86
86-küy •••• Yalƣuzluⱪta, ⱪiynalƣan kündǝ xapaǝt tilǝx
1 Dawutning duasi:
Ⱪuliⱪingni mǝn tǝrǝpkǝ tutⱪin, i Pǝrwǝrdigar, manga jawab bǝrgǝysǝn;
Qünki mǝn ezilgǝn wǝ ⱨajǝtmǝndurmǝn.
2 Jenimni saⱪliƣaysǝn,
Qünki mǝn Sanga mɵmindurmǝn;
I Sǝn Hudayim, Sanga tayanƣan ⱪulungni ⱪutⱪuzƣaysǝn;
3 Manga meⱨir-xǝpⱪǝt kɵrsǝtkǝysǝn, i Rǝb,
Qünki mǝn kün boyi Sanga nida ⱪilimǝn.
4 Ⱪulungning jenini xad ⱪilƣin,
Qünki jenim Sanga tǝlmürüp ⱪaraydu;
5 Qünki Sǝn Rǝb, meⱨriban, kǝqürümqan Sǝn!
Ɵzǝnggǝ iltija ⱪilƣanlarning ⱨǝmmisigǝ zor meⱨir-muⱨǝbbǝt kɵrsǝtküqidursǝn!
6 Mening duayimƣa ⱪulaⱪ salƣin, i Pǝrwǝrdigar,
Yelinixlirimning sadasini angliƣaysǝn;
7 Beximƣa kün qüxkǝndǝ,
Mǝn Sanga iltija ⱪilimǝn,
Qünki Sǝn manga jawab berisǝn.■ Zǝb. 18:6; 50:15; 55:16-17
8 Ilaⱨlar arisida Sening tǝngdixing yoⱪtur, i Rǝb;
Ⱪilƣan ixliringningmu tǝngdixi yoⱪtur.□ «Ilaⱨlar arisida Sening tǝngdixing yoⱪtur, i Rǝb...» — bu ayǝt «ilaⱨlar»ning ⱨǝⱪiⱪiy mǝwjut ikǝnlikini etirap ⱪilmaydu, ǝlwǝttǝ. ■ Ⱪan. 3:24; Zǝb. 136:4
9 Sǝn yaratⱪan barliⱪ ǝllǝr kelip sening aldingda sǝjdǝ ⱪilidu, i Rǝb,
Namingni uluƣlaydu.
10 Qünki Sǝn naⱨayiti büyüksǝn,
Mɵjizilǝrni Yaratⱪuqidursǝn;
Sǝn Hudadursǝn, yalƣuz Sǝnla.
11 Ɵz yolungni manga ɵgǝtkǝysǝn, i Pǝrwǝrdigar,
Wǝ Sening ⱨǝⱪiⱪitingdǝ yürimǝn;
Namingƣa ⱨɵrmǝt-ǝyminixtǝ boluxum üqün, ⱪǝlbimni pütün ⱪilƣaysǝn.■ Zǝb. 25:4-5; 27:11; 119:33
12 Ya Rǝbbim Huda, pütün ⱪǝlbim bilǝn Seni mǝdⱨiyilǝymǝn,
Əbǝdil’ǝbǝd namingni uluƣlaymǝn.
13 Qünki manga bolƣan meⱨir-muⱨǝbbiting zordur,
Sǝn tǝⱨtisaraning tǝgliridin jenimni ⱪutⱪuzisǝn;
14 I Huda, tǝkǝbburlar manga ⱪarxi kɵtürüldi,
Əxǝddiylǝrning jamaiti jenimni izdimǝktǝ,
Ular Seni nǝzirigǝ almǝydu!■ Zǝb. 54:3-5
15 Əmma Sǝn, Rǝb, rǝⱨimdil wǝ xǝpⱪǝtlik Ilaⱨsǝn,
Asanliⱪqǝ aqqiⱪlanmaysǝn,
Meⱨir-muⱨǝbbǝt ⱨǝm ⱨǝⱪiⱪǝt-sadiⱪliⱪing texip turidu.■ Mis. 34:6; Qɵl. 14:18; Nǝⱨ. 9:17; Zǝb. 103:8; 145:8; Yo. 2:13
16 Mǝn tǝrǝpkǝ burulup, xǝpⱪǝt kɵrsǝtkǝysǝn;
Ɵz ⱪulungƣa küqüngni bǝrgǝysǝn,
Dedikingning oƣlini ⱪutⱪuzƣaysǝn!
17 Manga ɵqmǝnlǝrning uni kɵrüp hijil boluxi üqün,
Iltipatingni kɵrsitidiƣan bir alamǝtni manga kɵrsǝtkin;
Qünki Sǝn Pǝrwǝrdigar, manga yardǝm ⱪilding,
Manga tǝsǝlli berip kǝlgǝnsǝn.