46
Bay Got rodad
1 I Got e ir e manaf rodad me ir gelngidad,
gubin ngiyal’ nike fal’eg rogon ke par nra yib e oloboch ngodad me ayuwegdad.
2 Fa’anra rur e fayleng me muchubu’ e pi burey nga t’ay e rigur,
ma dab da tamdaggad;
3 ara puw e day nga mada’ lingan ngalang,
me rur e pi burey.
4 Bay ba lul’ ni be fek e felfelan’ i yib ko fare binaw rok Got,
ko fare naun nib thothup rok fa’anem ni ir e ba Th’abi Tolang.
5 Got e be par u lan e re binaw nem, ndabiyag ni ngan kirebnag;
ra yib i ayuweg e re binaw nem nnap’an ni fini be puf e woch.
6 Ke m’age marus e pi nam, ma gil’ilungun e pi pilung e ke morur;
me non Got ni be chob ndirra’, me ranran e fayleng.
7 I SOMOL ni Gubin ma Rayag Rok e bay rodad;
fare Got rok Jakob e ir e yoror rodad!
8 Mired, ngam guyed e n’en ke rin’ SOMOL!
Mu guyed e pin’en ni yira ngat ngay nike ngongliy u daken e fayleng!
9 Be taleg e pi mael ni yibe tay u fayleng i yan;
be t’ar e gat’ing, ma be kirebnag epi sarey nge dilak,
ma be urfiy e pi shield!
10 Be ga’ar, “Mu paged e cham, mi gimed nang ni gag Got,
ni gag e th’abi tolang u fithik’ e pi nam,
mi gag e th’abi tolang u fayleng!”
11 SOMOL ni Gubin ma Rayag Rok e bay rodad;
fare Got rok Jakob e ir e yoror rodad!
DRAFT VERSION — Proofreading in progress