111
111-küy •••• Xudaning ulughluqini séghinish •••• 1-ayettiki izahatni körüng
1 Hemdusana!
Köngli duruslarning meshripide,
Hem jamaette turup,
Perwerdigargha pütün qelbim bilen teshekkür éytimen.□ «Hemdusana! Köngli duruslarning meshripide, hem jamaette turup...» — bu küy «élipbe tertipilik» küy. Biraq ibraniy tilini terjime qilish jeryanida jümle tertiplirini özgertish kérekliki tüpeylidin, «élipbelik» nusxini körsitelmiduq.
2 Perwerdigarning yasighanliri ulughdur;
Bulardin xursen bolghanlar izdinip ularni sürüshtürmekte.
3 Uning ejri sherep we heywettur,
Uning heqqaniyliqi menggüge turidu.
4 U Öz möjizilirini yad etküzidu;
Perwerdigar muhebbetlik hem rehimdilliktur.
5 U Özidin eyminidighanlarni ash bilen teminleydu;
Öz ehdisini hemishe yad étidu.
6 U emelliridiki qudritini Öz xelqige körsitip,
Bashqa ellerning miras-zéminini ulargha teqdim qildi.
7 Uning qoli qilghanliri heqiqet-sadaqet we adilliqtur;
Uning barliq körsetmiliri ishenchliktur.
8 Bular ebedil’ebedgiche inawetliktur;
Heqiqette hem durusluqta chiqirilghandur.
9 U Öz xelqige nijatliq ewetti;
Öz ehdisini emr qilip menggüge békitti;
Muqeddes hem sürlüktur Uning nami.
10 Perwerdigardin qorqush danaliqning bashlinishidur;
Uning hökümlirini tutqanlarning hemmisi yorutulghan ademlerdur;
Uning medhiyisi menggü turidu.
□111:1 «Hemdusana! Köngli duruslarning meshripide, hem jamaette turup...» — bu küy «élipbe tertipilik» küy. Biraq ibraniy tilini terjime qilish jeryanida jümle tertiplirini özgertish kérekliki tüpeylidin, «élipbelik» nusxini körsitelmiduq.