9
1 Fetse; miatrek’ an-tane’ i Hadrake* Hadrake: lohan-defo; fale te tretreza’e mpitofa e Damesèke, ty tsara’ Iehovà;
(mitolik’ am’ Iehovà ty fihaino’ ondatio
naho ze hene’ fifokoa’Israele;)
2 naho amy Kamate mpiefetse ama’ey;
naho amy Tsore† Tsore: Vato: haozarañe, masioñe
vaho amy Tsidone‡ Tsidone: mitsatsà; mamintañe,
amy t’ie mahihitse.
3 Toe namboatse rova fatratse t’i Tsore
le nampitoabotse volafoty hoe deboke naho volamena ki’e hoe fotak’ an-damoke.
4 Inao t’ie hampikoahe’ i Talè, havatambia’e mb’ an-driak’ añe ty haozara’e; vaho ho forototoe’ ty afo.
5 Hahaisake zay ty Askelone§ Askelone: fikovovohañe am-pitaveañañe
vaho hiria-kolitse,
hangirifiry ka t’i Azà* Aaza: ty nihafatrarañe, maozatse,
naho i Ekrone† Ekrone: nombotañe reke-bahatse ty amy fitamà’e nilesay;
hihomake ty mpanjaka’ i Azà le tsy ho amam-pimoneñe ty Askelone.
6 Anak’ amontoñe ty hitoboke e Ashdode‡ Asdone: fipalirañe fatratse, vaho haitoako ty fisengea’ o nte-Pilistio.
7 Hafahako am-bava’e ao ty lio’e
naho an-tsifim-pamotsi’e ao
o raha mampangorìñeo;
fa o sehanga’eo ty ho an’ Andrianañaharen-tika,
ie ty hanoeñe mpiaolo e Iehodà ao,
vaho hanahake ty nte-Iebose§ Iebose: toe-pamofohañe t’i Ekrone.
8 Hitobe am-piarikatoha’ i kivohokoy raho
ty amo lahindefoñeo,
ty amy miary eo naho mibalike
vaho tsy hisoroha’ ty mpamorekeke ka, fa ho jilove’ o masokoo henane zao.
9 Mandià taroba ry anak’ampela’ i Tsione, mipoñafa ry anak’ ampela’ Ierosalaime;
Hehe te mitotsak’ ama’o ty Mpanjaka’o, Vantan-dre, reketse fandrombahañe,
mirèke, miningitse borìke,
ambone’ ty fola-bao,
ana’ty borìke vave’e* Mat 21:5, Jao 12:15.
10 Le hapitsoko amy Efraime ty sarete,
naho am’ Ierosalaime ty soavala,
naho ho pozaheko o fàlen-kotakotakeo;
ie hitsara fampilongoañe
amo kilakila’ ondatio,
vaho hitakatse an-driake ey
pak’ an-driak’ añe i fifehea’ey,
naho boak’amy Sakay añe
pak’ añ’ olo-ty tane toy.
11 Le ihe, ty amy lio’ i fañina ama’oiy, hampiavoteko boak’ an-koboñe
tsy aman-drano ao
o azo an-drohio.
12 Mimpolia mb’an-drova fatratse mb’ eo,
ry mpirohy mitamàñeo;
anito ty ho koiheko te hondroheko
in-droe o azoo.
13 Ampivohoreko hoe te faleko t’Iehodà,
atsafeko amy faley ty Efraime;
naho ho troboeko o ana’oo ry Tsione,
hatreatré’e o ana’oo ry Iavane,
ie hampanahafeko
amy fibaram-panalolahiy.
14 Ho oniñe ambone’ iereo eo t’Iehovà, naho hihiririñe hoe helatse i ana-pale’ey;
ho tiofe’ Iehovà, Talè i antsivay,
vaho hijoñe an-tangololahi’ i atimoy.
15 Ie harova’ Iehovà’ i Màroy;
le hampibotseke iereo
handialia o vato-piletseo;
hìnoñe iereo naho hiroharoha hoe an-divay; hatsafeñe hoe an-tsoakazo,
kotsa hoe an-kotso’ i kitreliy eo.
16 Handrombake iareo amy andro zay t’Iehovà Andrianañahare’ iareo
ho lia-rai’ ondati’eo,
ho vatosoan-tsabaka’e,
mimilemiletse an-tane’e eo.
17 Akore ty hafanjàka
naho hatsomerentsere’ iareo!
Hampiraorao o ajalahio ty ampemba
naho o somondrarao ty divai-vao.
*9:1 Hadrake: lohan-defo; fale te tretreza’e
†9:2 Tsore: Vato: haozarañe, masioñe
‡9:2 Tsidone: mitsatsà; mamintañe
§9:5 Askelone: fikovovohañe am-pitaveañañe
*9:5 Aaza: ty nihafatrarañe, maozatse
†9:5 Ekrone: nombotañe reke-bahatse
‡9:6 Asdone: fipalirañe fatratse
§9:7 Iebose: toe-pamofohañe
DRAFT VERSION