Iesaià
1
1 I aroñaroñe nioni’Iesaià* Iesaia: Ty fandrombaha’ Iehovà ana’ i Amotse† Amotse: Maozatse ty am’ Iehodà‡ Iehodà: fandrengea’ Iehovà naho Ierosalaime§ Ierosalaime: Aroñarom-panintsiñañe tañ’andro’ i Ozià* Ozia: ty haozara’ Iehovà; ty anak’ose’e, Iotame† Iotame: Ty Hafonira’ Iehovà, Iakaze‡ Iakaze: Mpitavañe, naho Iekizkia§ Iekizkia: ty hafatrara’ Iehovà mpanjaka’ Iehodà.
2 Mitsanoña ry likerañeo,
manolora sofiñe ty tane toy,
fa mitsara t’Iehovà.
Nañabey naho nampitombo anake raho,
f’ie niola.
3 Apota ty añombelahy ty tompo’e, naho
ty borìke ty lokaloka’ i mpanehak’ azey;
fe tsy mahafohiñe t’Israele* Israele: mpifanehak’ aman’ Añahare,
tsy maharendreke ondatikoo.
4 Ry boriza aman-kakeo,
ondaty mijiny tahiñeo, tirim-panao raty,
anake mitolon-kamengohañe!
fa nifarie’ iereo t’Iehovà,
nitsambolitio’ iereo t’i Masi’ Israele,
aliheñe iereo vaho midisa-voly.
5 Ino ty mbe hanilofañe anahareo,
ie mbe mitolom-piola avao?
Marare iaby ty añambone,
hene toirañe ty arofo.
6 Boak’an-dela-pandia pak’añambone’e,
tsy ama’e ty janga, fa fere,
vonotroboke naho bae miborentatse:
tsy nitindrieñe, tsy nibandieñe,
tsy nihosoren-tsolike.
7 Mangoakoake ty tane’ areo;
finorototo’ ty afo ty rova’ areo;
fa nabotse’ ty ambahiny añatrefa’ areo
ty tane’ areo; le koake,
hoe t’ie navalitaboam-pisorotombahañe.
8 Le nengañe hoe kijà an-tetem-bahe ey
ty anak’ampela’ i Tsione,
hoe kibohotse an-tanem-bazavo ao,
hoe rova arikatohem-paname.
9 Naho tsy sinisa’ Iehovà’ i Màroy sehanga’e tikañe, le ho ni-hoe Sedome† Sedome: ty tsikotsiko’e; ty simà’e,
ho nanahake i Amorà‡ Amorà: Ondaty miola.
10 Janjiño ty tsara’ Iehovà,
ry mpifehe’ i Sedome;
toloro ravembia i Tsaran’
Añaharen-tikañey, ry nte-Amorà.
11 Inoñ’amako o soroñe mitozantozañeo?
Hoe t’Iehovà: Fa mahaetsak’ahy
o añondrilahy engaeñe horoañeo,
naho o safom-biby vinondrakeo;
tsy mahafale ahy ty liom-bania
ndra o vik’añondrio,
ndra o añondrilahio.
12 Ie mb’etoa nahareo hiatrek’ amako,
ia ty nipay am-pità’ areo te
ho lialià’ areo o kiririsakoo?
13 Ko añenga’areo raha koake ka;
ie enga tiva amako;
O jiribolañeo, o Sabatao§ Sabata: andro faha-fito, naho toe i fito nifotoañañe ami’ty taoñe rey,
o fivory koiheñeo:
Tsy leoko o fivori-miavake
milaro haratiañeo.
14 Heje’ ty troko o jiri’bola’ areoo
naho o takataka-tinendre’ areoo;
Ie manosots’ ahy, hejeko ho vaveñe.
15 Naho amelara’areo tañañe,
le ho takonako ty masoko;
Eka ndra t’ie mitolon-kalaly,
tsy ho tsanoñeko, fa pea lio o fità’ areoo.
16 Miandroa, miliova;
asitaho tsy ho aolo’ masoko
ty halò-tserem-pitoloña’ areo;
mijihera amo fanoañe ratio.
17 Mianara hanao ty soa; tsoeho ty hato,
avotsoro o forekekeñeo,
omeo to ty bode rae,
mihalalia ho a o vantotseo.
18 Antao hisafiry arè, hoe t’Iehovà:
ndra te mena mandofiry ty hakeo’ areo,
le ho foty matsatsaoke;
ndra t’ie mena mañabasà,
le hanahake volon’añondry.
19 Ie miato naho tsy manjehatse,
ro hikama ty hasoa’ i taney.
20 F’ie mandietse vaho miola,
le habotse’ ty fibara;
zay ty nitsaraem-palie’ Iehovà.
21 Akore te nanjare karapilo
i rova matoey!
ie nilifotse ty hatò,
nimoneñe an-kavañonañe,
te mone mpañoho-doza henaneo.
22 Fa tai’e avao ty volafoti’o,
botsa-drano ty divai’o.
23 Mpikitro-karatiañe o ana-dona’oo,
mpirañetse ami’ty malaso;
songa mpitea vokàñe
naho mpañori-tambe;
tsy mea’ iereo to ty bode rae,
vaho tsy atrefe’ iareo ty entam-bantotse.
24 Aa le hoe t’i Talè, Iehovà’ i Màroy,
i Hafatrara’ Israeley:
Hete! Hafahako amako o rafelahikoo,
vaho ho valèko o malaiñe ahikoo;
25 Le hahimpako ama’o ty tañako,
naho ho lioveko hoe amañ’asidra
ty taim-bi’o,
vaho hafahako iaby o kanki’oo;
26 Le hampoliko o mpizaka’oo
manahake tam-baloha’e añe,
naho o mpanolo-keve’oo
hambañe am-pifotora’e añe:
vaho hatao ty hoe rehe:
Rova-Kavantañañe, Posetse Matoe.
27 Ho jebañeñe ami’ty hatò ty Tsione,
naho an-kavantañañe o aze mimpolio.
28 Fe hitrao-pirotsahañe
o mpanan-kakeo naho mpanan-tahiñeo,
vaho ho hotomomoheñe
ze mienga Iehovà.
29 Toe hisalara’ iereo o kile nisalalaeñeo,
vaho himeñara’ areo o goloboñe nivihañeo.
30 Hanahake ty kile
aman-drave’e miheatse nahareo,
naho hoe goloboñe tsy aman-drano.
31 Ho pipìke ty maozatse,
ho tsipelats’afo o tolon-draha’eo;
hiharo hiforehetse iereon-droroe,
le tsy eo ty hampikipeke.
*1:1 Iesaia: Ty fandrombaha’ Iehovà
†1:1 Amotse: Maozatse
‡1:1 Iehodà: fandrengea’ Iehovà
§1:1 Ierosalaime: Aroñarom-panintsiñañe
*1:1 Ozia: ty haozara’ Iehovà; ty anak’ose’e
†1:1 Iotame: Ty Hafonira’ Iehovà
‡1:1 Iakaze: Mpitavañe
§1:1 Iekizkia: ty hafatrara’ Iehovà
*1:3 Israele: mpifanehak’ aman’ Añahare
†1:9 Sedome: ty tsikotsiko’e; ty simà’e
‡1:9 Amorà: Ondaty miola
§1:13 Sabata: andro faha-fito, naho toe i fito nifotoañañe ami’ty taoñe rey
DRAFT VERSION