1 Deliǥa is Nengazen!

Sikiyu is menge etew te Nengazen he menge suluǥuen din, deliǥa niw sikandin.

2 Berakat he zeliǥa sikandin guntaan wey taman te taman.

3 Ebpuun te edsilaan pehendiyà te edsenlepan is langun he menge etew edalig te Nengazen.

4 Edhedian te Nengazen is langun he menge nasyun,

ne kenà egkerepengan is kegkemekeǥeǥehem din.

5 Wazà iring te Nengazen he Megbevayè tew he ebpimpinuu ziyà te pinuuwè din te kedhadì diyà te zivavew he utew metikang.

6 Edungul sikandin te ked-ahà te langit wey kelibutan.

7 Inggaun din te kelised is menge egkaayuayu wey menge pubri.

8 Ebeǥayan din daan sikandan te zengeg duma te dezekelà is dengeg duen te menge etew zin.

9 Edlipayen din is bahi he kenà ebpekaanak diyà te ubpeey zin pinaaǥi te kebeǥayi zin kandin te menge anak.

Deliǥa is Nengazen!