3
Ty Fatokisañe an’ Andrianañahare
1 Inoñe arè ty tombo’ ty maha Jiosy; he ino ty mahasoa o savatseo? 2 Toe jabajaba tok’aia’aia! Valoha’e, toe nafantoke am’iereo o fepèn’ Añahareo* Oni Rom 2:20. 3 Hera tsy nahafiato ty ila’e? Hahamodo ty figahiñan’ Añahare hao ty tsy fatokisa’e? 4 Sondo’e! Ee abey te ho tendreke to t’i Andrianañahare ndra te kila mpandañitse ondatio, amy pinatetse ty hoe:
Soa t’ie ho zoen-to amo tsara’oo
vaho handreketse te mizaka.† Sab 51:4
5 Aa naho onjone’ ty hatsivokaran-tika ty hatòn’ Añahare, le akore ty hatao-tikañe? te tsy to hao t’i Andrianañahare t’ie mandafa? (manao reha’ ondaty rahoo). 6 Sondo’e ka! Naho nitò, akore ty hizakàn’ Añahare ty voatse toy? 7 Aa naho ty vandeko ro mampionjoñe ty hatòn’ Añahare ho ami’ty enge’e, le inoñe ty amàrañe ahy ho mpanan-kakeo? 8 Aa vaho akore t’ie tsy manao ty hoe: (Amy fanambaitambaiñañe anaiy, ie atao’ ty ila’e te enta’ay), Antao hanao raty hitotsaha’ ty soa? To ty famàrañe iareo.
Ia ty Tsy aman-Tahiñe
9 Akore arè? Itika hao ro soa? Aiy! fa niventean-tika aniany te songa fehèn-kakeo ke te Jiosy he te Grika. 10 Fa pinatetse ty hoe:
Tsy eo ty vañoñe, leo raike;
11 tsy eo ty mahilala,
tsy eo ty mipay an’ Andrianañahare.
12 Fonga nandifike,
songa tsy manjofake; tsy ia ty manao soa, leo raike.‡ Sab 14:1-3, 53:1-4
13 Kibory misokake ty tretra’ iareo; mitolom-pamañahy ty famele’ iareo;
§ Sab 5:9Ambane soñi’ iareo ao ty vore’ o mereñeo.* Sab 140:3
14 Lifotse fatse naho afero
o falie’ iareoo.† Sab 10:7
15 Malisa te hampiori-dio ty fandia’ iareo‡ Rzt 1:16;
16 fianto naho hasotriañe
ro amo lala’ iareoo;§ Rts 15:9, Iir 23:12
17 vaho alik’am’ iereo ty lalam-panintsiñañe.* Ies 59:7,8
18 Tsy aolom-pihaino’ iareo ty fañeveñañe aman’ Añahare.† Sab 36:1
19 Fohintika te ze tsarae’ i Hake ro tsarae’e amy ze ambane’ Hake, hampihomboñe ze kila falie, vaho fonga hampivolilieñe aman’ Añahare ty voatse toy; 20 fa tsy ama’ nofotse veloñe ty hahazo to ampivazohoa’e‡ Sab 143:2 ami’ty fimanemanea’e Hake; amy te fampandrendrehan-kakeo ty Hake§ Avo 20:20, Rom 4:15, 7:7.
Havantañañe am-Patokisañe
21 Ie henaneo, fa nadodea alafe’ i Hake ty havantañan’ Añahare, ie taroñe’ ty Hake naho o Mpitokio 22 naho boak’ aman’ Añahare añamy figahiña’ Iesoà Norizañey ty havantañañe, ho amo hene mitam-patokisañeo, le tsy iambakambàhañe; 23 toe fonga nanao hakeo naho milesa ami’ty engen’ Añahare, 24 f’ie nampivantañeñe tsi-ambili’e amy fatariha’e añamy fijebañañe amy Iesoà Norizañeiy, 25 i sinafirin’ Añahare ho takom-boiñe añamy fiatoañe an-dio’ey, hampiboake ty havantaña’e, fa am-pahaliñisa’e ty nirirañen’ Añahare o hakeo taoloo, 26 hampidodeà’e amo sa zao ty havantaña’e, t’ie i Vantañey naho ty figahiña’ Iesoà ro fañavantañañe ondaty.
27 Aia arè ty firengeañe? Napoke añe. Ami’ty Hake manao akore? He am-pimanemaneañe? Aiy avao, fa amy Hake miato-patokisañey. 28 Aa le agadon-tika te vantañe’ i fatokisa’ey t’indaty fa tsy am-pimanemanea’e Hake. 29 Aa vaho Andrianañahare’ o Jiosio avao hao re? Tsy a’ o fokontokoñeo ka hao? Eka, toe a o fokontokoñeo ka. 30 Inao, Raike t’i Andrianañahare, le fatokisañe ty añavantaña’e o sinavatseo naho fatokisañe ka o tsy sinavatseo. 31 Hera faohen-tika am-patokisañe t’i Hake. Aiy, sondo’e! te mone ajadon-tikañe t’i Hake* Sab 105:45, 119:44, Its 28:4, Ies 42:21, Iir 31:33.
‡3:15 Rzt 1:16
§3:20 Avo 20:20, Rom 4:15, 7:7
*3:31 Sab 105:45, 119:44, Its 28:4, Ies 42:21, Iir 31:33
DRAFT VERSION