11
1 Hitiry ami’ty foto’ Iisày* Iisay: ravoravo; banabana ty singa’e,
vaho hitomiry boak’am-baha’e ty tora’e.
2 Hipetak’ ama’e ty Arofo’ Iehovà,
ty arofon-kihitse naho faharendrehañe,
ty arofom-panoroañe naho haozarañe,
ty arofon-kilala naho ty fañeveñañe
am’ Iehovà.
3 Ty fañeveñañe am’ Iehovà
ro mahafale ty arofo’e.
Tsy ty isam-pihaino’e ro hizaka’e,
tsy ty fijanjiñan-dravembia’e
ro hisafiria’e;
4 Fa an-kavantañañe
ro hizaka’e o rarakeo,
vaho an-kahiti’e ro handilia’e
o mpirèke an-tane atoio.
Ho lafae’e ami’ty kobaim-palie’e i taney,
le ho zamane’e ami’ty kofòm-pivimbi’e
o tsereheñeo.
5 Hidian-kamarentane ty vania’e
vaho hiteveke figahiñañe o toha’eo.
6 Hitrao-pimoneñe ty marambolo
naho ty anak’añondry,
hiharo fandreañe ty farasy
naho ty anak’ose;
hifampireketse ty sarake
naho ty liona vaho ty vosy;
Anak’ajaja ty hiarake iareo.
7 Hitrao-pihinañe ty añombe rene’e
naho ty dobe† Dobe: Biby romotse jabajaba;
hiharo fandreañe o ana’ iareoo,
vaho hihota-ahetse manahake
ty añombe ty liona.
8 Hihisa ambonen-davan-dapetake
ty ajaja minono,
hajo’ ty anak’ajaja an-doan-davam-boae ao ty taña’e.
9 Tsy ho amy vohiko miavakey iaby ty hijoy ndra ty hamono;
fa ho tsitsike ty faharendrehañe
Iehovà ty tane toy,
manahake ty haatsa-drano’ i riakey‡ Kab 2:14.
10 Ie amy andro zay, hitroatse ho viloñe am’ondatio ty Vaha’ Iesày,
le hipay Aze o Kilakila’ndatio,
vaho ho lifots’engeñe ty toe-pitofà’e.
11 Ho tondroke amy andro zay te
hahiti’ i Talè fañindroe’e ty fità’e
hampolia’e ty sehanga’ ondati’eo,
Ty henka’ i Asore, naho
ty boake Mitsraime, naho
ty boake Patrose§ Patrose: falie pea koba; t’ie ho rotsake, naho
ty boake Kose* Kose: nte-Etiopia; mainte, naho
ty boak’ Elame† Elame: ajalahy; somondrara; tangogo, naho
ty boake Sinare‡ Sinare: Itaoà i mirotsey, naho
ty boake Kamate, vaho
ty boak’ amo tokonose andriakeo.
12 Le hampitroara’e viloñe o fifeheañeo,
hatonto’e o naparatsake boak’ Israeleo,
vaho havori’e o naparaitake am’ Iehodà hirik’ an-kotsok’ efa’ ty tane toio.
13 Hisitake amy Efraime ty fihàña’e,
naho haitoañe ty helo’ Iehodà;
tsy hitsikirìke i Efraime t’Iehodà,
le tsy hañembetse Iehodà t’i Efraime.
14 F’ie hitsiritsioke am-pivariña’
o nte-Pilisty ahandrefañeo;
hitrao-pamaoke o anan-tatiñanañeo;
songa hampitora-kitsie’ iereo fitàñe
t’i Edome§ Edome: mena, an-tane; ty ami’ty lio naho i Moabe* Moabe: aman-drae’e;
vaho hiambane am’ iereo t’i Amone† Amone: t’indaty; ty ana’ ondatiko.
15 Ho mongore’ Iehovà ty lela’
i ria’ i Mitsraimey;
le ami’ty tio’e mae mihoboboke
ty añelahelà’e ambone’ i Oñey ty fità’e
vaho ho fofohe’e ho torahañe fito,
hampitsaha’e ondatio an-kana.
16 Le ho ami’ty sehanga ondati’e boak’ Asoreo ty lalañe dinamoke,
manahake tamy niakara’ o ana’ Israeleo
i Mitsraime.
*11:1 Iisay: ravoravo; banabana
†11:7 Dobe: Biby romotse jabajaba
§11:11 Patrose: falie pea koba; t’ie ho rotsake
*11:11 Kose: nte-Etiopia; mainte
†11:11 Elame: ajalahy; somondrara; tangogo
‡11:11 Sinare: Itaoà i mirotsey
§11:14 Edome: mena, an-tane; ty ami’ty lio
*11:14 Moabe: aman-drae’e
†11:14 Amone: t’indaty; ty ana’ ondatiko
DRAFT VERSION