Hebreo
1
Ty Fandikoara’ i Norizañey o Mpitokio
1 Haehae zay, nitsara beteke naho an-tsata maro amo roaentikañeo añamo mpitokio t’i Andrianañahare, 2 le an-tsa honka’e zao ro nisaontsie’e aman-tika añamy Ana’ey, i tinendre’e handova ze he’ey, ie ty nanoa’e ty voatse toy* Jao 1:3; 3 Ie ty fireandrea’ i enge’ey naho ty vinta-to’ i fañòva’ey, mpanohañe ze he’e ami’ty haozara’ o tsara’eo, ie nañefetse o hakeon-tikañeo amy fañòva’ey vaho miambesatse am-pitàn-kavana† Sab 110:1’ i Andindimoneñe andikerañ’ añey.
Milikoatse o Irakeo i Anakey
4 Ie nampilikoareñe an-tiotio’ o anjelio, le nampandovaeñe tahinañe ra’elahy te am’ iareo. 5 Fa ia amo anjelio ty nisaontsia’e ndra mb’ia mb’ia ty hoe:
Anako rehe;
anindroany ty nisamahako Azo‡ Sab 2:7
naho ty hoe:
Ho Rae’e raho, le ho Anako re§ Sa II 7:14; Oni Ko II: 17:13?
6 Ie ninday ty tañoloñolòña’e ami’ty voatse toy, le hoe ty natovo’e:
Ee te hene hitalaho ama’e
o anjelin’ Añahareo.* Sab 97:7
7 Hoe re ty amo anjelio:
Anoe’e tioke o anjeli’eo, vaho lelan’ afo o mpitoro’eo.† Sab 104:4
8 Fe hoe re amy Anakey:
Nainai’e donia ry Andrianañahare ty fiambesa’o;
Naho kobain-kavantañañe
ty kobaim-pifehea’o.
9 Fa nikokoa’o ty havantañañe
naho nalaiñe ty tsy fañambenan-Kake;
Aa le norizen’ Añahare,
Andrianañahare’o rehe
an-tavon-kaehake ambone’ o rañe’oo,‡ Sab 45: 6,7
10 naho :
Ihe ry Talè, tam-pifotorañe añe ro nañoreñe o mananta’ ty tane toio naho satam-pità’o o likerañeo.
11 Ho momoke iereo, fe nainai’e eo rehe;
fonga hihamodo hoe saroñe iereo;
12 le hambañe ami’ty sarimbo
ty hañoronkoroña’o iareo,
eka, hoe sikiñe ty handimbezañe iareo.
F’ihe tsy mihotike,
naho tsy higadoñe o tao’oo.§ Sab 102: 25-27
13 Le ia amo anjelio ndra mb’ia mb’ia ty nanoa’e ty hoe:
Mitoboha an-tañan-kavanako etoa
ampara’ te anoeko fitongoàm-pandia’oo rafelahi’oo.* Sab 110: 1?
14 Aa vaho tsy songa arofo mitoroñe hao iereo, nahitrike hitoroñe o handova fandrombahañeo?
DRAFT VERSION