1 He Megbevayà, libriya a;

pinaaǥi te ǥehem nu, petueni nu he wazè ku salà.

2 Pemineǥa nu is menge kebpengemuyù ku

3 su zuen menge lumelengyawà he midsurung kedì su edhimetayan e zan.

Menge mesipala sikandan ne wazè dan mekekilala kenikew.

4 Kenà a egkezuwazuwa he sikew is Megbevayè ku, ne iyan ka edtavang kediey.

Iyan ka, Nengazen, sendiǥè ku.

5 Berakat he medlikù diyà te menge kuntada ku is menge pesipala zan.

He Megbevayà dèdeeti nu sikandan tenged te kebmetinumanen nu.

6  Nengazen, ebpemuhat a ziyà te kenikew te pemuhat he kineugelingen he suat.

Edeliǥen ku sikew su iyan haazà meupiya.

7 Su ibpelingkawas a kenikew te langun he kelised ku,

ne egkeehè ku is kegkezeeǥa te menge kuntada ku.