12
Wira wa shukurani
1 Wakati hinyo undaamba,
“Uwe Mwenyezi Mlungu nindakushukuru
mana dzagbwe wanitsukirirwa
tsukizizo zikadigirika
nawe ukanihuriza moyo.
2 12:2 Kutsama 15:2; Zaburi 118:14Kpwa kpweli Mlungu ndiye muokoli wangu,
ndamkuluphira wala sindaogopha.
Mwenyezi Mlungu ndiye nguvu zangu na wira wangu,
iye akakala wokofu wangu.”
3 Kpwa kuhererwa mundaheka madzi
kula visima vya wokofu.
4 Namwi siku iyo mundaamba,
“Mshukuruni Mwenyezi Mlungu na mumvoye iye.
Gabazeni mataifa mahendoge na kugaambira
kukala dzinare ni kulu.
5 Muimbireni Mwenyezi Mlungu kpwa kukala akahenda mambo makulu.
Higa nagamanyikane kosi duniani.
6 Kotani kululu na muimbe kpwa kuhererwa mwimwi atu a Sayuni,
mana Mtakatifu wa Iziraeli ni mkpwulu kahi yenu.”