145
145-küy •••• Hudaning ⱪilƣan uluƣ ǝmǝllirini keyinki ǝwladⱪa bayan ⱪilix •••• «Elipbǝ tǝrtipilik» küy
1 Mǝdⱨiyǝ: Dawut yazƣan küy: —
|א| Mǝn Seni mǝdⱨiyilǝp uluƣlaymǝn, Hudayim, i Padixaⱨ;
Namingƣa ǝbǝdil’ǝbǝdgiqǝ tǝxǝkkür-mǝdⱨiyǝ ⱪayturimǝn.
2 |ב| Ⱨǝrküni Sanga tǝxǝkkür-mǝdⱨiyǝ ⱪayturimǝn,
Namingƣa ǝbǝdil’ǝbǝdgiqǝ tǝxǝkkür-mǝdⱨiyǝ ⱪayturimǝn!
3 |ג| Uluƣdur Pǝrwǝrdigar, zor mǝdⱨiyilǝrgǝ layiⱪtur!
Uning uluƣluⱪini sürüxtürüp bolƣili bolmas;■ Ayup 5:9; Zǝb. 48:1; 96:4; 150:2
4 |ד| Bir dǝwr yengi bir dǝwrgǝ Sening ⱪilƣanliringni mahtaydu;
Ular ⱪudrǝtlik ⱪilƣanliringni jakarlaydu;■ Ⱪan. 4:9; 6:7
5 |ה| Mǝn ⱨǝywitingning xǝrǝplik julaliⱪini,
Wǝ karamǝt mɵjiziliringni seƣinip sɵzlǝymǝn;
6 |ו|: Xuning bilǝn ular ⱪorⱪunqluⱪ ixliringning ⱪudritini bayan ⱪilidu;
Mǝnmu uluƣ ǝmǝlliringni jakarlaymǝn!
7 |ז| Ular zor meⱨribanliⱪingni ǝslǝp, uni mubarǝklǝp tarⱪitidu,
Ⱨǝⱪⱪanliyliⱪing toƣruluⱪ yuⱪiri awazda küylǝydu.■ Zǝb. 119:171-172
8 |ח| Pǝrwǝrdigar meⱨir-xǝpⱪǝtlik ⱨǝm rǝⱨimdildur;
Asan ƣǝzǝplǝnmǝydu, U zor meⱨir-muⱨǝbbǝtliktur;■ Mis. 34:6, 7; Qɵl. 14:18; Zǝb. 86:15; 103:8
9 |ט| Pǝrwǝrdigar ⱨǝmmigǝ meⱨribandur;
Uning rǝⱨimdilliⱪliri barqǝ yaratⱪanlirining üstididur;
10 |י| Sening barliⱪ yasiƣanliring Seni mǝdⱨiyilǝydu, i Pǝrwǝrdigar,
Sening mɵmin bǝndiliring Sanga tǝxǝkkür-mǝdⱨiyǝ ⱪayturidu.
11 |כ| Ular padixaⱨliⱪingning xǝripidin hǝwǝr yǝtküzidu,
Küq-ⱪudritingni sɵzlǝydu;
12 |ל| Xundaⱪ ⱪilip insan baliliriƣa ⱪudrǝtlik ixliring,
Padixaⱨliⱪingning xǝrǝplik ⱨǝywisi ayan ⱪilinidu.
13 |מ| Sening padixaⱨliⱪing ǝbǝdiy padixaⱨliⱪtur,
Sǝltǝniting ǝwladtin-ǝwladⱪiqidur.□ «izaⱨat» — yeⱪinda bǝzi kona kɵqürülmilǝrdin 13- wǝ -14-ayǝtning ariliⱪida: —
« נ Pǝrwǝrdigar wǝdisidǝ qing turidu; barliⱪ yaratⱪanliriƣa meⱨribandur» degǝn mǝzmun bolƣan yǝnǝ bir nushisi tepilƣan (ibraniy tilida «Nun» bilǝn baxlinidu).
« נ Pǝrwǝrdigar wǝdisidǝ qing turidu; barliⱪ yaratⱪanliriƣa meⱨribandur» degǝn mǝzmun bolƣan yǝnǝ bir nushisi tepilƣan (ibraniy tilida «Nun» bilǝn baxlinidu).
14 |ס| Pǝrwǝrdigar yiⱪilay degǝnlǝrning ⱨǝmmisini yɵlǝydu,
Egilip ⱪalƣanlarning ⱨǝmmisini turƣuzidu.
15 |ע| Ⱨǝmmǝylǝnning kɵzliri Sanga tikilip kütidu;
Ularƣa ɵz waⱪtida rizⱪini tǝⱪsim ⱪilip berisǝn;■ Zǝb. 104:27
16 |פ| Ⱪolungni eqixing bilǝnla,
Barliⱪ jan igilirining arzusini ⱪandurisǝn.
17 |צ| Pǝrwǝrdigar barliⱪ yollirida ⱨǝⱪⱪaniydur,
Yasiƣanlirining ⱨǝmmisigǝ muⱨǝbbǝtliktur.
18 |ק| Pǝrwǝrdigar Ɵzigǝ nida ⱪilƣanlarning ⱨǝmmisigǝ yeⱪindur,
Ɵzigǝ ⱨǝⱪiⱪǝttǝ nida ⱪilƣanlarning ⱨǝmmisigǝ yeⱪindur;
19 |ר| U Ɵzidin ǝyminidiƣanlarning arzusini ǝmǝlgǝ axuridu;
Ularning pǝryadini anglap ularni ⱪutⱪuzidu.
20 |ש| Pǝrwǝrdigar Ɵzini sɵygǝnlǝrning ⱨǝmmisidin hǝwǝr alidu;
Rǝzillǝrning ⱨǝmmisini yoⱪitidu.
21 |ת| Aƣzim Pǝrwǝrdigarning mǝdⱨiyisini eytidu;
Barliⱪ ǝt igiliri ǝbǝdil’ǝbǝd uning muⱪǝddǝs namiƣa tǝxǝkkür-mǝdⱨiyǝ ⱪayturƣay!
■145:3 Ayup 5:9; Zǝb. 48:1; 96:4; 150:2
■145:8 Mis. 34:6, 7; Qɵl. 14:18; Zǝb. 86:15; 103:8
□145:13 «izaⱨat» — yeⱪinda bǝzi kona kɵqürülmilǝrdin 13- wǝ -14-ayǝtning ariliⱪida: — « נ Pǝrwǝrdigar wǝdisidǝ qing turidu; barliⱪ yaratⱪanliriƣa meⱨribandur» degǝn mǝzmun bolƣan yǝnǝ bir nushisi tepilƣan (ibraniy tilida «Nun» bilǝn baxlinidu).