127
127-küy •••• Xuda bergen nésiweni héchkim tartiwalalmaydu
1 «Yuqirigha chiqish naxshisi»; Sulayman yazghan küy: —
Perwerdigar Özi öy salmisa,
Salghuchilar bikardin-bikar uninggha ejir singdüridu;
Perwerdigar sheherni saqlimisa,
Közetchiler bikardin-bikar oyghaq turidu.
2 Silerning seherde ornunglardin qopushunglar,
Kech bolghanda yétishinglar,
Japa-musheqqetni nandek yégininglar bikardin-bikardur;
Chünki U Öz söyginige uyquni béridu.□ «Japa-musheqqetni nandek yégininglar bikardin-bikardur» — bashqa birxil terjimisi: «Japa-musheqqet bilen tapqan nanni yégininglar bikardin-bikardur». «Chünki U Öz söyginige uyquni béridu» — bashqa birxil terjimisi: «Chünki U Öz söyginige uxlighan waqtida béridu».
3 Mana, balilar Perwerdigardin bolghan mirastur,
Baliyatquning méwisi Uning mukapatidur;
4 Yashliqta tapqan balilar,
Baturning qolidiki oqlardek bolidu.
5 Oqdéni mushular bilen tolghan adem bextliktur;
Sheher derwazisida turup düshmenler bilen sözlishiwatqinida,
Ular yerge qarap qalmaydu.□ «Sheher derwazisida turup düshmenler bilen sözlishiwatqinida» — «sheher derwazisi» xalayiq yighin achidighan, jem bolidighan jay idi.
□127:2 «Japa-musheqqetni nandek yégininglar bikardin-bikardur» — bashqa birxil terjimisi: «Japa-musheqqet bilen tapqan nanni yégininglar bikardin-bikardur». «Chünki U Öz söyginige uyquni béridu» — bashqa birxil terjimisi: «Chünki U Öz söyginige uxlighan waqtida béridu».
□127:5 «Sheher derwazisida turup düshmenler bilen sözlishiwatqinida» — «sheher derwazisi» xalayiq yighin achidighan, jem bolidighan jay idi.