1 Aa le osiheko nahareo, ry longo, ami’ty fiferenaiñan’ Añahare; ty hibanabana ty sandri’ areo ho sorom-beloñe, miavake naho mañeva an’ An­drianañahare, zay ty fitoroñañe sazo anahareo. 2 Ko mitsikombe ty voatse toy, fa miovà ami’ty fañavaoam-betsevetse, hamentea’ areo ty satrin’ arofon’ Añahare soa naho mahafale vaho fonitse.

3 Fa amy falalàñe natolots’ ahiy, le taroñeko ama’ areo iaby, t’ie tsy hihaboke hilala mandikoatse ty evà’e, fa sambe mimane faharendrehañe migahiñe ty amy fatokisañe nandivan’ Añahare ama’e. 4 Ampanahafeñe aman-tika, te maro ty mpitraoke an-tsandriñe raike ao, fe tsy hambam-pitoloñañe o mpitraoke iabio; 5 hoe zay ka tika maro ro fañòva raike amy Norizañey, sindre mifampipiteke, 6 naho songa aman-dravoravo ankafankafa ty amy falalàñe nitolorañe: he fitokiañe, tsahatse ty fatokisa’e, 7 ke fitoloñañe ty amy fitoroña’ey; ie mpañoke le amy fañòha’ey; 8 ie mpañosike le amy fañosiha’ey, ie mpanolotse le am-patarihañe; ie mpifehe le am-pahimbañañe; ie mpiferenaiñe le an-kaehake.

9 Ehe te ho po-pamañahiañe o fikokoañeo; hejeo ty raty, vontitiro ty soa; 10 Mifampipiteha am-pifampilongoañe; mifampiambanea am-piasiañe. 11 Ko milealea am-pilozohañe, mirebarebà an-troke, toroño t’i Talè. 12 Mirebeha am-pitamàñe; mifeaha an-kaloviloviañe, mifahara an-kalaly; 13 mandivà amy ze paia’ o noro’eo; le mampihova ambahiny.

14 Tatao o mampisoañe anahareo; tsipezo rano fa ko mañinje. 15 Itraofo rebeke o mirebekeo, iharò rovetse o mirovetseo, 16 Songa miharoa rehake; ko mibokenabokenake fa itraofo o mavomavoo, vaho ko mieva hilala.

17 Ko valean-draty ty raty ndra aman’ ia’ia. Imaneo ty soa am-pivazohoa’ ze hene ondaty. 18 Naho mete, amy ze lefe’o, le mifampilongoa am’ ondaty iabio. 19 O roañetse, ko mamale fate, fa mañivaha ho amy haviñera’e, fa hoe ty pinatetse:

hoe t’i Talè. 20 Tovo’e:

21 Ko milesa ami’ty haratiañe, fa gioho ami’ty soa ty raty.