46
46-küy •••• Xuda bashpanahtur
1 Neghmichilerning béshigha tapshurulup, «Pak qizlar üchün» dégen ahangda oqulsun dep, Korahning oghulliri üchün yézilghan küy: —
Xuda panahgahimiz we qudritimizdur;
Külpetler chüshken haman hazir bolidighan bir yardemchidur. □ «Pak qizlar üchün» — ibraniy tilida «Alamot» déyilidu. Bashqa birxil menisi: «Ayallarning yuqiri awazliq küyi üchün yézilghan» dégen bolushi mumkin.
2-3 Shunga yer-zémin öngtürülüp, taghlar gümürülüp déngiz teglirige chüshüp ketsimu,
Uning dolqunliri shawqunlinip qaynam bolsimu,
Örkeshliri bilen taghlar silkinip ketsimu,
Qorqmaymiz.
Sélah.
4 Xudaning shehirini — Yeni Hemmidin Aliy Bolghuchi makanlashqan muqeddes jayni,
Xursen qilidighan éqinliri shaxlighan bir derya bardur.
5 Xuda uning otturisididur;
U yer hergiz tewrimeydu;
Xuda tang étish bilenla uninggha yardemge kélidu.
6 Barliq eller qaynap, padishahliqlar titrep ketti;
U awazini qoyuwetken haman,
Yer érip kétidu.
7 Samawi qoshunlarning Serdari bolghan Perwerdigar biz bilen bille;
Yaqupning Xudasi égiz qorghinimizdur!
Sélah!
8 Kélinglar, Perwerdigarning qilghanlirini körünglar!
U yer yüzide qilghan karamet weyranchiliqlarni körünglar!□ «... U (Perwerdigar) yer yüzide qilghan karamet weyranchiliqlarni körünglar» — Perwerdigarning «weyranchiliq»lirining intayin ijabiy netijisi bar — 9-ayetni körüng.
9 U, jahanning u chétigiche bolghan urushlarni toxtitidu;
U oqyalarni sunduridu,
Neyzilerni oshtuwétidu,
Jeng harwilirini otta köydüriwétidu.
10 U: «Toxtash, méning Xuda ikenlikimni bilip qoyush!
Men pütkül eller arisida ulughlinimen;
Men yer yüzide “büyük” dep qarilimen» — deydu.
11 Samawi qoshunlarning Serdari bolghan Perwerdigar biz bilen bille,
Yaqupning Xudasi bizning égiz qorghinimizdur!
□46:1 «Pak qizlar üchün» — ibraniy tilida «Alamot» déyilidu. Bashqa birxil menisi: «Ayallarning yuqiri awazliq küyi üchün yézilghan» dégen bolushi mumkin.
□46:8 «... U (Perwerdigar) yer yüzide qilghan karamet weyranchiliqlarni körünglar» — Perwerdigarning «weyranchiliq»lirining intayin ijabiy netijisi bar — 9-ayetni körüng.