147
147-küy •••• Hemmige Qadir Xudagha hemdusanalar éytilsun!
1 Hemdusana! Yahni medhiyilenglar!
Berheq, bundaq qilish shérindur;
Xudayimizni küylenglar!
Medhiye oqush insan’gha yarishidu.■ Zeb. 33:1; 92:2; 135:3
2 Perwerdigar Yérusalémni bina qilmaqta;
Israilning sürgün qilin’ghanlirini U yighip kélidu;□ «Perwerdigar Yérusalémni bina qilmaqta; Israilning sürgün qilin’ghanlirini U yighip kélidu» — bu ayetke qarighanda, mushu küy Israil Babilgha sürgün bolghanliqidin qaytip kelgendin kéyin yézilghan.
3 U köngli sunuqlarni dawalaydu;
Ularning yarilirini tangidu.■ Mis. 15:26; Ayup 5:18
4 U yultuzlarning sanini sanaydu;
Ularning hemmisige bir-birlep isim qoyidu.□ «U... ularning hemmisige bir-birlep isim qoyidu» — bashqa birxil terjimisi: «U... ularni (yultuzlarni) ismilirini chaqirip opuqqa chiqiridu». ■ Yesh. 40:26
5 Ulughdur Rebbimiz, zor qudretliktur;
Uning chüshinishi cheksizdur.
6 Perwerdigar yawash möminlerni yölep kötüridu;
Rezillerni yergiche töwen qilidu.
7 Perwerdigargha teshekkürler bilen naxsha éytinglar;
Küylerni chiltargha tengshep éytinglar!
8 U asmanni bulutlar bilen qaplitidu,
Zémin’gha yamghurni békitidu,
Taghlarda ot-chöplerni östüridu;■ Ayup 38:26, 27; Zeb. 104:13-14; Hosh. 2:23, 24
9 Mallargha ozuq,
Tagh qaghisining chüjiliri zarlighanda, ulargha ozuq béridu;
10 At küchidin U zoq almaydu;
Ademning chebdes putlirini xursenlik dep bilmeydu;
11 Perwerdigar belki Özidin eyminidighanlarni,
Özining özgermes muhebbitige ümid baghlighanlarni xursenlik dep bilidu.
12 Perwerdigarni maxtanglar, i Yérusalém;
Xudayingni medhiyile, i Zion.
13 Chünki U derwaziliringning taqaqlirini mehkem qilidu;
Séningde turuwatqan perzentliringge bext-beriket berdi.
14 U chet-chégraliringda aram-tinchliq yürgüzidu,
Séni bughdayning ésili bilen qanaetlendüridu.
15 U Öz emr-bésharetlirini yer yüzige ewetidu;
Uning söz-kalami intayin téz yügüridu.■ Zeb. 33:9
16 U aq qarni yungdek béridu,
Qirawni küllerdek tarqitidu.
17 Uning muzini nan uwaqliridek qilip parchiliwétidu;
Uning soghuqi aldida kim turalisun?
18 U sözini ewetip, ularni éritidu;
Uning shamilini chiqirip, sularni aqquzidu.
19 U Öz söz-kalamini Yaqupqa,
Belgilimilirini hem hökümlirini Israilgha ayan qilidu;
20 U bashqa héchbir elge mundaq muamile qilmighandur;
Uning hökümlirini bolsa, ular bilip baqqan emes.
Hemdusana!■ Ros. 14:16
□147:2 «Perwerdigar Yérusalémni bina qilmaqta; Israilning sürgün qilin’ghanlirini U yighip kélidu» — bu ayetke qarighanda, mushu küy Israil Babilgha sürgün bolghanliqidin qaytip kelgendin kéyin yézilghan.
□147:4 «U... ularning hemmisige bir-birlep isim qoyidu» — bashqa birxil terjimisi: «U... ularni (yultuzlarni) ismilirini chaqirip opuqqa chiqiridu».
■147:8 Ayup 38:26, 27; Zeb. 104:13-14; Hosh. 2:23, 24