1 Midumala te Megbevayà is ketiǥuman te menge gemhanan,

ne edhukuman din sikandan.

2 Ke sikandin te, “Sengemenu keluǥayad is kedtulung niw kedhimu te hukum he kenà metazeng?

Sengemenu keluǥayad is kedtulungi niw kedepiǥi te menge lalung?

3 Iveǥey niw is hustu he kukuman diyà te menge utew egkengeey-eyuwi wey menge ilu.

Levani niw is ketenged te menge egkaayuayu he edèdaaǥen.

4 Luwasa is menge utew egkengeey-eyuwi wey is menge pubri ziyà te ǥehem te menge mezaat he etew!

5 Utew kew menge paglung!

Utew kew menge taleng!

Diyè kew te kerusireman, umbe negurigew en heini is kelibutan.

6 Siak, is Utew Lavew he Megbevayà, egkeǥiyan ku sikiyu te menge megbevayè kew, ne pudu ku sikiyu menge anak.

7 Ebpatey kew iring te etew.

Egketapus is untung niw iring te minsan hentei he pengulu.”

8 Sigi en, Megbevayà, hukumi nu en is menge etew ziyà te langun he menge nasyun kayi te kelibutan, su ǥaked nu sikandan.