8
1 Le hoe t’Iehovà amako: Mandrambesa takelake bey vaho sokiro an-tsokitse lahi’e ty hoe:
Malisa ty fikopake,
masika ty tsindroke,
2 le ho rambeseko ho amako
ty valolombelo matoe hamolily,
i Orià* Orià: Iehovà ro fañiloko mpisoroñe
naho i Zekarià† Zekarià, he Zakarià: ty fitiahiañe Iehovà ana’ Ieberekiaho‡ Ieberekiaho: mitongaleke am’ Iehovà.
3 Aa le nimb’amy rakemba mpitokiy raho; niaren-dre vaho nisamak’ ana-dahy. Le hoe t’Iehovà amako, Itokavo ty hoe Maher-salal-kas-baze§ Maher-salal-kas-baze: oniño ty and. 1 , 4 amy te aolo’ ty aharendreha’ i ajajay ty hikoike ty hoe ‘Raeko’ naho ‘Reneko,’ le fa nasese’ i mpanjaka’ i Asorey añe ty vara’ i Damesèke naho ty fikopahañe i Somerone. 5 Nitsara amako indraike t’Iehovà nanao ty hoe:
6 Kanao nitsambolitio’ondaty retiañe
ty rano’ i Siloake* Siloake, tsampa, fialia, kalan-defo mitsiritsioke moray,
vaho mirebeke amy Retsine
naho ty ana’ i Remaliaho;
7 Inao arè te hampandipore’ i Talè am’iareo ty rano’ i Saka
maozatse naho beiy:
i mpanjaka’ i Asorey amy ze hene enge’e; hanginahina amo talaha’e iabio,
hitoabotse ambone’ ze hene fitroara’e;
8 Hifaoke mb’e Iehodà re,
handopatse vaho hiranga mb’eo,
Eka ho takare’e ty fititia; hibànatse hañatseke i tane’oy
ami’ty fivela’ o ela’eo, ry Imanoele.
9 Mijeñajeñafa ry ondaty; Midemoha!
Manolora ravembia,
ry an-tsietoitane añe;
miteveha sadia f’ie ho demoheñe;
misadia fe ho demoheñe;
10 Misafiria safiry, fe tsy hanjofake;
mañotsohotso firefeañe, f’ie tsy hijadoñe
fa ama’ay t’i Andrianañahare.† Heb: Imano El
11 Nametse amako t’Iehovà
am-pità’e maozatse,
nañeretse ahy tsy hanjotike
ami’ ty lala’ ondaty retiañe, ami’ty hoe:
12 Ko ano ty hoe: ‘Kilily,’
o raha iaby atao’ ondaty
retiañe ho fikililiañeo;
ko hembañe’o ty fihembaña’ iareo,
le ko ihebakebaha’o.
13 Hamasiño t’Iehovà’ i Màroy,
ie ty ihembaña’ areo,
ie ty añeveña’ areo.
14 Ho fitsolohañe re,
fe ho vato fikotroforañe
naho lamilamy fitsikapiañe
amy anjomba roe’ Israele rey;
ho fandrike naho koboñe
amo mpimoneñe e Ierosalaimeo.
15 Hitotohitse ty maro, hikorovoke
ho sèrañe, ho fandriheñe vaho ho tsepake.
16 Vahoro i fañinay,
liteo ho a o mpiamakoo ty fañòha’e.
17 Le handiñe Iehovà raho,
I mañeta-daharañe amy anjomba’
Iakobey: Ama’e ao ty fitamàko.
18 Intoy raho naho o anake natolo’
Iehovà ahikoo!
Viloñe naho halatsañe e Israele atoy
boak’ am’ Iehovà’ i Màroy,
I mimoneñe am-Bohi-Tsioney.
19 Ie sigihe’iereo ami’ty hoe: Ipaiao amo jinio naho amo doany miñeoñeoñe naho mitreontreoñeo; Aa tsy ho paiae’ ondatio hao t’i Andrianañahare’e? Hantsaka fañahin-dolo hao o veloñeo? 20 Mb’an-Kàke naho i fañinay! Naho tsy milahatse ami’ty tsara toy ty enta’ iareo, le tsy nanjirihan’ andro. 21 Hiranga aze iereo, am-poheke naho hasalikoañe, aa ie milingoa, le ho boseke vaho hamatse i mpanjaka’ iareoy naho ty ’ndrahare’ iareo. Aa ke hiandrandra iereo, 22 hera hitolike an-tane, le haronje am-paloviloviañe naho am-pigodoñañe, an-kamoromoroñañe naho an-kaferenaiñañe vaho añ’ ieñe ao.
23 Ie amy zao, tsy ho an-kamoromoroñañe ao ka i naloviloviy;
nimavoe’e ty tane’ i Zebolone
naho ty tane’ i Naftale te taolo,
fe honjone’e ty enge’e añ’andro añe,
le hampilifore’e volonahetse
ty an-dala’ i riakey, alafe’ Iordaneiy‡ Iordane : sakam-pizakañe
amy GalilৠGalilà : larò; fivarimbariñañe’ o kilakila’ ndatioy.
*8:2 Orià: Iehovà ro fañiloko
†8:2 Zekarià, he Zakarià: ty fitiahiañe Iehovà
‡8:2 Ieberekiaho: mitongaleke am’ Iehovà
§8:3 Maher-salal-kas-baze: oniño ty and. 1
*8:6 Siloake, tsampa, fialia, kalan-defo
†8:10 Heb: Imano El
‡8:23 Iordane : sakam-pizakañe
§8:23 Galilà : larò; fivarimbariñañe
DRAFT VERSION