4
Eliphas i babani
1 Ma Eliphas rava Temanei Job i paribelei i pa,
2 Job eḡa amlom ina ḡaiḡai ma ana babani,
tau ata genuana ava, ana babani!
3 Rava maḡamaḡaui u viararamani
ma ḡokokokarai u vovaivirewapani.
4 Riwam, rava peupeui u duḡui,
ma ae tutui viviarai u duḡui.
5 Wate marina nuabola i nei awarim, ma am nota i peu
i vodadanim ma u rovo-kaua.
6 Am vitumaḡana God awarina,
ma am lawana jijimanina.
Lamna, am rewapana, tapa?
7 Ma tumairi ma ma vinua notanota!
Rava jijimani e irairaḡe bo?
Mara aiwai rava jijimani i kero ma iʼraḡe?
8 A inanai rava ḡoa apoapoe i paewi
ma nuabola i tuarui.
Job ana rava amapo da i ririwa-ḡiriḡiri da tauna kaua apoapoei i kauei aubaina wei nuabolana e nenelaḡai. Wate Job e ririwa da tauna eḡa aiwai apoapoena ita kauei.