૧ યહોવાહે મારા પ્રભુને કહ્યું, “જ્યાં સુધી હું તારા દુશ્મનોને તારું પાયાસન કરું ત્યાં સુધી તું મારે જમણે હાથે બેસ.”

૨ યહોવાહે કહ્યું, “સિયોનમાંથી તમારા સામર્થ્યનો રાજદંડ પકડો;

તારા શત્રુઓ પર રાજ કર.

૩ તારા લોકો તારા યુદ્ધને દિવસે તારી સાથે જોડાવા ઇચ્છશે

પવિત્રતાની સુંદરતા પહેરીને અને મળસકાના ગર્ભસ્થાનમાંથી નીકળીને તમે આવો;

તારી યુવાવસ્થાનું જોર તને દોરે છે.

૪ યહોવાહે સમ ખાધા છે અને તે બદલશે નહિ:

તમે મેલ્ખીસદેકના ધોરણે,

સદાને માટે યાજક છો.”

૫ પ્રભુ તમારે જમણે હાથે છે.

તે પોતાના કોપને દિવસે રાજાઓને મારી નાખશે.

૬ તે દેશોનો ન્યાય કરશે;

તે ખીણોને મૃતદેહોથી ભરશે;

તે ઘણા દેશોમાંથી આગેવાનોને મારી નાખશે.

૭ તે માર્ગમાંના ઝરાઓમાંથી પાણી પીશે

અને વિજય પછી તે પોતાનું માથું ઊંચું કરશે.