150
Mtogoleni Mwenyezi Mlungu
1 Haleluya.
Mwenyezi Mlungu naatogolwe!
Mtogoleni Mwenyezi Mlungu kahi za phatuphe phatakatifu.
Mtogoleni ko mlunguni kuriko na nguvu nyinji.
2 Mtogoleni kpwa sababu ya mahendoge makulu.
Mtogoleni kulengana na ukulu ario nao!
3 Mtogoleni kpwa kupiga tarumbeta.
Mtogoleni kpwa kupiga ngephephe na zeze.
4 Mtogoleni kpwa tamburini na kufwiha,
mtogoleni kpwa firimbi na chivoti.
5 Mtogoleni kpwa kupiga matoazi,
mtogoleni na matoazi!
6 Chila chiumbe chiricho moyo nachimtogole Mwenyezi Mlungu.
Haleluya.
Mwenyezi Mlungu naatogolwe!