4
Dawami
1 Shu küni yette ayal bir erni tutuwélip, uningdin: — «Biz öz nénimizni yeymiz, öz kiyim-kécheklirimizni kiyimiz; peqet bizni reswaliqtin xalas qilish üchün, bizni namingizgha tewe qilishingizni ötünimiz!» — deydu. □ «bizni namingizgha tewe qilishingiz» — shu dewrde, toy qilghandin kéyin, ayal érining ismi bilen chaqirilidighan adet bar idi.
2 Shu küni «Perwerdigarning shéxi» uning güzelliki hem sheripini körsetküchi bolidu,
Zémin bergen méwe bolsa,
Qéchip qutulghan Israildikilerge shöhret we güzellik keltüridu.□ «Perwerdigarning shéxi» — choqum Perwerdigarning Özidin chiqqan bir zatni körsitidu. Emdi uning kim ikenliki töwende éniqlinidu. «Perwerdigarning shéxi» uning güzelliki hem sheripini körsetküchi bolidu» — ibraniy tilida ««Perwerdigarning shéxi» güzellik we shan-sherep üchün bolidu».
3 Hem shundaq ish boliduki,
Zionda qalghanlar, Yérusalémda toxtitilghanlar,
Yeni Yérusalémda hayat dep tizimlan’ghanlarning hemmisi pak-muqeddes dep atilidu.□ «...Yérusalémda hayat dep tizimlan’ghanlarning hemmisi pak-muqeddes dep atilidu» — axirqi zamanda Yehudiylarning «qaldi»si éniq körünidu.
4 Shu chaghda Reb adalet yürgüzgüchi roh hem köydürgüchi roh bilen,
Zion qizlirining pasiqliqini yuyup,
Yérusalémning qan daghlirini tazilaydu.
5 Shu chaghda Perwerdigar kündüzde Zion téghidiki herbir öy,
Shundaqla barliq ibadet sorunlarning üstige is-tütek we bulut,
Kechte bolsa ot yalqunining julasini yaritidu;
Chünki shan-sherepning üstide sayiwen bar bolidu. □ «shan-sherepning üstide sayiwen bar bolidu» — démek, Perwerdigarning Özining shan-sheripi Yérusalémda turidu.
6 Shu küni, kündüzde tomuz issiqqa saye qilidighan,
Xeterdin panahlinidighan, boran-yamghurlargha dalda bolidighan bir sayiwenlik kepe bolidu».
□4:1 «bizni namingizgha tewe qilishingiz» — shu dewrde, toy qilghandin kéyin, ayal érining ismi bilen chaqirilidighan adet bar idi.
□4:2 «Perwerdigarning shéxi» — choqum Perwerdigarning Özidin chiqqan bir zatni körsitidu. Emdi uning kim ikenliki töwende éniqlinidu. «Perwerdigarning shéxi» uning güzelliki hem sheripini körsetküchi bolidu» — ibraniy tilida ««Perwerdigarning shéxi» güzellik we shan-sherep üchün bolidu».
□4:3 «...Yérusalémda hayat dep tizimlan’ghanlarning hemmisi pak-muqeddes dep atilidu» — axirqi zamanda Yehudiylarning «qaldi»si éniq körünidu.
□4:5 «shan-sherepning üstide sayiwen bar bolidu» — démek, Perwerdigarning Özining shan-sheripi Yérusalémda turidu.