1 Migkaǥi is Nengazen diyà te Nengazen ku he hadì te,

“Pinuu ka kayi te egkekewanan ku,

taman te igkepezizalem ku ziyà te menge paa nu is menge kuntada nu.”

2 Mahal he Hadì,

ebpuun te Zion ibpemeluag te Nengazen is ginhedian nu,

ne edhedian nu is menge kuntada nu.

3 Dutun te andew te kedtebeka nu te menge kuntada nu, andam is menge etew nu te ked-uǥup kenikew.

Is menge vetan-en he menge etew nu edhendiyà te kenikew zutun te segradu he menge vuvungan he henduen be sikandan te menge zehemug emun meselem.

4 Nenangdù is Nengazen, ne kenà egkahalin is isip din, he memumuhat ka te wazà pidtemanan, iring te kegkememumuhat ni Melkizedek.

5 Is Nengazen diyà te egkekewanan nu;

edèdeetan din is menge hadì emun ibpeehè din en is pauk din.

6 Edsilutan din is menge nasyun ne mahabet is ebpenhimetayan din.

Edèdeetan din is ebpemendumala seled te tivuuk he kelibutan.

7 Sikew, Mahal he Hadì, ed-inum ka ziyà te wahig he edtudà he ziyà te kilid te zalan,

umbe edlikù is desen nu ne ebpekezaag ka.