12
12-küy •••• Rǝzil dunyadin saⱪlax
1 Nǝƣmiqilǝrning bexiƣa tapxurulup, xeminit bilǝn oⱪulsun dǝp, Dawut yazƣan küy: —
Ⱪutⱪuzƣaysǝn, Pǝrwǝrdigar, qünki ihlasmǝn adǝm tügǝp kǝtti;
Adǝmlǝr arisidin sadiⱪ mɵminlǝr ƣayip boldi.□ «xeminit bilǝn oⱪulsun dǝp...» — «xeminitx» bǝlkim, «sǝkkiz tarliⱪ saz» yaki «sǝkkiz notiliⱪ küy» degǝn mǝnidǝ.
2 Ⱨǝrbirsi ɵz yeⱪinliriƣa yalƣan eytidu;
Huxamǝtqi lǝwlǝrdǝ, alikɵngüllük bilǝn sɵzlixidu.
3 Pǝrwǝrdigar barliⱪ huxamǝtqi lǝwlǝrni,
Ⱨakawurlarqǝ sɵzlǝydiƣan tilni kesiwǝtkǝy!
4 Ular: «Tilimiz bilǝn ƣǝlibǝ ⱪilimiz;
Lǝwlirimiz bolsa ɵzimizningkidur;
Kim bizgǝ Rǝb bolalisun?» — dǝydu.
5 «Ezilgüqi ajizlarni basⱪan zulum wǝjidin,
Miskinlǝrning aⱨuzarliri wǝjidin,
Ⱨazirla ornumdin turay» — dǝydu Pǝrwǝrdigar,
«Mǝn ularƣa, ular zariⱪip kütkǝn azadliⱪni yǝtküzimǝn».□ «Mǝn ularƣa, ular zariⱪip kütkǝn azadliⱪni yǝtküzimǝn» — baxⱪa birhil tǝrjimisi: «Ularni «tüfi!» dǝp mazaⱪ ⱪilƣuqilardin azad ⱪilimǝn»
6 Pǝrwǝrdigarning sɵzliri bolsa sap sɵzlǝrdur;
Ular yǝttǝ ⱪetim saplaxturulƣan,
Sapal ⱪazanda tawlanƣan kümüxtǝktur.■ 2Sam. 22:31; Zǝb. 18:30; 19:8; 119:140; Pǝnd. 30:5
7 Sǝn Pǝrwǝrdigar, ularni saⱪlaysǝn;
Sǝn mɵminlǝrni muxu dǝwrdin mǝnggügǝ ⱪoƣdaysǝn;□ «Sǝn Pǝrwǝrdigar, ularni saⱪlaysǝn» — «ular» 5-ayǝttǝ tilƣa elinƣan «ezilgǝnlǝr» wǝ «miskinlǝr»ni kɵrsitidu.
8 Qünki rǝzil adǝmlǝr ⱨǝryanda ƣadiyip yürüxidu,
Pǝskǝxlik insan baliliri arisida aliyjanabliⱪ dǝp mahtalmaⱪta!
□12:1 «xeminit bilǝn oⱪulsun dǝp...» — «xeminitx» bǝlkim, «sǝkkiz tarliⱪ saz» yaki «sǝkkiz notiliⱪ küy» degǝn mǝnidǝ.
□12:5 «Mǝn ularƣa, ular zariⱪip kütkǝn azadliⱪni yǝtküzimǝn» — baxⱪa birhil tǝrjimisi: «Ularni «tüfi!» dǝp mazaⱪ ⱪilƣuqilardin azad ⱪilimǝn»
■12:6 2Sam. 22:31; Zǝb. 18:30; 19:8; 119:140; Pǝnd. 30:5
□12:7 «Sǝn Pǝrwǝrdigar, ularni saⱪlaysǝn» — «ular» 5-ayǝttǝ tilƣa elinƣan «ezilgǝnlǝr» wǝ «miskinlǝr»ni kɵrsitidu.