126
Yes Israela tighason Maaron to iuul zi, leso tileep poia muul
Mbouŋ to yes tau tizala Yerusalem pa suŋuuŋ
1 Muuŋ, nugh Zion isaghat kat. Ve saawe tau Yoova iuul ghiit gha taleep poia muul, ene igham loloon poia kat.
Eemon taghur ila kat mako. Taghe pa ene vivuuŋ mon. * Mbo 14:7, 85:1
2 Saawe tana, tintiniin ve taŋiŋ kat.
Loloon poia ve tasir toman aliŋaan tiina.
Ŋgar tau Yoova igham pait na, nugh nugh tighita ve tisaav tighe: “Wai, Yoova igham uraat tintiina pa yes Israela!”
3 Ene onoon. Yoova igham uraat tintiina kat pait.
Tauta loloon poia kat.
4 Eemon Yoova, aazne nisaghat muul.
Tauvene nighason ghom nighe uul ghei, leso nileep poia muul,
imin uman tau izi ve igham yaa to Negev tau timaak na, tireer muul.
5 Yes tau titaŋtaŋ, ve tivazogh aniiŋ,
ene pale murei tilup aniiŋ toozi anooŋa, ve tisir toman lolozi poia. * Mbaŋ 20:19, 31; 1Kor 3:6+; 2Kor 2:4
6 Onoon kat. Yes tau titaŋtaŋ ve tibadbaad aniiŋ uvezi tila pa vazoghiiŋ na,
ene pale murei tibaad aniiŋ anooŋa, ve tisirsir toman lolozi poia, ve timuul tila pa nughei.