Bibeli Luayãtaalá Soũↄ 3

Lɛzua Luazi ibɛɛↄ yã́ musu

(2Sam 15.13-17)

1 Lɛ pↄ́ Davidi dà gↄↄ pↄ́ à bàalɛ̀ a nɛ́ Abisaloũɛ.

2 Dii, ma wɛ̀lɛↄ diɛ fá,

gbɛ̃́ pↄ́ íbɛlɛsɛ̀manↄↄ dasi.

3 Wàlɛ ma yã'o dasi,

wàlɛ mɛ Lua a ma suabao.

4 Mpi sↄ̃ Dii,

ńlɛ ↄliamazi sɛ̀ngbao ũ,

ma gawin n ũ,

ni to ma mi àↄ daa ía.

5 Mi lɛzu Diizi,

ì wea za a kpɛ́u gbɛ̀sĩsĩ musu.

6 Mi wúlɛ i'o ń a nao,

mi vu aafia, asa Dii mɛ́ ma ũ.

7 Gbɛ̃ↄn ↄ̀aasↄsↄo lɛɛ kwi lɛ́ ma wɛ,

kási mili vĩakɛnɛ́o.

8 Fɛlɛ Dii,

ní ma ibɛɛↄ lɛgbeomble,

ma suaba ma Lua,

ní gbɛ̃vãipiↄ swaa ɛ́'ɛ.

9 Dii mɛ́ ì gbɛ̃́ suaba.

Báaada n gbɛ̃́ↄgu.