម៝សនទើអីខ្លៃរាលាវឞូមេស?” 37 ឞ្រាសយេឆូ អើស៖ “«អ៝ន់រ៝ង់មាកោរាញឞ្រាសអីឞ្រាសខាន់អៃមៃនើម មាលែៈនូយ្សនហ៝ម់ មាលែៈហ្វេង នទ្រែលមាលែៈនាវមឹន»† ២២:៣៧៖ នវ ៦:៥។ 38 អីនៃនាវវៃអីទុតក្វ៝ង់ នាវវៃខ្លៃរាលាវឞូងាន់។ 39 នាវវៃឞើសកើយនាវវៃអីនៃគែសនាវខ្លៃតឹមឞានកើតនៃដ៝ង់៖ «អ៝ន់រ៝ង់មាឞូច្យៅមែងកើតរ៝ង់មាឆាក់ខាន់អៃមៃនើមដ៝ង់»† ២២:៣៩៖ កល ១៩:១៨។* ២២:៣៩៖ រម ១៣:៩; កាល ៥:១៤; យាក ២:៨ 40 យ៝រលាសទឹងលែៈនាវវៃឞ៝ន់អាអេង នទ្រែលមាទឹងលែៈនាវអីមពោលឞូនុយ្សនតើយ្សនាវងើយកោរាញឞ្រាសកាល់អែនើសលែៈញចីស ជេងលោសតាៈឞើសឞារនាវវៃអីនៃ”។* ២២:៤០៖ មថ ៥:១៧; ៧:១២
ឞ្រាសក្រីស ជេងកោរាញមាកាដាច់ដាវីត
(មក ១២:៣៥-៣៧; លក ២០:៤១-៤៤)
41 នោកផូងផារីឆី ហោមគុគូមតារី ឞ្រាសយេឆូ អោបខាន់ពាង់៖ 42 “មើមខាន់មៃគឹតឞ្រាសក្រីស អីនើមរាក្លាយ្សតាៈឞើសកោរាញឞ្រាសទែញជ្វាល់ ពាង់ឞូម៝សក៝នឆៅ?” ខាន់ពាង់អើស៖ “ពាង់ក៝នឆៅកាដាច់ដាវីត ”។* ២២:៤២-៤៥៖ មថ ២០:៣០-៣១* ២២:៤២៖ អេឆា ៩:៦ 43 ឞ្រាសយេឆូ អើសមាខាន់ពាង់៖ “លាសឞ្រាសក្រីស អីក៝នឆៅកាដាច់ដាវីត មើមទឹងកាដាច់ដាវីត ងើយមាឞ្រាសហ្វេងអ្វែសក្វាល់ឞ្រាសក្រីស ៖ «កោរាញ»? 44 យ៝រលាសកាដាច់ដាវីត លែៈញចីសកើតនអា៖
«កោរាញឞ្រាសលាសមាកោរាញគ៝ប់៖
«គុមពែសឞើសមាគ៝ប់ហ៝ម់តានតុកឞូលឺ
ក៝ប់ត៝ត់គ៝ប់អ៝ន់ផូងរាលាង់ដាសមៃមោហោមគែសនាវទើយអ៝ន់គុតាន៝ម់ជ៝ង់‡ ២២:៤៤៖ ឆ៝ម់បុតអើមញចីសមាតីអាបាៈគែសញចីសលាស៖ «អ៝ន់ជេងនតុករាកើលជ៝ង់»។មៃប៝ត់»»† ២២:៤៤៖ នម ១១០:១។
45 លាសលែៈកាដាច់ដាវីត នើមក្វាល់ឞ្រាសក្រីស កោរាញពាង់នើមកើតនៃ យើនមាក៝នឆៅមោគែសក្វ៝ង់រាលាវមាអូចែ លាសនទ្រីឞ្រាសក្រីស មើមហោមឞ្លាវជេងក៝នឆៅកាដាច់ដាវីត ជឹត?” 46 មោគែសអោសឞូនុយ្សទើយអើសមាឞ្រាសយេឆូ ជេសរីនតើមឞើសនោកនៃមោហោមអោសគែសឞូនុយ្សអាអេងឞាញ់អោបពាង់។
*22:2 ២២:២៖ នតម ១៩:៧, ៩
*22:4 ២២:៤៖ អេឆា ២៥:៦
*22:6 ២២:៦៖ មថ ២១:៣៥-៣៦
*22:7 ២២:៧៖ មថ ២១:៤១; ២៤:២
*22:9 ២២:៩៖ មថ ២៨:១៨-២០
*22:11 ២២:១១៖ អេផ ៤:២៤; នតម ១៩:៨
*22:13 ២២:១៣៖ មថ ៨:១២
*22:16 ២២:១៦៖ មក ៣:៦
*22:19 ២២:១៩៖ «ទូមល៝ម់ព្រាក់កាក់នតីលអីនៃ» មោលាស «ទូ ដេនារី »។
†22:21 ២២:២១៖ នទើអ៝ន់មាកោរាញឞ្រាសជេងនទើតឹមឞានមា៖ អ៝ន់កោរាញឞ្រាសម៝ត់អ្វាញ់មានាវរេស នាវញឆីង នាវយើកមឞាស នាវអ្យាត់ នាវលាសអ្វែស នាវរានេមាកោរាញឞ្រាស នាវរ៝ង់មាឞូ។
*22:21 ២២:២១៖ រម ១៣:៧
*22:23 ២២:២៣៖ ការ ២៣:៦-៨
*22:24 ២២:២៤៖ នវ ២៥:៥-៦
*22:30 ២២:៣០៖ ១កោ ១៥:៣៥-៤៤
†22:31-32 ២២:៣១-៣២៖ នង ៣:៦
†22:37 ២២:៣៧៖ នវ ៦:៥
†22:39 ២២:៣៩៖ កល ១៩:១៨
*22:39 ២២:៣៩៖ រម ១៣:៩; កាល ៥:១៤; យាក ២:៨
*22:40 ២២:៤០៖ មថ ៥:១៧; ៧:១២
*22:42 ២២:៤២-៤៥៖ មថ ២០:៣០-៣១
*22:42 ២២:៤២៖ អេឆា ៩:៦
‡22:44 ២២:៤៤៖ ឆ៝ម់បុតអើមញចីសមាតីអាបាៈគែសញចីសលាស៖ «អ៝ន់ជេងនតុករាកើលជ៝ង់»។
†22:44 ២២:៤៤៖ នម ១១០:១