24
24-küy •••• Pǝrwǝrdigarning ƣǝlibisi
1 Dawut yazƣan küy: —
Pǝrwǝrdigarƣa mǝnsüptur, jaⱨan wǝ uningƣa tolƣan ⱨǝmmǝ mǝwjudatlar;
Uningƣa tǝǝlluⱪtur yǝr yüzi wǝ uningda turiwatⱪanlarmu;■ Mis. 19:5; Ⱪan. 10:14; Ayup 41:3; Zǝb. 50:12; 1Kor. 10:26,28
2 Qünki jaⱨanning ulini qongⱪur dengizlar üstigǝ orunlaxturup,
Yǝrni sular üstigǝ ornatⱪan Udur.
3 Pǝrwǝrdigarning teƣiƣa kim qiⱪalaydu?
Uning muⱪǝddǝs jayiƣa kim kirip turalaydu? ■ Zǝb. 15:1; Yǝx. 33:14,15
4 — Ⱪolliri gunaⱨtin pakiz, dili sap,
Ⱪuruⱪ nǝrsilǝrgǝ tǝlmürüp ⱪarimiƣan,
Yalƣan ⱪǝsǝm ⱪilmiƣan kixi kirǝlǝydu. □ «Ⱪuruⱪ nǝrsilǝrgǝ tǝlmürüp ⱪarimiƣan» — «ⱪuruⱪ nǝrsilǝr» butlarni kɵrsitidu.
5 Bundaⱪ kixi bolsa Pǝrwǝrdigardin bǝhtni,
Ɵz nijatliⱪi bolƣuqi Hudadin ⱨǝⱪⱪaniyliⱪni tapxuruwalidu wǝ uni kɵtürüp yüridu;□ «... tapxuruwalidu wǝ uni kɵtüridu» — bu ikki peil ibraniy tilida birla peil bilǝn ipadilinidu.
6 Bu dǝwr Uni izdigüqi dǝwrdur,
Yǝni Sening didaringni izdigüqilǝr, i Yaⱪupning Hudasi!
7 I ⱪowuⱪlar, bexinglarni kɵtürünglar!
Kǝng eqilinglar!
I mǝnggülük ixiklǝr, kɵtürülünglar!
Xuning bilǝn xan-xǝrǝp igisi Padixaⱨ kiridu!□ «I ⱪowuⱪlar, bexinglarni kɵtürünglar! Kǝng eqilinglar! I mǝnggülük ixiklǝr, kɵtürülünglar!» — ⱪǝdimki zamanlarda ⱪowuⱪlar eqilƣanda yuⱪiridin kɵtürülǝtti.
8 Xan-xǝrǝp igisi Padixaⱨ degǝn kim?
U Pǝrwǝrdigardur, u küqlük wǝ ⱪudrǝtliktur!
Pǝrwǝrdigar, jǝng mǝydanida ⱪudrǝtliktur!
9 I ⱪowuⱪlar, bexinglarni kɵtürünglar!
Kǝng eqilinglar!
I mǝnggülük ixiklǝr, bexinglarni kɵtürünglar!
Xuning bilǝn xan-xǝrǝp igisi Padixaⱨ kiridu!
10 Xan-xǝrǝp igisi Padixaⱨ degǝn kim?
Samawiy ⱪoxunlarning Sǝrdari bolƣan Pǝrwǝrdigar bolsa, xan-xǝrǝp igisi Padixaⱨtur!
Selaⱨ!
■24:1 Mis. 19:5; Ⱪan. 10:14; Ayup 41:3; Zǝb. 50:12; 1Kor. 10:26,28
■24:3 Zǝb. 15:1; Yǝx. 33:14,15
□24:4 «Ⱪuruⱪ nǝrsilǝrgǝ tǝlmürüp ⱪarimiƣan» — «ⱪuruⱪ nǝrsilǝr» butlarni kɵrsitidu.
□24:5 «... tapxuruwalidu wǝ uni kɵtüridu» — bu ikki peil ibraniy tilida birla peil bilǝn ipadilinidu.
□24:6 «...Yǝni Sening didaringni izdigüqilǝr, i Yaⱪupning Hudasi!» — yǝnǝ birhil tǝrjimisi «Yǝni Sening didaringni izdigüqilǝr bolƣan Yaⱪuptin ibarǝttur».
□24:7 «I ⱪowuⱪlar, bexinglarni kɵtürünglar! Kǝng eqilinglar! I mǝnggülük ixiklǝr, kɵtürülünglar!» — ⱪǝdimki zamanlarda ⱪowuⱪlar eqilƣanda yuⱪiridin kɵtürülǝtti.